MATHAÏOS 21:12 - KA BAIBL

¹² U Jisu te u la leit hapoh ka templ, bad u la beh noh baroh ïa kiba die bad ba thied ha ka templ, bad u la pynkyllon ïa ki miej jong ki nongïapeiñ sbai, bad ïa ki jingshong jong kita kiba die ïa ki paro;

Khasi CL Bible (BSI)

¹² U Jisu u la leit shapoh ka Templ bad u la beh noh ïa baroh kito kiba ïadie bad kiba ïathied hangta. U la pynkylla khongpong ïa ki miej jong ki nongïapeiñ sbai bad ïa ki jaka shong jong kito kiba die paro,

MATHAÏOS 21:12 Mawu Ofanana

EKSODOS 30:13

Ïa kane kin sa ai, uwei uwei baroh hapdeng jong kita ba la hap ñiew, shiteng shekel katba kum ka shekel ka jaka kyntang: (ka shekel ka long arphew gerah) ka shiteng shekel kan long kata ka jingainguh ïa U Trai.

LEBITIKOS 1:14

“Te lada ka jingkñia ainguh jong u ïa U Trai kan long ka jingkñia ainguh thang da ki sim, ynda kumta, to ai ba un wallam ïa la ka jingainguh da ki sohlyngngem, lane da ki khun lyngdkhur.

LEBITIKOS 12:6

“ ‘Bad ynda la pyndep ïa ki sngi ka jingpynkhuid jong ka, namar u khun shynrang, lane ka khun kynthei, to kan wallam u khun langbrot uba shi snem, ïa ka ban long ka jingkñia ainguh thang, bad i khun paro, lane ka lyngdkhur, ïa ka ban long ka jingkñia namar ka pop, ha u lyngdoh, ha ka jingkhang Ka Tabernakl ka jingïaseng:

LEBITIKOS 12:8

Hynrei, lada ka kti jong ka kam lah kot haduh i khun langbrot, kan wallam da ar tylli ki lyngdkhur, lane ar tylli ki khun paro; kawei ban long ka jingkñia ainguh thang, bad kawei pat ïa ka ban long ka jingkñia namar ka pop: bad u lyngdoh un pynlong ka jingpynïasuk na ka bynta jong ka, ka ruh kan long khuid.’ ”

LEBITIKOS 14:22

bad ar tylli ki lyngdkhur, lane ar tylli ki khun paro, katba u lah hi ban kot; kawei ban long ka jingkñia namar ka pop, bad kawei pat ka jingkñia ainguh thang.

LEBITIKOS 14:30

Ynda kumta, un kñia ïa kawei na kita ki lyngdkhur, lane na kita ki khun paro, katba u lah ban kot hi;

LEBITIKOS 15:14

Ha ka baphra sngi ruh un shim ar tylli ki lyngdkhur, lane ar tylli ki khun paro, ynda kumta, un wan ha khmat U Trai ha ka jingkhang Ka Tabernakl ka jingïaseng, bad un ai ïa ki ha u lyngdoh:

LEBITIKOS 15:29

Bad ha ka baphra sngi kan shim ha lade ar tylli ki lyngdkhur, lane ar tylli ki khun paro, bad kan wallam ïa ki ha u lyngdoh, ha ka jingkhang Ka Tabernakl ka jingïaseng.

LEBITIKOS 5:11

“ ‘Hynrei, lada ka kti jong u kam lah kot haduh ar tylli ki sohlyngngem, lane ar tylli ki khun lyngdkhur, ynda kumta, ka dei ïa uta uba la leh pop ban wallam ïa la ka jingkñia da kumba ar ser shiteng u 'purew bani, ïa ka ban long ka jingkñia namar ka pop; un ym theh umphniang ha ka, lymne buh ka jingiwbih halor jong ka: naba ka long ka jingkñia namar ka pop.

LEBITIKOS 5:7

“ ‘Te lada ka kti jong u kam lah kot haduh i khun langbrot, ka dei ba un wan ai ha U Trai namar ka jingpalat jong u ba u la leh, da ar tylli ki lyngdkhur, lane ar tylli ki sohlyngngem; kawei ïa ka ban long ka jingkñia namar ka pop, bad kawei pat ïa ka ban long ka jingkñia ainguh thang.

MARKOS 11:11

U Jisu u la leit ruh shapoh Jerusalem, shapoh ka templ; te haba u la khmih baroh sawdong ïa kiei kiei baroh, ba ka long lypa ruh janmiet, u la leit noh sha Bethania lem bad ki khat-ar ngut.

LOUKAS 2:24

bad ïa ka ban ai ïa ka jingkñia, kat kum ba la ong ha Ka Hukum U Trai, “Shi jur ki lyngdkhur, lane ar tylli ki khun paro.”

ÏOANNIS 2:13

Te Ka Niam Ka Jinglait jong ki Jiw ka la jan, bad U Jisu u la leit kiew sha Jerusalem.