MATHAÏOS 11:11 - KA BAIBL

¹¹ “Shisha nga ong ha phi, na kiba la kha na ki kynthei, ym don uba la mih uba kham khraw ïa u Ïoannis u Nongpynbaptis: hynrei, uta uba kham rit ha ka hima ki bneng, u kham khraw ïa u.

Khasi CL Bible (BSI)

¹¹ Nga pynthikna ïa phi ba u Ïoannis u Nongpynbaptis u long uba kham khraw ban ïa uno uno u briew uba la ju im. Hynrei uta uba rit tam ha ka Hima ki bneng u long uba kham khraw ban ïa u Ïoannis.

MATHAÏOS 11:11 Mawu Ofanana

Ka Kitab U Job 14:1

“U briew uba la kha na ka briew u long uba khyndiat ki sngi, bad uba dap da ka jynjar.

Ka Kitab U Job 14:4

Uei uba lah ban pynmih ïa ka bakhuid na ka bymkhuid? ym don.

Ka Kitab U Job 15:14

U briew u long aïu, ba un long khuid? Bad uta uba la kha na ka briew, ba un long u bahok?

Ka Kitab U Job 25:4

Kumno te u briew u lah ban long hok ha khmat U Blei? lane kumno uba la kha na ka briew un long khuid?

SALM 51:5

Ha khmih, la thaw dur ïa nga ha ka jingbymhok; bad ha ka pop ka kmie jong nga ka la pun ïa nga.

ISAÏAH 30:26

Ka jingshai u bnai ruh kan long kum ka jingshai ka sngi, bad ka jingshai ka sngi kan long hynñiew shah kat ka jingshai ki hynñiew ki sngi, ha kata ka sngi ba U Trai u spaiñ ïa ka jingmong u paidlang jong u, bad u pynkhiah ïa ka jingshoh ka jingmynsaw jong ki.

SEKHARAÏAH 12:8

Ha kata ka sngi, U Trai un da ïa ki nong Jerusalem; te ha kata ka sngi, uta uba tlot bor hapdeng jong ki un long kum u Dabid; bad ka ïing u Dabid kan long kum U Blei, kum u angel U Trai ha shuwa jong ki.

MATHAÏOS 11:10

Naba une u long uta ba la thoh shaphang jong u: “ ‘Ha khmih, nga phah ïa u nonglam-ktien jong nga ha shuwa ka khmat jong me, u ban khreh ïa ka lynti jong me ha shuwa jong me.’

MATHAÏOS 11:12

Te naduh ki sngi u Ïoannis u Nongpynbaptis haduh mynta, la ïaknieh ïa ka hima ki bneng, bad kiba ïaknieh ki shim ïa ka da ka bor.

MATHAÏOS 3:1

Ha kita ki sngi, u la wan u Ïoannis u Nongpynbaptis, u da ïalap ha ka ri khlaw Judia,

MATHAÏOS 3:11

“Nga shisha nga pynbaptis ïa phi da ka um ïa ka ban kylla-ka-bamut: hynrei, uta uba wan nadien jong nga u long uba kham khraw bor ïa nga, uba kam dei ïa nga ban rah wat tang ïa ki juti jong u: uta keiñ, un pynbaptis ïa phi da U Mynsiem Bakhuid bad da ka ding:

MATHAÏOS 5:19

Namar kata, uno uno ruh u ban pynkheiñ ïa iwei, wat iba kham rit tam na kine ki hukum, bad u ban hikai kumta ïa ki briew, yn khot ïa u ‘uba kham rit tam ha ka hima ki bneng:’ hynrei, uno uno ruh u ban leh bad u ban hikai ïa ki, ïa uta te yn khot ‘u bakhraw ha ka hima ki bneng.’

LOUKAS 1:15

naba un long uba khraw ha khmat U Trai, bad un ym dih ïa ka Waiñ lane ka kyiad; bad yn pyndap ïa u da U Mynsiem Bakhuid, wat naduh ka kpoh ka kmie jong u:

LOUKAS 7:28

“Naba nga ong ha phi, ‘Na kiba la kha na ki kynthei, ym don u nongïathuhlypa uba kham khraw ban ïa u Ïoannis u Nongpynbaptis: pynban, uba kham rit ha ka hima U Blei, u long uba kham khraw ïa u.’ ”

LOUKAS 9:48

bad U la ong ha ki, “Uno uno ruh u ban pdiang ïa une u khynnah ha ka kyrteng jong nga, u pdiang ïa nga; bad uno uno ruh u ban pdiang ïa nga, u pdiang ïa uba la phah ïa nga; naba uta uba long uba kham rit hapdeng jong phi baroh, uta keiñ u long uba khraw.”

