MATHAÏOS 18:10 - KA BAIBL

¹⁰ “To sumar ba phin ym ibeiñ ïa iwei na kine ki barit; naba nga ong ha phi, ba ki angel jong ki ha bneng, ki ïohi ha la ka sngi ïa ka khmat U Kpa jong nga uba ha bneng.

Khasi CL Bible (BSI)

¹⁰ “To sumar ba phin ym ibeiñ ïano ïano na kine kiba rit. Ki angel jong ki ha bneng, nga ong ha phi, ki ïai don ha ka jingdon ryngkat jong U Kpa jong nga uba ha bneng.

MATHAÏOS 18:10 Mawu Ofanana

2 SAMUEL 14:28

Kumta, u Absalom u la shong la dap ar snem ha Jerusalem; bad um shym la ïohi ïa ka khmat u syiem.

1 SYIEM 22:19

U te u la ong, “Namar kata, to sngew ïa ka ktien U Trai: nga la ïohi ïa U Trai ba u shong halor ka khet jong u, bad u paidbah bneng baroh u ïeng hajan jong u sha ka kti kamon jong u bad sha kadiang.

ESTHER 1:14

bad kiba kham jan ïa u, ki la long u Karsena, u Sether, u Admatha, u Tarsis, u Meres, u Marsena, bad u Memukan, kine hynñiew ngut ki rangbah ka Persha bad ka Media, kiba la ju ïohi ïa ka khmat u syiem, bad kiba shong ha khlieh ha kata ka hima:)

SALM 15:4

Uba u riewsniew u long ba la ibeiñ ha khmat jong u; hynrei, u burom ïa kita kiba sheptieng ïa U Trai. Uba smai ïa la ka jong ka jingpynsniew, bad um kylla shuh.

SALM 17:15

Nga te, ngan ïoh khmih ïa ka khmat jong me ha ka hok: yn pynhun ïa nga, ynda nga la peit, da ka dur jong me.

SALM 34:7

U angel U Trai u ker sawdong ïa kita kiba sheptieng ïa U, bad u pyllait ïa ki.

SALM 91:11

Naba un hukum ïa la ki angel shaphang jong me, ban sumar ïa me ha ki lynti jong me baroh.

SEKHARAÏAH 13:7

“To khie, ko waitlam, pyrshah ïa u nongaplangbrot jong nga, bad pyrshah ïa uta u briew uba long u lok u jong nga,” ong U Trai ki paid. “To pom ïa u nongaplangbrot, te yn pynsakma ïa ki langbrot; te ngan pynphai la ka kti ha kiba rit.

SEKHARAÏAH 4:10

Naba uei uba la ñiewbeiñ ïa ka sngi jong kiei kiei kiba rit? Naba kin leh kmen, bad kin ïohi ïa u sawar ha ka kti u Serubbabel, wat kine ki hynñiew tylli, kiba long ki khmat jong U Trai: ki phet shane bad shawei ïa ka khyndew baroh.”

MATHAÏOS 1:20

Hynrei, haba u dang puson ïa kine kiei kiei ruh, ha khmih, u angel U Trai u la paw ha u ha ka jingphohsniew, u da ong, “Ko Joseph, u khun u Dabid, wat sheptieng ban shim ha me ïa ka Mari ka tnga jong me: naba ita iba la pun ha ka, i long na U Mynsiem Bakhuid:

MATHAÏOS 12:20

un ym pynkheiñ ïa u khah uba la mong, bad un ym pynlip ïa u 'saihon uba sah tdem, tad ynda un pynphriang ïa ka jingbishar haduh ka jingjop:

MATHAÏOS 18:14

Kumta, kam long ka mon U Kpa jong phi uba ha bneng, ba in jah noh iwei na kine ki barit.

MATHAÏOS 18:6

“Uno uno ruh u ban pynthut te ïa iwei na kine ki barit kiba ngeit ha nga, ka la kham bha ïa u ba yn teh ïa u mawtylliat bakhraw ha ka ryndang jong u, bad ba yn pynngam jyllop ïa u ha kaba jylliew ka duriaw.

MATHAÏOS 2:13

Haba ki la ïaleit noh, ha khmih, u angel U Trai u la paw ha u Joseph ha ka jingphohsniew, u da ong, “To ïeng to shim noh ruh ïa u khunlung bad ïa ka kmie jong u, to phet noh sha ri Ijipt, bad men shong hangta tad ynda ngan ong ha me: naba u Herod un sa wad ïa uta u khunlung ïa ka ban pynïap noh ïa u.”

MATHAÏOS 2:19

Hynrei, haba la ïap u Herod, ha khmih, u angel U Trai u la paw ha u Joseph ha ka jingphohsniew ha Ijipt,

MATHAÏOS 24:31

Un phah noh ruh ïa ki angel jong u da ka jingsawa bakhraw ka turoi, bad kin ïalum lang ïa kiba la jied jong u na ki saw lyer, naduh ki bakut ki bneng haduh ki bakut jong ki.

LOUKAS 1:19

Uta u angel u da ïathuh u la ong te ha u, “Nga long u Gabriel, uba ïeng ha khmat U Blei; te la phah ïa nga ban kren ha me, bad ban wallam ruh ha me ïa kine ki khubor babha.

LOUKAS 10:16

“Jar uba sngew ïa phi, u sngew ïa nga; bad jar uba kyntait ïa phi, u kyntait ïa nga; bad jar uba kyntait ïa nga, u kyntait ïa uta uba la phah ïa nga.”

