MATHAÏOS 12:14 - KA BAIBL

¹⁴ Te haba kita ki Pharisi ki la leit noh, ki la ïasylla pyrshah ïa U, kumno ba kin ïoh pynïap noh ïa U.

Khasi CL Bible (BSI)

¹⁴ Nangta ki Pharisi ki la mihnoh bad ki la pynlong ki jingthmu ban pynïap ïa U Jisu.

MATHAÏOS 12:14 Mawu Ofanana

MATHAÏOS 26:4

te ki la ïasylla ba kin ïoh kem tuh ïa U Jisu, ba kin ïoh pynïap noh.

MATHAÏOS 27:1

Haba ka la shai te, ki rangbah lyngdoh baroh bad ki tymmen basan jong u paidlang ki la ïasylla shaphang U Jisu, ïa ka ban pynïap ïa u.

MARKOS 14:1

Ynda la ar sngi te la long Ka Niam Ka Jinglait, bad Ki Kpu Khlem Thiat; ki rangbah lyngdoh bad ki nongthoh te ki la wad dong kumno kin ïoh kem tuh ïa u, ba kin pynïap ruh.

MARKOS 3:6

Haba ki Pharisi te ki la leit noh, kumne kumne ruh, ki la ïasylla bad ki nongbud u Herod pyrshah ïa U, kumno ba kin ïoh pynïap noh ïa U.

LOUKAS 22:2

Te ki rangbah lyngdoh bad ki nongthoh, ki la ïawad dong kumno ba kin ïoh ban pynïap noh ïa u; naba ki la ïasheptieng ïa u paidlang.

LOUKAS 6:11

Ki te ki la dap da ka jingbitar lamwir; bad ki la ïasylla paralok hi, aïu ba ki lah ban leh ïa U Jisu.

ÏOANNIS 10:31

Namar kata, kita ki Jiw ki la ïarah pat ïa ki maw ba kin ïoh lynthem ïa u.

ÏOANNIS 10:39

Hangta ki la ïathew pat ban kem ïa u; hynrei, u la lait noh na ka kti jong ki.

ÏOANNIS 11:53

Namar kata, naduh kata ka sngi ki la ïasylla lang, ba kin ïoh pynïap noh ïa u.

ÏOANNIS 11:57

Te ki rangbah lyngdoh bad ki Pharisi ki la lah ïa-ai ka hukum, ba lada uno uno ruh u ïoh tip hangno U don, un ïathuh, ba kin ïoh kem ïa U.

ÏOANNIS 5:18

Namar kata te, kita ki Jiw ki la nang ïawad dong ïa ka ban pynïap noh ïa U, ym tang naba U la pynkheiñ ïa ka Sabbaton, hynrei, ba U la ong ruh ba U Blei u long U Kpa jong U hi, U da leh ïa lade marryngkat bad U Blei.

ÏOANNIS 7:30

Namar kata, ki la ïawad ban kem ïa u; te ym don ba la buh ïa la ka kti ha u, naba ka por jong u kam pat la jia.

ÏOANNIS 7:32

Ki Pharisi ki la ïohsngew ïa uta u paidbah ba u ïakren pasiaw ïa kine kiei kiei ruh shaphang jong U; te kita ki Pharisi bad ki rangbah lyngdoh ki la ïaphah ïa ki shakri dorbar, ba kin kem ïa U.

ÏOANNIS 7:44

kiba na ki te ki la ïamon ban kem ïa U, hynrei, ym don ba la buh ka kti ha U.

ÏOANNIS 8:59

Ynda kumta, ki la ïarah ïa ki maw ba kin ïoh lynthem ïa u, hynrei, U Jisu u la buhrieh ïa lade, bad u la mih noh na ka templ.