MATHAÏOS 23:12 - KA BAIBL

¹² Uno uno ruh de u ban pynkhraw ïa lade, yn pynpoh; uno uno ruh u ban pynpoh te ïa lade, yn pynkhraw.

Khasi CL Bible (BSI)

¹² Ïa uno uno uba pynkhraw ïa lade yn pynrit, bad ïa uno uno uba pynrit ïa lade yn pynkhraw.”

MATHAÏOS 23:12 Mawu Ofanana

Ka Kitab U Job 22:29

Haba ki pynkyllon ïa me, men ong, ‘Ka jingpynkyntiew ka don; bad un pynim ïa uba leh rit.’

SALM 138:6

Naba la U Trai uba hajrong, pynban, u khmih ïa u barangli: hynrei, ïa uba sarong u ithuh na jngai.

PROBERB 15:33

Ka jingsheptieng ïa U Trai ka long ka jinghikai ka jingstad; bad ha shuwa ka burom ka leit ka jingsngewrit.

PROBERB 29:23

Ka jingsarong u briew ka pynpoh ïa u: hynrei uta uba rit ha ka mynsiem un ïoh ka burom.

ISAÏAH 57:15

Naba kumne ong uta uba ha khlieh bad hajrong tam uba shong dap ïa ka bymjukut, uba ka kyrteng jong u, “U Bakhuid:” “Nga shong ha ka jaka kaba hajrong bad ka bakhuid, bad kata ka mynsiem ruh kaba sngewsih bad ba sngewrit, ban pynim ruh ïa ka mynsiem jong uba sngewrit, ban pynim ruh ïa ka dohnud jong kiba sngewsih.

DANIEL 4:37

Mynta, nga, u Nebukhadnessar, nga ïaroh bad kyntiew nam bad pyndonburom ïa uta u syiem jong ka bneng; namar ki kam jong u baroh, ki long ka jingshisha, bad ki lynti jong u, ka jingbishar: bad ïa kiba ïaid ha ka jingsarong, u lah ban pynpoh.”

MATHAÏOS 18:4

Namar kata, uno uno ruh u ban pynrit ïa lade kum une u khynnah, uta u long uba kham khraw ha ka hima ki bneng;

MATHAÏOS 5:3

“Suk ki baduk ha ka mynsiem: naba jong ki, long ka hima ki bneng.

LOUKAS 14:11

Naba ïa uno uno baroh uba pynkhraw ïa lade, yn pynpoh; te ïa uba pynpoh ïa lade, yn pynkhraw.”

LOUKAS 18:14

Nga ong ha phi, ba une u la leit hiar pat sha la ïing uba la ksan, ban ïa uta uwei pat; naba ïa uei uei baroh uba pynkhraw ïa lade, yn pynpoh; te ïa uta uba pynpoh ïa lade, yn pynkhraw.”

JAKOB 4:6

Hynrei, u ai ïa ka jingaiei ba kham bun: naba kumta la ong: “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”

1 PETROS 5:5

Kumjuh, phi ki samla, to kohnguh ha kiba kham tymmen. Hynrei, baroh to phin ïakup ïa ka jingsngewrit ïa ka ban shakri paralok hi: naba “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”

1 PETROS 5:6

To phin pynrit ïa lade namar kata hapoh ka kti bakhrawbor ka jong U Blei, ba un ïoh pynkhraw ïa phi ha ka Ïa ba bit;