MATHAÏOS 13:22 - KA BAIBL

²² Uta te ïa uba la bet hapdeng ki dieng shiah, long uta uba ïohsngew ïa kata ka ktien; hynrei, ka jingkhuslai kane ka pyrthei, bad ka jingshukor ka spah, ki ïakjap ïa kata ka ktien, te kam sei soh shuh.

Khasi CL Bible (BSI)

²² Ki symbai kiba hap hapdeng ki bniap shiah ki ïeng na ka bynta kito kiba ïohsngew ïa ka khubor; hynrei ki jingkhuslai shaphang kane ka jingim bad ka jingieit ïa ka spah ki kjap ïa ka khubor, bad kim pynmih soh.

MATHAÏOS 13:22 Mawu Ofanana

SALM 52:7

“Ha khmih, une u long uta u briew u bym shym la pynlong ïa U Blei ban long ka bor jong u; hynrei, u la shaniah ha ka jingkynrei ki spah jong u, bad u la pynkhlaiñ ïa lade ha la ka jingbymman.”

SALM 62:10

Wat shaniah ha ka jingbanbeiñ, bad wat man thala ha ka jingknieh bor: lada roi ki spah, wat buh la ka dohnud ha ki.

PROBERB 11:28

Uta uba shaniah ha la ka spah, un kyllon: hynrei, u bahok un roi kum ka sla ka bajyrngam.

PROBERB 23:5

Hato men buh ïa la ki khmat ha kata ka bymlong? Naba shisha ka spah ka pynlong thapniang ïa lade, kum ka pukni kaba her sha bneng.

EKLESIASTIS 4:8

Don uwei uba tang marwei, bad um don uwei pat; shisha, um don lymne khun lymne para; pynban, ym don ka bakut ïa ka jingtrei jong u baroh, lymne ym shym la pynhun ïa ki khmat jong u da ki spah. “Ïano te,” u ong, “nga trei shitom, bad nga pynduh ïa ka babha na la ka mynsiem?” Kane ruh ka long kaba thala, shisha, ka long ka jingshitom sat.

JEREMAÏAH 4:3

Naba kumne u ong U Trai ha ki briew ka Judah bad ha ka Jerusalem, “To puh ïa ka khyndew shrah jong phi, bad wat bet hapdeng ki shiah.

MATHAÏOS 12:32

Bad uno uno ruh uba krenbeiñ ïa U Khun u briew, ïa uta lah ban map; hynrei, uno uno ruh uba krenbeiñ ïa U Mynsiem Bakhuid, ïa u yn ym map, ha kane ka pyrthei lymne ha kata ka ban sa wan.”

MATHAÏOS 13:39

uta u nongshun uba la bet ruh ïa ki, u long u Soitan; kata ka aïom ot ruh, ka long kaba wai noh ka pyrthei; kita kiba ot ruh, ki long ki angel.

MATHAÏOS 13:40

Namar kata, kumba ïalum ïa kita ki ñiut bad ba thang ïa ki ha ka ding, kumta keiñ, kan long ha kaba wai noh kane ka pyrthei.

MATHAÏOS 13:7

Kiwei pat te ki la hap hapdeng ki dieng shiah; te kita ki dieng shiah ki la mih, bad ki la ïakjap ïa ki.

LOUKAS 12:15

U la ong ruh ha ki, “To sumar, to kiar ruh na ka jingkwah lalot baroh: namar ka jingim u briew kam shong satia ha ka jingdap kyrhai jong kiei kiei kiba u don.”

LOUKAS 12:21

Kumta, u long uta uba kynshew lypa ïa lade, hynrei, u bymlong riewbha sha U Blei.”

LOUKAS 21:34

“Namar kata, to sumar ïa lade, ïoh kumno kumno ba ki dohnud jong phi kin sngewkhia da kaba bam lalot, bad da kaba buaid, bad da ki jingkhuslai pyrthei, bad ba kata ka sngi kan lap kyndit ïa phi kum ka jingriam:

LOUKAS 8:14

Uta uba la hap hapdeng ki dieng Shiah te, long kita kiba ju ïohsngew, te katba ki nang pynleit la ki sngi ka rta, la kjap ïa ki da ki jingkhuslai bad ka spah, bad ki jingsngewbha kane ka jingim; te kim sei ki soh ki ba-ih bha.

KI KAM 8:18

Te ynda u Simon u la ïohi ba da kaba buh ki kti ki apostol, la ai ïa U Mynsiem Bakhuid, u la tyrwa sbai ha ki,

Ka Shithi U Paul Sha Ki Nong Rom 12:2

Bad to wat pynsyriem ryngkat ïa lade bad kane ka pyrthei; hynrei, to pynkylla dur noh ïa lade keiñ da ka jingpynthymmai ïa ka jingmut jong phi, khnang ba phin ïoh tip kaba kumno ka long ka mon ka jong U Blei, ka babha, bad kaba pynsngewbha eh, bad ka bajanai de.

1 KORINTH 1:20

Hangno u bastad? hangno u nongthoh? hangno uba skuiñ ïasaid nia jong kane ka pyrthei? Hato U Blei um shym la pynbieit ïa ka jingstad jong kane ka pyrthei?

1 KORINTH 2:6

La kumta ruh, ngi kren ïa ka jingstad hapdeng kita kiba janai; hynrei, ym ïa ka jingstad jong kane ka pyrthei, lymne ka jong ki bakhraw batri jong kane ka pyrthei ki ban sa duh noh:

1 KORINTH 2:8

ïa kaba ym don na kita ki bakhraw batri jong kane ka pyrthei ba la ithuh; namar, lada ki la ithuh, kin ym da la sahnarphna ïa U Trai ka burom.

1 KORINTH 3:18

Wat ai ba uno uno ruh un shukor ïa lade. Lada uno uno ruh hapdeng jong phi u tharai ïa lade ba u long u bastad ha kane ka pyrthei, to un long u babieit, khnang ba un ïoh long u bastad.

2 KORINTH 4:4

ha kiba u blei jong kane ka pyrthei u la pynmatlah noh ïa ki jingmut kita ki bymngeit, khnang ba ka jingshai ka gospel ka burom U Khrist, uba long ka dur U Blei, kan ym tyngshaiñ ha ki.

GALATIA 1:4

uba la aiti noh ïa lade namar ki pop jong ngi, ba un ïoh pyllait noh ïa ngi na kane ka pyrthei basniew kaba mynta, katba kum ka mon U Blei bad U Kpa jong ngi:

EPHESOS 2:2

ha kiba phi la ju ïaid mynno mynno katba kum ka rukom jong kane ka pyrthei, katba kum u syiem ka jingsynshar ka suiñ, ka jong kata ka mynsiem keiñ kaba trei mynta ha ki khun ka jingbymkohnguh:

1 TIMOTHI 6:17

To hukum ïa kita ki bariewspah ha kane ka pyrthei ban ym sngewmeng, lane ban ym kyrmen ha ka jingbymthikna ka spah, hynrei, ha U Blei, u ba ai kyrhai ha ngi ïa kiei kiei baroh ïa ka ban pyndonkam sngewbha ïa ki;

2 TIMOTHI 4:10

namar u Demas u la iehnoh ïa nga, bad u la ieit ïa kane ka pyrthei, bad u la leit noh sha Thessaloni; u Kresen sha Galatia; u Titos sha Dalmatia.