LOUKAS 16:22

Ka la jia te, ba uta u nongkhrong u la ïap noh, bad ba la bah noh ïa u da ki angel sha ka shadem u Abraham. Uta u bariewspah ruh u la ïap noh de, bad la tep ïa u.

KI KAM 10:3

U la ïohi shynna ha ka jingithuhpaw, hamar kaba khyndai baje mynsngi, ïa u angel U Blei ba u wan hapoh ha u, bad ba u ong ha u, “Ko Kornilios.”

KI KAM 12:15

Te ki la ïa-ong ha ka, “Pha lamwir.” Hynrei, ka la ïathuh skhem ba ka long kumta. Te ki la ïa-ong, “Kata dei u angel jong u.”

KI KAM 12:23

Te kumne kumne u angel U Trai u la shoh ïa u, namar um shym la ai ka burom ha U Blei; te la bam ka ksaiñ ïa u, bad u la dkut mynsiem noh.

KI KAM 27:23

Namar la ïeng hajan jong nga ha kane ka miet u angel U Blei, u jong uba nga long, bad ïa uba nga shakri ruh,

KI KAM 5:19

Hynrei, mynmiet, u angel U Trai u la plie wang ïa ki jingkhang kata ka ïing byndi, bad haba u la ïalam noh ïa ki shabar, u la ong,

Ka Shithi U Paul Sha Ki Nong Rom 14:10

Hynrei, me balei me bishar ïa la u parabangeit? lane balei ruh me ñiewbeiñ ma me ïa la u parabangeit? namar ngi baroh ngin ïeng ha khmat ka khet bishar ka jong U Blei.

Ka Shithi U Paul Sha Ki Nong Rom 14:21

Ka long ka babha keiñ ïa ka ban ym bam ïa ka doh, lane ban ym dih ïa ka Waiñ, lane ban ym leh ei ei ruh da kaba u parabangeit jong me u da thut, lane u da jynthut, lane u da sngewtlot.

Ka Shithi U Paul Sha Ki Nong Rom 15:1

Te ma ngi ki bakhlaiñ ngi dei ban ïaishah ïa kita ki jingtlot jong ki bymkhlaiñ, bad ban ym pynsngewbha tang ïa lade hi.

1 KORINTH 11:22

Balei? phim don la ki ïing ïa ka ban bam ban dih? ne phi ïañiewbeiñ ïa ka balang U Blei, bad phi ïa-pynlehrain ïa kita ki bymdon? Aïu ngan ong ha phi? Ngan ïaroh ïa phi ha kane? Ngan ym ïaroh.

1 KORINTH 16:11

Namar kata, to wat ai ba uno uno ruh un ñiewbeiñ ïa u. Hynrei, to da ïaleit on lynti ïa u ha kaba suk, ba un ïoh wan ha nga, namar nga khmih lynti ïa u lem bad ki parabangeit.

1 KORINTH 9:22

Ha ki batlot, nga la leh ïa lade kum u batlot, khnang ba ngan ïoh pynwan ïa kita ki batlot. Ha ki briew baroh nga pynlong ïa lade kiei kiei baroh, khnang ba ngan ïoh pynim da kumno kumno ruh ïa kino kino.

2 KORINTH 10:1

Te nga hi, u Paul, nga kyrpad ïa phi da ka jingjemnud bad ka jingshahjem U Khrist, ma nga keiñ, uba haba don ha khmat, nga long uba rit hapdeng jong phi, hynrei, ha bymdon ha khmat nga leh shlur sha phi.

2 KORINTH 10:10

“Naba, ki shithi jong u”, ki ong, “kiba khia bad kiba jur, hynrei, kata ka jingdon jong u ha khmat ka long ka batlot, bad ka jingkren jong u kaba la ñiewbeiñ.”

GALATIA 6:1

Ko parabangeit, wat lada lap ïa u briew ha kano kano ka jingpalat, ma phi kiba kynja mynsiem, to pynbha pat ïa uba kum uta ha ka mynsiem ka jingjemnud, da kaba khmih ïa lade, ïoh ba yn pynshoi ïa me ruh.

1 THESSALONI 4:8

Naba kumta, jar uba kyntait, um kyntait ïa u briew, hynrei, ïa U Blei, uba ai ïa U Mynsiem Bakhuid jong u ha phi.

1 TIMOTHI 4:12

To wat ai ïano ïano ruh ban ibeiñ ïa ka jinglong samla jong me; hynrei, to men long ka rukom ïa kita kiba ngeit, ha ka ktien, ha ka jinglong jingim, ha ka jingieit, ha ka jingngeit, ha ka jinglong sngur.

HEBRU 1:14

Hato kita baroh kim long ki mynsiem bashakri, ïa kiba la phah noh ïa ka ban shakri na ka bynta kita ki ban sa ïoh ïa ka jingpynim?

HEBRU 9:24

Namar U Khrist u la leit rung ym sha ka Jaka kyntang ba la thaw da ki kti, kaba syriem ïa kata kaba shisha; hynrei, sha kata ka bneng hi, mynta ban paw ha khmat U Blei na ka bynta jong ngi:

JINGPYNPAW 8:2

Bad nga la ïohi ïa ki hynñiew ki angel kiba ïeng ha khmat U Blei, bad ha ki, la ai hynñiew ki turoi.