MATHAÏOS 13:11 - KA BAIBL

¹¹ U da ïathuh te u la ong ha ki: “Naba la ai ha phi ban tip ïa ki maïan ka hima ki bneng, hynrei, ym shym la ai ha ki.

Khasi CL Bible (BSI)

¹¹ U Jisu u la jubab, “Ïa ka jingtip shaphang kiei kiei kiba rieh jong ka Hima ki Bneng la ai ha phi, hynrei ym ha ki.

MATHAÏOS 13:11 Mawu Ofanana

SALM 25:14

Ka jingmut barieh jong U Trai ka don bad kita kiba sheptieng ïa u; bad un pynbna ha ki, ïa la ka jutang.

ISAÏAH 29:10

Namar U Trai u la theh halor jong phi ïa ka mynsiem ka jingïohthiah lyngngai, bad u la pynkhapbrip ïa ki khmat jong phi ki nongïathuhlypa; ïa ki rangbah jong phi ruh ki nongïohi, u la tap.

ISAÏAH 29:11

Te ka jingithuhpaw baroh ka la jia long ha phi kum ki ktien ka kitab ba la pyndait laha, kaba ki briew ki aiti ha uwei uba nang, da kaba ong, “To pule ïa kane, nga kyrpad ïa me:” u ruh u ong, “Ngam lah, namar la pyndait laha ïa ka.”

ISAÏAH 35:8

Te ka lynti bah kan long hangta, bad ka lynti, yn khot ïa ka ruh “Ka lynti ka jingkhuid;” kiba tngit kin ym ïaid halor jong ka; hynrei, kan long ïa kito: ki nongleit jingleit, shisha keiñ ki babieit, kin ym bakla ha ka.

MATHAÏOS 13:10

Kita ki synran te ki la ïawan ha u, bad ki la ïa-ong ha u, “Balei ba me kren ha ki ha ki pharshi?”

MATHAÏOS 16:17

U Jisu te u la ïathuh bad u la ong ha u, “Suk ma me, ko Simon u khun u Jonah, naba ka doh bad ka snam kam shym la pyni ïa kata ha me, hynrei, U Kpa jong nga uba ha bneng.

MATHAÏOS 19:11

U te u la ong ha ki: “Ki briew baroh kim lah pdiang ïa kata ka ktien, hynrei, tang kita ha kiba la ai bor.

MATHAÏOS 20:23

U ïathuh te ha ki, “Phin ïoh dih shisha na ka khuri jong nga, bad da kata ka jingbaptis da kaba la pynbaptis ïa nga, yn pynbaptis ïa phi keiñ, hynrei, ïa ka ban shong sha kamon jong nga bad sha kadiang jong nga, kam long ka jong nga ban ai, hynrei, tang ha kita ïa kiba U Kpa jong nga u la pynkhreh ïa ka.”

MARKOS 10:40

hynrei, ban shong sha kamon jong nga bad sha kadiang jong nga, kam long ka jong nga ban ai, hynrei, ka long ïa kita ïa kiba la pynkhreh ïa ka.”

MARKOS 4:11

U la ong te ha ki, “Ha phi keiñ, la ai ban tip ïa ka maïan ka hima U Blei: hynrei, ha kita kiba shabar, ïa kiei kiei baroh yn leh keiñ, ha ki pharshi:

LOUKAS 8:10

U te u la ong, “Ha phi keiñ la ai ban tip ïa ki maïan ka hima U Blei, hynrei, ha kiwei pat ha ki pharshi; ba haba ki ïohi kin ym ïohi, bad haba ki ïohsngew kin ym sngew-shemphang.”

ÏOANNIS 6:65

U la ong te, “Namar kane, nga la ong ha phi, ba ym don uba lah ban wan ha nga, lymda ka long ba la ai ïa u na U Kpa jong nga.”

ÏOANNIS 7:17

lada uno uno ruh u mon ïa ka ban leh ïa ka mon jong u, un ïoh shemphang shaphang kata ka jinghikai, lada ka long na U Blei, lane nga, nga kren na lade:

KI KAM 16:14

Te kawei ka briew kaba kyrteng “ka Lydia”, ka nongdie jaiñ saw bthuh na ka shnong Thiateira, kaba mane ïa U Blei, ka la sngew ïa ngi; ïa ka dohnud jong ka U Trai u la plie wang, ban shahshkor ïa kita kiei kiei ruh ïa kiba la ïalap da u Paul.

