MATHAÏOS 10:25 - KA BAIBL

²⁵ La biang ïa u synran ba un long kum u nonghikai jong u, ïa u shakri ruh kum u kynrad jong u. Lada ki la khot ‘Belsebul’ ïa u trai ïing, kaba katno tam ba kin ïakhot sin ïa kita kiba na ka ïing jong u!

Khasi CL Bible (BSI)

²⁵ Kumta uba shah hikai u dei ban sngewhun ban long kum u nonghikai jong u, bad u mraw kum u kynrad jong u. Lada ïa u khlieh jong ka longïing la khot u Beelsebul, ïa ki dkhot jong ka longïing yn khot da ki kyrteng kiba kham sniew!

MATHAÏOS 10:25 Mawu Ofanana

2 SYIEM 1:2

Bad u Ahasaïah u la hap lyngba ka jingkhang ïit ha ka kamra haneng ka jong u kaba ha Samaria, bad u la pang: te u la phah ki nongkit-ktien, bad u la ong ha ki, “Khie leit ïakylli ha u Belsebul u blei ka Ekron, la ngan koit ne em na kane ka jingpang.”

MATHAÏOS 12:24

Hynrei, haba kita ki Pharisi ki la ïohsngew ki la ïa-ong, “Une u briew um beh noh ïa ki ksuid, lymda da u Belsebul u rangbah ki ksuid.”

MATHAÏOS 12:27

Lada nga ruh nga beh noh ïa ki ksuid da u Belsebul, dano ba ki khun jong phi ki beh noh ïa ki? Namar kata, kin long ki nongbishar jong phi.

MATHAÏOS 9:34

Hynrei, ki Pharisi ki la ïa-ong, “U beh noh ïa ki ksuid da u rangbah ki ksuid.”

MARKOS 10:39

Te ki la ong ha u, “Ngi lah.” Hynrei, U Jisu u la ong ha ki, “Ïa kata ka khuri, na kaba ngan sa dih, phin dih shisha, bad da kata ka jingbaptis da kaba yn sa pynbaptis ïa nga, yn pynbaptis ïa phi ruh;

MARKOS 3:22

Bad ki nongthoh kiba la wan hiar na Jerusalem ki la ong, “U don u Belsebul, bad da u rangbah ki ksuid U beh noh ïa ki ksuid.”

LOUKAS 11:15

Hynrei, don na ki, kiba la ong, “Da u Belsebul, u rangbah ki ksuid, U beh noh ïa ki ksuid.”

LOUKAS 11:18

Te lada u Soitan ruh u ïaleh hi ïa lade, kumno kan neh ka hima jong u? naba phi ong ba nga beh noh ïa ki ksuid da u Belsebul.

LOUKAS 11:19

Lada nga te nga beh noh ïa ki ksuid da u Belsebul, hato dano ba ki khun jong phi ki beh noh ïa ki? namar kata, ki hi kin long ki nongbishar jong phi.

ÏOANNIS 10:20

Shibun na ki te ki la ïa-ong, “U don u ksuid, bad u la lamwir; hato balei phi ïasngap ïa u?”

ÏOANNIS 7:20

Uta u paidbah u la ïathuh te, “Me don u ksuid: uei ba wad ban pynïap noh ïa me?”

ÏOANNIS 8:48

Ynda kumta, kita ki Jiw ki la ïathuh bad ki la ïa-ong ha u, “Ngi ngim ïa-ong kaba dei ba me long u kynja Samaria, bad me don u ksuid?”

ÏOANNIS 8:52

Namar kata, ki Jiw ki la ïa-ong ha u, “Mynta ngi ïatip ba me don u ksuid. U Abraham u la ïap noh, bad ki nongïathuhlypa ruh; me pynban me ong, ‘Lada uno uno ruh un sumar ïa ka ktien jong nga, un ym mad ïa ka jingïap lano lano ruh!’