MATHAÏOS 16:12 - KA BAIBL

¹² Ynda kumta, ki la sngewthuh ba um shym la ong ban sumar na u thiat u kpu, hynrei, na ka jinghikai ki Pharisi bad ki Saddusi.

Khasi CL Bible (BSI)

¹² Nangta ki synran ki la shemphang ba um shym la maham ïa ki ban sumar ïa lade na u thiat uba pyndonkam ha u kpu, hynrei na ka jinghikai ki Pharisi bad ki Saddusi.

MATHAÏOS 16:12 Mawu Ofanana

MATHAÏOS 16:11

Kumno ba phim sngewthuh ba ngam shym ong ha phi shaphang u kpu? hynrei, ban sumar na uta u thiat ki Pharisi bad ki Saddusi.”

MATHAÏOS 3:7

Hynrei, haba u la ïohi ba bun na ki Pharisi bad ki Saddusi ki ïawan sha ka jingbaptis jong u, u la ong ha ki, “A phi ki khun ki ksiew ki bseiñ, uei ba la maham ïa phi ban phet ïap noh na kata ka jingbitar ka ban sa lap?

MATHAÏOS 5:20

Naba nga ong ha phi, ba lada ka hok jong phi kam da long kaba kham palat shikatdei ïa ka jong ki nongthoh bad ki Pharisi, phin ym ïoh rung satia ha ka hima ki bneng.”

KI KAM 23:8

Namar ki Saddusi ki ïa-ong ba ym don ka jingmihpat, lymne ki angel, lymne ki mynsiem; hynrei, ki Pharisi ki ïaphla ïa ki baroh ar.

1 KORINTH 5:6

Kata ka jingleh sarong jong phi, kam long ka babha. Hato phim ju tip ba i thiat iba khun khyndiat, i pynsieb ïa baroh kawei ka shi lynglun u 'pu im?