ÏOANNIS 1:15

(U Ïoannis u la phla shaphang jong U, bad u la pyrta, u da ong, “Une, u long uta ïa uba nga la ong, ‘Uta uba wan nadien jong nga, u la jia long shuwa jong nga, naba u la shuwa ïa nga.’ ”)

ÏOANNIS 1:27

uta uba wan nadien jong nga, uba la jia long shuwa jong nga, uba nga ngam long uba bit ba ngan ïoh loit noh wat ïa ka jingteh ka juti jong u.”

ÏOANNIS 10:41

Te shibun ki la ïawan ha u, bad ki la ïa-ong, “U Ïoannis shisha um shym la leh kano kano ka kambah, hynrei, baroh kat kaba u Ïoannis u la kren shaphang une, ka long kaba shisha.”

ÏOANNIS 3:30

Ka dei ïa U ban man khraw, hynrei, ïa nga ban man rit.”

ÏOANNIS 5:35

Uta u la long ka sharak ba la thang bad batyngshaiñ; phi te phi la ïasngewbha ban ïashadkmen tang shibit ar bit ha ka jingshai jong u.

ÏOANNIS 7:39

(Hynrei, ïa kane u la kren shaphang U Mynsiem ïa uba kita kiba ngeit ha u kin sa pdiang: namar ym pat shym la ai ïa U Mynsiem Bakhuid, naba ym pat shym la pyndonburom ïa U Jisu.)

1 KORINTH 15:9

Namar nga long u barit tam na ki apostol, uba ngam long uba dei ban khot ïa nga “u apostol”, namar nga la behbeiñ ïa ka balang U Blei.

1 KORINTH 6:4

Te lada don ki jingtian bishar ïa kiei kiei kiba dei ïa kane ka jingim, phi leit thung nongbishar pynban, da kito kiba ka balang kam ñiew ei ei ïa ki!

EPHESOS 2:3

hapdeng jong ki ba ma ngi baroh ngi la ju im shi sien ha ki jingkwah ka doh jong ngi, da kaba leh ïa ki mon jong ka doh bad ki jong ki jingmut, bad ngi la ju long na la ka tynrai, ki khun ka jingbitar, kumjuh kum kita kiwei:

EPHESOS 3:8

Ha nga keiñ, uba kham rit ban ïa u barit tam na ki riewkhuid baroh, la ai ïa kane ka jingaiei, ïa ka ban ïalap ha ki Jentil ïa ka jingkynrei spah bym lah tip shuh ka jong U Khrist;

2 TIMOTHI 1:10

hynrei, ïa kaba la pynpaw mynta da kata ka jingmihpaw U Nongpynim jong ngi U Khrist Jisu, uba la pynduh noh ïa ka jingïap, bad uba la pynpaw ïa ka jingim bad ïa ka jingbympyut da ka gospel:

HEBRU 11:40

ba U Blei u la khreh lypa shaphang jong ngi ïa kaei kaei ruh ba kham bha, khnang ba khlem ma ngi, yn ym ïoh pynjanai ïa ki.

1 PETROS 1:10

Shaphang kane ka jingpynim, ki nongïathuhlypa ki la ïawad bad ki la ïit bha biang biang ruh, kiba la ïathuhlypa shaphang kata ka jingaiei ka ban wan ha phi:

1 SAMUEL 2:30

Namar kata, U Trai, uba U Blei ki Israel, u ong, ‘Nga la ong shisha ba ka ïing jong me, bad ka ïing u kpa jong me, kin ïaid ha khmat jong nga junom:’ hynrei, mynta U Trai u ong, ‘Kata kaba eh ïa nga; naba kiba pyndonburom ïa nga, ïa kita nga ruh ngan pyndonburom, te ïa kita kiba ñiewbeiñ ïa nga, yn ñiewbeiñ kylliang ïa ki.