Ka Shithi U Paul Sha Ki Nong Rom 11:25

Namar ngam mon ïa phi ban ym tip, ko parabangeit, shaphang kane ka jingmaïan, ïoh phi long kiba tharai stad ïa lade, ba ka jingeh ka la jia long ïa shiteng shiliang na ki Israel, tad ynda ba kata ka jingdap jong ki Jentil kan da ïoh wan hapoh.

Ka Shithi U Paul Sha Ki Nong Rom 16:25

Te mynta, ha uta uba lah ban pynneh skhem ïa phi katba kum kata ka gospel jong nga, bad kata ka jingïalap ïa U Jisu Khrist, katba kum ka jingpynpaw ïa ka jingmaïan ba la ri jar jar na ki rta ba mynhyndai kulong,

1 KORINTH 13:2

Bad la nga don ka jingïathuhlypa, bad nga shemphang ïa ki jingmaïan baroh bad ïa ka jingtip baroh, bad la nga don ruh ka jingngeit baroh kat ban pynkynriah noh ïa ki lum, haba ngam don ka jingieit, ngam long ei ei ruh em.

1 KORINTH 15:51

Ha khmih, nga ïathuh ha phi ïa ka jingmaïan: ngin ym ïohthiah baroh, hynrei, yn pynkylla ïa ngi baroh shisyndon, ha kaba shi khyllipmat keiñ, ha ka turoi ka bakhatduh.

1 KORINTH 2:14

Hynrei, u briew bakynja doh um pdiang ïa kita kiei kiei ruh ki jong U Mynsiem U Blei; namar ki long ka jingbieit ha u; bad um lah hi ban ithuh ïa ki, naba, da kaba kynja mynsiem ba bishar ïa ki.

1 KORINTH 2:7

hynrei, ngi kren ïa ka jingstad kaba rieh jong U Blei, ïa kaba la buhrieh, kaba U Blei u la thmu lypa mynshuwa ki rta, khnang ïa ka burom jong ngi;

1 KORINTH 4:1

To u briew un ñiew ïa ngi kumta, kum ki shakri U Khrist bad ki sordar ki jingmaïan ki jong U Blei.

1 KORINTH 4:7

Namar uei ba pynpher ïa me? bad me don aïu ïa kaba mem shym la pdiang? te lada me la pdiang, hato balei me leh sarong kumba mem shym la pdiang?

EPHESOS 1:18

ba la pynshai ïa ki khmat ka dohnud jong phi, ba phin ïoh tip kaei ka long ka jingkyrmen ka jingkhot jong u, bad kaei ka long ka jingkynrei ka burom jong ka bynta jong u ha ki riewkhuid,

EPHESOS 1:9

haba u la pyntip ha ngi, ïa ka jingmaïan ka mon jong u, katba kum ka jingsngewbha jong u ïa kaba u la lah thmu ha lade;

EPHESOS 5:32

Kane ka jingmaïan ka long kaba khraw; hynrei, nga kren shaphang U Khrist bad shaphang ka balang.

EPHESOS 6:19

bad na ka bynta jong nga ruh, ba yn ïoh ai ha nga ka ktien haba nga ang la ka shyntur, ïa ka ban pyntip da ka jingshlur ïa ka jingmaïan ka gospel,

KOLOSSAI 2:2

ba yn ïoh pyntngen ïa ki dohnud jong ki, haba la pynïasoh lang ïa ki ha ka jingïa-ieit, bad ha ka jingkynrei spah baroh jong ka jingsngewskhem ba-dap biang jong ka jingshemphang, ba kin ïoh tip ïa ka jingmaïan jong U Blei, kaba long U Khrist;

1 TIMOTHI 3:16

Bad khlem ka jingïasaid, kaba khraw ka jingmaïan ka jong ka niam Blei: Uta uba la paw ha ka doh, ba la ksan ha U Mynsiem, ba la ïohi da ki angel, ba la ïalap hapdeng ki Jentil, ba la ngeit ha ka pyrthei, ba la pdiang haneng ha ka burom.

1 TIMOTHI 3:9

kiba bat ïa ka jingmaïan ka jingngeit ha ka jingïatiplem bakhuid.

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.

1 ÏOANNIS 2:20

Hynrei, ma phi, phi don ka jingpynsleh na uta U Bakhuid, bad phi tip ïa kiei kiei baroh.

1 ÏOANNIS 2:27

Te shaphang jong phi, kata ka jingpynsleh ïa kaba phi la pdiang na u ka ïaisah ha phi, te phim donkam shuh ba uno uno ruh un da hikai ïa phi; hynrei, kumba kata ka jingpynsleh jong u ka hikai ïa phi shaphang kiei kiei baroh, bad ka long kaba shisha, bad kam long kaba lamler, te kumta kumba la hikai ïa phi, phin ïaisah ha u.