MATHAÏOS 12:42 - KA BAIBL

⁴² Ka syiem na shathie kan ïamih lem bad kane ka pateng bynriew ha ka jingbishar, bad kan pynrem ïa ka: naba ka la wan na sha ki bakut ka pyrthei ban ïohsngew ïa ka jingstad u Solomon; te ha khmih, hangne uba kham khraw ïa u Solomon.

Khasi CL Bible (BSI)

⁴² Ha ka Sngi ka Jingbishar, ka syiem jong ka Sheba kan ïeng joit bad mudui ïa phi, namar ka la wan na la ka ri bajngai ban shahshkor ïa ka jinghikai bastad jong U Syiem Solomon; bad nga pynthikna ïa phi ba don hangne uba kham khraw ban ïa u Solomon!

MATHAÏOS 12:42 Mawu Ofanana

1 SYIEM 10:24

Bad baroh ka pyrthei ka la wad ïa ka khmat u Solomon, ban ïohsngew ïa ka jingstad jong u, kaba U Blei u la buh ha ka dohnud jong u.

1 SYIEM 3:12

ha khmih, nga la leh katba kum ka ktien jong me: ha khmih, nga la ai ha me ka dohnud bastad bad bashemphang; kumta, ba ym shym la don uwei uba kum me mynshuwa jong me, lymne hadien jong me un ym mih uba kum me.

1 SYIEM 3:28

Te ki Israel baroh ki la ïohsngew ïa kata ka jingbishar ïa kaba u syiem u la bishar; bad ki la sheptieng ïa u syiem: naba ki la ïohi ba ka jingstad U Blei ka la don ha u, ban leh ïa ka jingbishar.

1 SYIEM 3:9

To ai ha la u shakri, namar kata, ka dohnud ba sngewthuh ban bishar ïa u paidbah jong me, ba nga lah ban ithuh ïa ka babha bad ka basniew; naba uei uba lah ban bishar kat une u paidbah u bakhraw jong me?”

1 SYIEM 4:29

Bad U Blei u la ai ïa u Solomon ka jingstad bad ka jingshemphang shikatdei eh, bad ka jingkhraw ka dohnud, kum u shyiap uba harud duriaw.

1 SYIEM 4:34

Bad ki kynja bynriew baroh ki la wan ban sngew ïa ka jingstad u Solomon, na ki syiem ka pyrthei baroh kiba la ïohsngew shaphang ka jingstad jong u.

1 SYIEM 5:12

Bad U Trai u la ai ka jingstad ïa u Solomon, kumba u la kular ïa u; bad la don ka jingïasuk hapdeng u Hiram bad u Solomon; bad ki la ïa-pynlong ka jingïateh lok baroh ar ngut.

ISAÏAH 7:14

Namar kata, U Trai hi un ai ka dak ïa phi: Ha khmih, ka theisotti kan punkhun, kan kha ruh ïa u khun, yn khot ruh ïa ka kyrteng jong u, ‘u Immanuel.’

MATHAÏOS 12:41

Ki nong Ninebeh kin ïaïeng lem bad kane ka pateng bynriew ha ka jingbishar, bad kin ïa-pynrem ïa ka: naba ki la ïakylla-ka-bamut da ka jingïalap u Jonah: ha khmih te, hangne uba kham khraw ïa u Jonah.

MATHAÏOS 12:6

Hynrei, nga ong ha phi, ba uba kham khraw ïa ka templ u don hangne.

MATHAÏOS 17:5

Haba u dang kren, ha khmih, u lyoh batyngshaiñ u la kah ïa ki: ha khmih ruh, ka ktien na uta u lyoh ka la ong, “Une u long U Khun jong nga uba ieit, ha uba nga sngewbha: phin sngew ïa u.”

MATHAÏOS 3:17

Ha khmih ruh ka ktien na ki bneng, ka da ong, “Une u long U Khun jong nga uba ieit, ha uba nga sngewbha eh.”

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 1:18

Ym don mano mano ruh ba la ïohi ïa U Blei mynno mynno ruh; uta U Khun ba la kha marwei, uba long ha ka shadem U Kpa, u hi u la pynpaw ïa u.

DEUTERONOMI 30:13

Lymne, kam long sha shiliang ka duriaw, ba men ong, ‘Uei u ban leit shalor ka duriaw na ka bynta jong ngi, bad ban wallam ïa ka ha ngi, ba ngin ïohsngew ïa ka, bad ba ngin ïoh leh ïa ka?’