MATHAÏOS 23:13 - KA BAIBL

¹³ “Hynrei, kordit ïa phi, ki nongthoh bad ki Pharisi, kiba arsap! naba phi bam duh ïa ki ïing ki riewkynthei, te phi duwai jlan khnang ban tyllep: namar kata, phin ïoh diang ka jingshitom kaba kham khraw.

Khasi CL Bible (BSI)

¹³ “A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

MATHAÏOS 23:13 Mawu Ofanana

ISAÏAH 33:14

Ki nongpop ha Seïon ki sheptieng; ka jingkhynñiuh ka la lap klep ïa ki bymriewblei: “Uei napdeng jong ngi u ban shong lem bad ka ding babam duh? Uei napdeng jong ngi u ban shong lem bad ki jingmeh ding bymjukut?”

SEKHARAÏAH 11:17

“Kordit ïa uta u nongsharai uba thala uba iehnoh noh ïa ka kynhun! ka waitlam kan long ha ka ksang'ti kamon jong u, bad ha ka khmat kamon jong u: ka ksang'ti jong u kan tyrkhong khait, bad ka khmat kamon jong u kan dum tiaw.”

MATHAÏOS 23:16

“Kordit ïa phi, ki nongïalam bamatlah! kiba ong ba uno uno ruh u ban smai ha ka templ, kam long ei ei ruh em; hynrei, uno uno ruh u ban smai ha ka ksiar ka templ, u la teh ïa lade.

MATHAÏOS 23:23

“Kordit ïa phi, ki nongthoh bad ki Pharisi kiba arsap! naba phi ai ïa kaba shiphew na ka pudina, bad na ka dill, bad na ka kummin, bad phi iehnoh te ïa kita kiei kiei kiba kham khia ki jong ka hukum, ïa ka hok, bad ïa ka jingisynei, bad ïa ka jingngeit; ka la dei keiñ ïa phi ban leh ïa kine, bad ban ym iehnoh ïa kita kiwei.

MATHAÏOS 23:25

“Kordit ïa phi, ki nongthoh bad ki Pharisi kiba arsap! naba phi pynkhuid ïa kaba shabar ïa ka khuri bad ïa ka pliang, hynrei, shapoh ki dap da ka jinglute bad ka jinglalot.

MATHAÏOS 23:27

“Kordit ïa phi, ki nongthoh bad ki Pharisi kiba arsap! naba phi long kum ki jingtep ba la pynlieh, kiba imat ibha shisha na shabar, hynrei, shapoh kiba dap da ki shyieng jong ki baïap, bad da ka jakhlia baroh.

MATHAÏOS 23:29

“Kordit ïa phi, ki nongthoh bad ki Pharisi kiba arsap! naba phi tei ïa ki jingtep ki nongïathuhlypa, bad phi pynibha ïa ki maw jingtep ki bahok,

MATHAÏOS 3:7

Hynrei, haba u la ïohi ba bun na ki Pharisi bad ki Saddusi ki ïawan sha ka jingbaptis jong u, u la ong ha ki, “A phi ki khun ki ksiew ki bseiñ, uei ba la maham ïa phi ban phet ïap noh na kata ka jingbitar ka ban sa lap?

LOUKAS 11:52

Kordit ïa phi ki riewsaid! Naba phi la rah noh ïa u shabi jong ka jingtip: phi hi phim shym la rung shapoh, bad ïa kita kiba dang ïarung phi la khang.”

ÏOANNIS 9:22

Kita ki kmie ki kpa jong u ki la ïakren kumta, naba ki la ïasheptieng ïa kita ki Jiw; namar kita ki Jiw ki la lah ïakut lypa, ba lada uno uno ruh un phla ïa U ba U long U Khrist, yn kyntait noh ïa u na ka synagog.

ÏOANNIS 9:24

Kumta, ki la ïakhot sa shi sien ïa uta u briew uba la ju long matlah, bad ki la ïa-ong ha u, “To ai burom ha U Blei; ngi, ngi tip ba uta u briew u long u bapop.”

ÏOANNIS 9:34

Ki la ïathuh bad ki la ïa-ong ha u, “La kha ïa me ha ki pop suda, te me hikai ma me ïa ngi!” Bad ki la ïashop noh ïa u shabar.

KI KAM 13:8

Hynrei, uta u Elimas u nongleh byrtong (naba kumta la batai ïa ka kyrteng jong u), u la ïaleh pyrshah ïa ki, u da pyrshang ban pynphai noh ïa uta u lyngskor na kata ka jingngeit.

KI KAM 5:28

u da ong, “Ngi la hukum skhem ïa phi ban ym hikai ha kane ka kyrteng, te ha khmih, phi la pyndap ïa ka Jerusalem da ka jinghikai jong phi, bad phi ïathmu ban pynkit ha ngi ïa ka snam jong une u briew.”

KI KAM 5:40

Bad ki la ïakohnguh ha u; te haba ki la lah khot ha ki ïa ki apostol, ki la sympat ïa ki, bad ki la adong ïa ki ban ïalap ha ka kyrteng jong U Jisu, bad ki la pyllait noh ïa ki.

KI KAM 8:1

Te u Saul u la ïamynjur lem ïa ka jingpynïap ïa u. Ha kata ka sngi te, la jia ka jingpynshitom beiñ bakhraw ïa ka balang kaba ha Jerusalem, te la pynsakma ïa ki baroh, kylleng ki ri Judia bad Samaria, lait sa tang ki apostol.

2 TIMOTHI 3:8

Bad kumba u Jannis bad u Jambris ki la ïeng ïaleh pyrshah ïa u Moses, kumta, kine ruh ki ïeng ïaleh pyrshah ïa ka jingshisha; ki briew ba la pynpyut ha ki jingmut, kiba la kyntait shaphang kata ka jingngeit.

2 TIMOTHI 4:15

na u me ruh men kiar, namar u la ïeng ïaleh pyrshah shibun ïa ki ktien jong ngi.