MATHAÏOS 19:22 - KA BAIBL

²² Hynrei, haba uta u samla u la ïohsngew ïa kata ka ktien, u la leit noh sngewsih, naba u don shibun ki spah.

Khasi CL Bible (BSI)

²² Haba u samla u la ïohsngew ïa kane, u la leit noh da kaba sngewsih, namar u la long uba riewspah bha.

MATHAÏOS 19:22 Mawu Ofanana

SALM 17:14

na ki briew, da la ka kti, A Trai, na ki briew ka pyrthei, kiba ka bynta jong ki ka ha kane ka jingim, bad kiba me pyndap ïa ki kpoh jong ki da ka jingkynshew jong me: la pynhun ïa ki da ki khun, bad kaba dang sah na ka spah jong ki, ki iehnoh ha ki khunlung jong ki.

ESEKIEL 33:31

Te ki ïawan ha me kumba wan ki paidbah, bad ki ïashong ha khmat jong me kumba shong ki paidbah jong nga, bad ki shahshkor ruh ïa ki ktien jong me, hynrei, kim leh satia ïa ki: namar da ki shyntur jong ki, ki pyni shibun ka jingieit, hynrei, ka dohnud jong ki ka ïabeh ïa ka jingmyntoi jong ki.

MATHAÏOS 13:22

Uta te ïa uba la bet hapdeng ki dieng shiah, long uta uba ïohsngew ïa kata ka ktien; hynrei, ka jingkhuslai kane ka pyrthei, bad ka jingshukor ka spah, ki ïakjap ïa kata ka ktien, te kam sei soh shuh.

MATHAÏOS 14:9

U syiem te u la sngewsih, hynrei, na ka bynta kita ki jingsmai, bad kita kiba ïashong bam bad u, u la hukum ban ai.

MATHAÏOS 16:26

Naba u briew un myntoi aïu, lada un ïoh ïa ka pyrthei baroh, bad un duh noh ïa la ka mynsiem? Lane u briew un ïapli da ei ïa la ka mynsiem?

MATHAÏOS 19:21

U Jisu u la ong ha u, “Lada me mon ban long janai, to khie leit noh, die noh ïa kiei kiei ruh kat kiba me don, to ai ruh ha ki baduk, men ïoh ka jingkynshew te ha bneng; to wan bud ruh ïa nga.”

MATHAÏOS 19:23

U Jisu te u la ong ha ki synran jong u: “Shisha nga ong ha phi, ba ka da eh noh ïa u riewspah ban leit bsut hapoh ka hima ki bneng.

MATHAÏOS 6:24

“Ym don uba lah ban shakri ar ngut ki kynrad; naba un isih ïa uwei, bad un ieit ïa uwei; lane un bat ïa uwei, bad un lyndet ïa uwei. Phim lah ban shakri ïa U Blei bad ïa ka spah.”

MARKOS 10:22

Te u la buhkhoh namar kata ka ktien, bad u la leit noh sngewsih, naba u la don shibun ki spah.

MARKOS 6:26

Uta u syiem te u la sngewsih eh, hynrei, na ka bynta kita ki jingsmai, bad na ka bynta kita kiba ïashong bam lem bad u, um mon ban kyrngah ïa ka.

LOUKAS 18:23

Hynrei, haba u la ïohsngew ïa kine kiei kiei ruh, u la sngewsih shikatdei eh, naba u la long u bariewspah eh.

ÏOANNIS 16:20

Shisha, shisha nga ong ha phi; phi, phin ïam bad phin lynñiar ruh, hynrei, ka pyrthei kan kmen; ma phi, te phin sngewsih, hynrei, kata ka jingsngewsih jong phi kan kylla sha ka jingkmen.

EPHESOS 5:5

Namar phi tip skhem ïa kane, ba uwei pa uwei uba klim, bad uba leh jakhlia, bad uba ikwah lalot, uba long uba mane bleithaw, um don ka bynta ha ka hima U Khrist bad U Blei.

KOLOSSAI 3:5

Namar kata, to phin pynïap troiñ ïa ki dkhot jong phi kiba ha ka khyndew; kaba klim, ka jingbymkhuid, ka jingïaid shikar, ka jingkwah basniew, bad ka jingkwah lalot, kaba long ka jingmane bleithaw;