MATHAÏOS 13:15 - KA BAIBL

¹⁵ Naba ka dohnud kine ki briew ka la rben, bad ki la sngewkhia da la ki shkor, bad ki la khapbrip ïa la ki khmat; bad ïoh kin ïohi da la ki khmat, bad ba kin ïohsngew da la ki shkor, bad ba kin ïoh sngewthuh da la ka dohnud, bad ba kin ïoh kylla, bad ba ngan ïoh pynkhiah ruh ïa ki.’

Khasi CL Bible (BSI)

¹⁵ namar ki jingpyrkhat jong ki, ki la bthi, bad ki la set ïa ki shkor jong ki bad ki la khapbrip la ki khmat. Lymda kumta, ki khmat jong ki, kin jin da la ïohi, ki shkor jong ki kin jin da la ïohsngew ki jingmut jingpyrkhat jong ki kin jin da la shemphang, bad kin jin da la wan phai pat sha nga,’ ong U Blei, ‘bad ngan pynkhiah ïa ki.’

MATHAÏOS 13:15 Mawu Ofanana

SALM 119:70

Ka dohnud jong ki ka sngaid kum ka khleiñ; hynrei, nga, nga sngewbha ha ka aiñ jong me.

PROBERB 16:30

Uta uba khapbrip ïa la ki khmat, ka long ïa ka ban pun ïa kiei kiei kiba runar: uta uba kyrbam ïa la ki rmiang shyntur u pynlong ïa ka jingsniew.

ISAÏAH 44:20

U bam da ka dpei: ka dohnud bashukor ka la pynbakla ïa u, katba um nang ban pyllait ïa la ka mynsiem, lymne ban ong, “Hato ym don ka jinglamler ha ka kti kamon jong nga?”

ISAÏAH 57:18

Nga la ïohi ïa ki lynti jong u, te ngan pynkhiah ïa u: ngan ïalam ruh ïa u, bad ngan ai pat ki jingtngen ha u, bad ha kiba ïambriew jong u.

ISAÏAH 6:10

Pynkhleiñ ïa ka dohnud une u paidlang, bad to pynkhia ïa ki shkor jong ki, bad to pynkhapbrip ïa ki khmat jong ki; ïoh kin ïohi da la ki khmat, bad ïohsngew da la ki shkor, bad sngewthuh da la ka dohnud, bad kin phai pat, bad yn pynkhiah ïa ki.”

JEREMAÏAH 17:14

To pynkhiah ïa nga, A Trai, te yn pynkhiah ïa nga; to pynim ïa nga, te yn pynim ïa nga: naba me long ka jingïaroh jong nga.

JEREMAÏAH 17:9

Ka dohnud ka kham shukor ban ïa kiei kiei baroh, bad ka long ka basniew khlem jingkyrmen: uei uba lah ban ithuh ïa ka?

JEREMAÏAH 3:22

“To wan phai, phi ki khun baphai dien, te ngan pynkhiah ïa ki jingphaidien jong phi.” “Ha khmih, ngi la wan sha me; naba me long U Trai U Blei jong ngi.

JEREMAÏAH 33:6

Ha khmih, ngan wallam ha ka, ka jingkoit bad ka jingpynkhiah, bad ngan pynkhiah ïa ki; bad ngan pynpaw ha ki, ïa ka jingsuk bad ka jingshisha kiba kyrhai.

HOSIA 14:4

“Ngan pynkhiah ïa ka jingkylla dien jong ki, ngan ieit ei ïa ki: namar ka jingbitar jong nga ka la phai noh na u.

SEKHARAÏAH 7:11

Hynrei, ki kim ju treh ban sngap, bad ki la phai noh la ka tyrpeng, bad ki la set ïa la ki shkor khnang ba kin ym ïohsngew.

MALAKHI 4:2

Hynrei, ha phi kiba sheptieng ïa ka kyrteng jong nga kan mih ka sngi ka hok bad ka jingpynkhiah ha ki thapniang jong ka; bad phin ïoh mih shabar, bad phin rynsied kum ki khun masi ba bsa ha ïing.

MARKOS 4:12

“ ‘Ba ïa kaba ki ïohi kin ïohi, te kin ym ishemphang shuh; bad ïa kaba ki ïohsngew kin ïohsngew, te kin ym sngewthuh shuh; ba ïoh kumta kin kylla, bad yn map ïa ki.’ ”

LOUKAS 19:42

U da ong, “A lada pha la lah tip, ma pha ruh shisha, ha kane ka sngi, ïa kiei kiei ruh kiba dei ïa ka jingsuk jong pha! hynrei, mynta la buhrieh ïa ki na ki khmat jong pha!

KI KAM 28:27

Namar ka dohnud jong une u paidlang ka la rben, bad ki la sngewkhia da la ki shkor, bad ki la khapbrip ïa la ki khmat, ba ïoh kin ïohi da la ki khmat, bad ba kin ïohsngew da la ki shkor, bad ba kin sngewthuh da la ka dohnud, bad ba kin kylla pat, bad ba ngan pynkhiah ïa ki.” ’

KI KAM 3:19

Namar kata, to kylla-ka-bamut, to wan phai khmat ruh, ban ïoh pyndam noh ïa ki pop jong phi, ba kumta kin ïoh wan ki aïom shong pyngngad na khmat U Trai,

KI KAM 7:57

Hynrei, ki la ïapyrta da ka ktien bajam, bad ki la set ïa la ki shkor, bad ki la ïaphet kyrthep da kawei ka jingmut ha u,

2 TIMOTHI 4:4

bad kin pynphai noh ïa la ki shkor jong ki na ka jingshisha, bad kin phai khmat sha ki puriskam.

HEBRU 5:11

Shaphang jong u, ngi don bun kiei kiei ban ong, bad kiba eh ban batai, naba phi la jia long kiba lam kyllut.

JINGPYNPAW 22:2

Bad ha baroh ar liang jong kata ka wah la don u dieng ka jingim, uba sei noh ïa ki khat-ar ki jingsei soh, ha la u bnai u da sei noh ïa kata ka jingsei soh jong ka: bad ki sla jong uta u dieng ki long ïa ka ban pynkhiah ïa ki kynja bynriew.