MATHAÏOS 12:34 - KA BAIBL

³⁴ A phi ki khun ki ksiew ki bseiñ! Phi ki bymman, kumno phi lah ban kren ka babha? naba na ka jingshlei ka dohnud ba ka kren ka shyntur.

Khasi CL Bible (BSI)

³⁴ Phi ki bseiñ — kumno phi lah ban ong ïa kiei kiei kiba bha haba phi long kiba sniew? Namar ka shyntur ka kren ïa kaei kaba la shlei ha ka dohnud.

MATHAÏOS 12:34 Mawu Ofanana

SALM 53:1

U babieit u la ong ha la ka dohnud, “Ym don U Blei.” Ki long kiba pyut, bad ki la leh ïa ka jingsniew ba-ijli; ym don shuh uba leh babha.

SALM 64:3

kiba la shut ïa la u thylliej kum ka waitlam, bad kiba la thew ïa la ki khnam, ki ktien kiba kthang keiñ:

SALM 64:5

Ki pynshngain ïa lade ha ka jingthmu ka basniew; ki ïasylla shaphang kaba buh harieh ïa ki jingriam; ki ong, “Yn ïohi mano ïa ki?”

PROBERB 16:23

Ka dohnud u bastad ka hikai ïa ka shyntur jong u, bad ka pynlang ïa ka jinghikai ha ki rmiang shyntur jong u.

PROBERB 4:23

To ri khop ïa la ka dohnud da kaba sumar eh; naba na ka ki wan ki jingmih ka jingim.

ISAÏAH 32:6

Namar u riewpoh un kren runar, bad ka dohnud jong u kan trei jingbymhok, ban leh sang, bad ban kren ïa ka jingbakla ïa U Trai, ban pynsuda ïa ka mynsiem u bathngan, bad ban pynduh noh ïa ka jingdih u basliang.

ISAÏAH 59:14

Ïa ka jingbishar ruh la pynkylla da dien, bad ka hok ka ïeng na sha jngai: namar ka jingshisha ka la kyllon ha ka lynti shnong, bad ka jingleh beit kam lah ban rung.

ISAÏAH 59:4

Ym don uba mudui ha ka hok, lymne uba ïasaid ha ka jingshisha: ki shaniah ha kaba thala, bad ki kren lamler, ki pun ïa ka jingpynsniew, bad ki kha ïa ka jingleh bymhok.

ISAÏAH 9:17

Namar kata, U Trai un ym kmen ha ki samla jong ki, lymne un ym sngewsynei ïa ki khunswet bad ïa ki riewkynthei jong ki: namar uwei uwei baroh u long u bymman bad uba leh sniew, bad ka shyntur baroh ka kren thala. La kumta ruh ka jingbitar jong u kam shym la phai noh, hynrei, ka kti jong u ka shu dang kner.

MATHAÏOS 12:35

U briew u babha u sei noh ïa kiei kiei ki babha na ka jingkynshew ka babha ka dohnud jong u: u briew babymman ruh u sei noh ïa kiei kiei babymman na ka jingkynshew babymman jong u.

MATHAÏOS 15:18

Hynrei, kita kiei kiei ruh kiba mih noh na ka shyntur ki mih na ka dohnud; kita te ki pyntngit ïa u briew.

MATHAÏOS 23:33

A ki bseiñ! Ki khun ki ksiew ki 'seiñpuh! kumno phin ïohlait na ka jingshitom ka dujok?

MATHAÏOS 3:7

Hynrei, haba u la ïohi ba bun na ki Pharisi bad ki Saddusi ki ïawan sha ka jingbaptis jong u, u la ong ha ki, “A phi ki khun ki ksiew ki bseiñ, uei ba la maham ïa phi ban phet ïap noh na kata ka jingbitar ka ban sa lap?

LOUKAS 3:7

Namar kata, u la ong ha ki paidbah kiba la mih noh ba yn pynbaptis ma u ïa ki, “A ki khun ki ksiew ki bseiñ, uei ba la maham lypa ïa phi ban phet ïap noh na ka jingbitar ka ban sa lap?

LOUKAS 6:45

U briew u babha u sei ïa ka babha na ka jingkynshew ka babha ka dohnud jong u: u briew uba bymman ruh u sei ïa ka bymman na ka jingkynshew kaba bymman ka dohnud jong u; naba na ka jingshlei ka dohnud, ka shyntur jong u ka kren.

ÏOANNIS 8:44

Phi, phi long na u kpa jong phi, u Soitan, bad ïa ki jingkwah jong uta u kpa jong phi, phi ïamon ban leh; uta u la long u nongshohnoh briew naduh kaba mynnyngkong, bad um ju sah ha ka jingshisha, naba kaba shisha kam don satia ha u: haba u kren ïa kaba lamler, u kren na kiei kiei la ki jong, naba u long uba lamler, bad u kpa jong ki jinglamler.

EPHESOS 4:29

Wat ai ba kano kano ka ktien sih kan mih na ka shyntur jong phi, hynrei, tang kata kaba bit ïa ka ban tei ïa kaba donkam, ba kan ai ka jingaiei ïa kita kiba ïohsngew.

EPHESOS 5:4

lymne ïa kaba ijli, lymne ïa ka jingkren bieit, lymne ïa ka jingkren biria, ki bymbit keiñ: hynrei, kham tam kaba ainguh.

JAKOB 3:2

Namar ha bun kiei kiei ngi jynthut baroh. Lada uno uno ruh um jynthut ha ka ktien, une u long u briew bajanai, uba lah ban synshar ïa ka met ruh baroh kawei.

1 ÏOANNIS 3:10

Ha kane keiñ, ki la paw kita ki khun U Blei, bad kita ki khun u Soitan. Uwei pa uwei baroh u bym ju leh ïa ka hok um long na U Blei, lymne uta u bymieit ïa la u para.

1 SAMUEL 24:13

Kumta ka ong ka ktien ki tymmen, ‘Na u bymman ka mih ka bymman:’ hynrei, ka kti jong nga kan ym long halor jong me.