MATHAÏOS 12:10 - KA BAIBL

¹⁰ Ha khmih ruh, la don u briew uba don ka kti ka baïap. Te ki la kylli ïa u, ki da ong, “Ka bit ne em ban pynkhiah ha ka sngi Sabbaton?” ba kin ïakem daw ïa u.

Khasi CL Bible (BSI)

¹⁰ ha kaba la don u briew uba don ka kti kaba la ïapshiliang. Katto katne ki briew hangta kiba la kwah ban mudui ïa U Jisu ha ka jingleh bakla, kumta ki la kylli ïa u, “Hato ka long pyrshah ïa Ka Aiñ jong ngi ban pynkhiah ha ka sngi Sabbaton?”

MATHAÏOS 12:10 Mawu Ofanana

ISAÏAH 32:6

Namar u riewpoh un kren runar, bad ka dohnud jong u kan trei jingbymhok, ban leh sang, bad ban kren ïa ka jingbakla ïa U Trai, ban pynsuda ïa ka mynsiem u bathngan, bad ban pynduh noh ïa ka jingdih u basliang.

ISAÏAH 59:13

kaba ryngkang bad kaba len ïa U Trai, bad kaba kynriah noh na kaba bud ïa U Blei jong ngi, kaba kren banbeiñ bad kaba ïaleh pyrshah, kaba pun bad kaba kren na ka dohnud ki ktien lamler.

ISAÏAH 59:4

Ym don uba mudui ha ka hok, lymne uba ïasaid ha ka jingshisha: ki shaniah ha kaba thala, bad ki kren lamler, ki pun ïa ka jingpynsniew, bad ki kha ïa ka jingleh bymhok.

SEKHARAÏAH 11:17

“Kordit ïa uta u nongsharai uba thala uba iehnoh noh ïa ka kynhun! ka waitlam kan long ha ka ksang'ti kamon jong u, bad ha ka khmat kamon jong u: ka ksang'ti jong u kan tyrkhong khait, bad ka khmat kamon jong u kan dum tiaw.”

MATHAÏOS 12:2

Hynrei, haba ki Pharisi ki la ïohi, ki la ong ha u, “Ha khmih, ki synran jong me ki leh ïa ka bymbit ban leh ha ka sngi Sabbaton.”

MATHAÏOS 19:3

Te ki Pharisi ki la ïawan ha u, ba ki da ïatynjuh ïa u, bad ki la kylli ïa u, “Ka bit ne em ïa u briew ban pyllait noh ïa ka tnga jong u na ka bynta kano kano ka daw baroh?”

MARKOS 3:2

Te ki la ïa-ap thap ïa U, lada un pynkhiah ïa u ha ka sngi Sabbaton; ba kin ïoh kem daw ïa U.

LOUKAS 11:54

ki da ap thap ïa u ban ïoh kem daw ei ei na ka shyntur jong u, ba kin dup ïoh mudui ïa u.

LOUKAS 13:14

Hynrei, u nongsynshar ka synagog ba u da sngewbitar eh, namar ba U Jisu u la lah pynkhiah ha ka Sabbaton, u la ïathuh bad u la ong ha u paidbah, “Don hynriew sngi ha kiba ki briew ki dei ban trei jingtrei; ha kita namar kata, to wan ba yn pynkhiah ïa phi, te ym ha ka sngi Sabbaton.”

LOUKAS 20:22

te ka bit ne em ïa ngi ban ai khajna ha u Kaisar?”

LOUKAS 23:14

bad u la ong ha ki, “Phi la wallam ïa une u briew ha nga, kum uba pynkiat ïa u paidlang: ha khmih ruh, haba nga la tohkit ïa u ha khmat jong phi, ngam shem satia ka jingpalat ha une u briew shaphang kita kiei kiei ruh ba phi mudui ïa u:

LOUKAS 23:2

Ki la sdang ruh ban mudui ïa U, ki da ong, “Ngi la shem ïa une ba U da pynkiat ïa u paidlang, bad ba U da khang ban ai khajna ha u Kaisar, U da ong ba U hi U long U Khrist U Syiem.”

ÏOANNIS 5:10

Namar kata, ki Jiw ki la ïa-ong ha uta uba la ïoh khiah, “Ka long ka Sabbaton: ka bymdei ïa me ban rah ïa la ka jingthiah.”

ÏOANNIS 5:3

Ha kine, la ju thiah bun bah ki bapang, ki bamatlah, ki ba-dkoh, ki bapang ïapshiliang, ba ki da ïa-ap ïa ka jingkhih jong kata ka um.

ÏOANNIS 7:23

lada u briew u pdiang ïa ka jingotsher ha ka sngi Sabbaton, ba yn ym pynkheiñ ïa kata ka hukum u Moses, phi bitar lep ïa nga, naba nga la pynkhiah phar ïa u briew ha ka sngi Sabbaton?

ÏOANNIS 8:6

Ki la ïa-ong ïa kane te ba ki da tynjuh ïa u, ba ki lah ban mudui ïa u. Hynrei, U Jisu haba u la dem ha tbian, u la thoh da la ka shynriah'ti ha ka khyndew.

ÏOANNIS 9:16

Ynda kumta, kiba na kita ki Pharisi ki la ïa-ong, “Une u briew um long na U Blei, naba um sumar ïa ka sngi Sabbaton.” Kiwei pat ki la ïa-ong, “Kumno u briew u bapop u lah ban leh ïa ki kambah kat kine?” Kumta, la don ka jingïaprat ktien hapdeng jong ki.