MATHAÏOS 19:21 - KA BAIBL

²¹ U Jisu u la ong ha u, “Lada me mon ban long janai, to khie leit noh, die noh ïa kiei kiei ruh kat kiba me don, to ai ruh ha ki baduk, men ïoh ka jingkynshew te ha bneng; to wan bud ruh ïa nga.”

Khasi CL Bible (BSI)

²¹ U Jisu u la ong ha u, “Lada me kwah ban long uba janai, to khie leit bad die noh ïa baroh kaba me don bad ai ïa ka pisa ha kiba duk, bad men don ka spah ha bneng; nangta to wan bad bud ïa nga.”

MATHAÏOS 19:21 Mawu Ofanana

JENESIS 17:1

Te u Abram u la long khyndaiphew khyndai snem, bad U Trai u la paw ha u Abram, bad u la ong ha u, “Nga long U Blei U Badonbor Baroh; to ïaid ha khmat jong nga, bad to long me uba janai.

JENESIS 6:9

Kine ki long ki jinghiar pateng jong u Noah: u Noah u la long u briew u bahok, uba beit ha ki pateng bynriew jong u, u Noah u la ïaid ryngkat bad U Blei.

Ka Kitab U Job 1:1

La don u briew ha ka ri Us, uba kyrteng “u Job”; te uta u briew u la long uba janai bad uba beit, bad uba sheptieng ïa U Blei, bad uba kiar noh na ka basniew.

SALM 37:37

To khmih thuh ïa u bajanai, bad to khmih ïa uba beit: naba ka bakut jong uta u briew long ka jingsuk.

MATHAÏOS 16:24

Ynda kumta, U Jisu u la ong ha ki synran jong u: “Lada uno uno ruh u mon ban wan nadien jong nga, ai ba un len ïa lade, bad un rah ïa la ka diengphna, bad un wan bud ïa nga.

MATHAÏOS 19:20

Uta u samla u la ong ha U, “Ïa kita baroh nga la sumar na myndang khynnah: don aïu pat ba nga dang duna?”

MATHAÏOS 19:22

Hynrei, haba uta u samla u la ïohsngew ïa kata ka ktien, u la leit noh sngewsih, naba u don shibun ki spah.

MATHAÏOS 19:28

U Jisu te u la ong ha ki: “Shisha nga ong ha phi, ba phi kiba la ïabud ïa nga, ha ka jingpynthymmai ynda U Khun u briew un shong ha ka khet ka burom jong u, phi ruh phin shong ha ki khat-ar ki khet, ban bishar ïa ki khat-ar ki jaid Israel.

MATHAÏOS 4:19

U la ong te ha ki, “To ale nadien jong nga, te ngan pynlong ïa phi ki nongtong briew.”

MATHAÏOS 5:48

Namar kata, phin ïalong kiba janai, kumba U Kpa jong phi uba ha bneng u long uba janai.”

MATHAÏOS 8:22

Hynrei, U Jisu u la ong ha u, “Bud ïa nga; bad ieh ïa ki baïap ban tep ïa ki baïap jong ki.”

MATHAÏOS 9:9

Haba U Jisu te u la ïaid noh nangta, u la ïohi ïa u briew, ïa uba la khot “Mathaïos”, uba shong ha ka ïing khrong; U ong te ha u, “To bud ïa nga.” Te haba u la ïeng, u la bud ïa U.

MARKOS 10:21

U Jisu te haba U la khmih ha u, U la sngewieit ïa u, bad U la ong ha u, “Kawei ka dang duna ïa me: to khie leit, die noh katba me don, ai ruh ha ki baduk, te men ïoh ka jingkynshew ha bneng: te ale, da rah ïa ka diengphna, to bud ruh ïa nga.”

MARKOS 2:14

Te katba U nang ïaid noh nangta, U la ïohi ïa u Lebi u khun u Alphaïos ba u shong ha ïing khrong, U la ong te ha u, “To bud ïa nga.” Te u la ïeng bad u la bud ïa U.

MARKOS 8:34

Te haba U la khot ha U ïa u paidbah lem bad ki synran jong u, u la ong ha ki, “Jar uba mon ban wan bud nadien jong nga, ai ba un len ïa lade, bad un bah ïa la ka diengphna, bad un bud ïa nga:

LOUKAS 12:33

To die noh ïa kiei kiei ki jong phi, to ai jingai isynei ruh; to thaw ïa lade ki jingpan ki ban ym man rim, ka jingkynshew keiñ ha ki bneng ka ban ym lut noh, sha kaba u nongtuh um wan hajan, lymne ka khñiang kam pynjot.

LOUKAS 14:33

Kumta ruh, uno uno uba na phi, u bymñiew duh noh ïa kiei kiei baroh kiba u don, um lah ban long u synran jong nga.”

LOUKAS 16:9

Nga ong ruh ha phi: To pynlong ïa lade ki lok da ka spah bymhok, ba ynda la poi ka bakut, kin pdiang ïa phi sha kita ki ïing bymjukut.

LOUKAS 18:22

U Jisu te haba U la ïohsngew ïa kine kiei kiei ruh, U la ong ha u, “Sa kawei me dang duna. To die noh ïa kiei kiei baroh katba me don, to sam ruh ha ki baduk, te men ïoh ka jingkynshew keiñ ha bneng; bad to wan bud ïa nga.”

LOUKAS 5:27

Te hadien kine kiei kiei ruh, u la leit noh, bad u la ïohi ïa u nongkhrong uba kyrteng “u Lebi”, ba u da shong ha ka ïing khrong, bad U la ong ha u, “To bud ïa nga.”

LOUKAS 6:40

U synran um long halor u nonghikai jong u; hynrei, ynda la hikai bha ïa u, un long kum u nonghikai jong u.

LOUKAS 9:23

U la ong ruh ha ki baroh, “Lada uno uno ruh u mon ban wan nadien jong nga, ai ba un len ïa lade, bad un rah ïa la ka diengphna ha la ka sngi, bad un bud ïa nga;

ÏOANNIS 10:27

Kita ki langbrot jong nga ki sngap ïa ka ktien jong nga; ma nga te nga ithuh ïa ki, bad ki ïabud ïa nga;

ÏOANNIS 12:26

Lada uno uno ruh un shakri ïa nga, to ai ba un bud ïa nga; bad sha kaba nga don ma nga, hangta ruh u shakri jong nga un long: lada uno uno ruh u shakri te ïa nga, U Kpa jong nga un pyndonnam ïa u.

KI KAM 2:45

bad ki la ïadie noh ïa la ki bri, ïa la ki ïing, bad ïa la ki mar, bad ki la ïasam ïa ki ha baroh, kat ha kiba donkam.

HEBRU 10:34

Namar phi la sngewlem bad kita kiba shah ha ki jingkhum, bad phi la ïashah da kaba kmen ïa ka ban lute ïa kita kiei kiei kiba phi don, da kaba tip skhem ba phi hi, phi don ka bynta kaba kham bha, bad kaba neh.