MATHAÏOS 10:19 - KA BAIBL

¹⁹ Hynrei, ynda ki ïa-ai noh ïa phi, wat sngewkhuslai, kumno, lane kaei ba phin kren; naba yn ai ha phi ha kata ka por, ïa kaei ba phin kren.

Khasi CL Bible (BSI)

¹⁹ Haba ki tian bishar ïa phi, wat khuslai shaphang kaei kaba phin ong lane kumno phin ong; haba ka por ka poi, yn sa ai ha phi ïa kaei kaba phin ong.

MATHAÏOS 10:19 Mawu Ofanana

EKSODOS 4:12

Namar kata, to leit mynta, bad nga ngan long lem bad ka shyntur jong me, bad ngan hikai ïa me ïa kaei ba men kren keiñ.”

EKSODOS 4:15

Bad to men kren ha u, men buh ruh ïa kine ki ktien ha ka shyntur jong u: ma nga te ngan long lem bad ka shyntur jong u ruh, bad ngan hikai ïa phi ïa kaei ba phin leh.

JEREMAÏAH 1:7

Hynrei, U Trai u la ong ïa nga, “Wat ong, ‘Nga dang khynnah:’ naba ha kino kino kiba ngan phah ïa me men leit keiñ, bad ïa kaei kaei kaba ngan hukum ïa me men kren keiñ.

JEREMAÏAH 1:9

Ynda kumta, U Trai u la sei ïa la ka kti, bad u la ktah ïa ka shyntur jong nga; bad U Trai u la ong ha nga, “Ha khmih, nga la buh ïa ki ktien jong nga ha ka shyntur jong me:

MATHAÏOS 10:18

yn ïalam ruh ïa phi ha khmat ki lyngskor bad ki syiem na ka bynta jong nga, ïa ka ban long ka jingphla ha ki bad ha ki Jentil.

MATHAÏOS 6:25

“Namar kata, nga ong ha phi, wat khuslai ïa la ka jingim, kaei ba phin bam, lane kaei ba phin dih; lymne ïa ka met jong phi, kaei ba phin kup. Ka jingim kam long kaba kham kor ïa ka jingbam, ka met ruh ïa ka jaiñkup?

MATHAÏOS 6:31

Namar kata, wat khuslai, da kaba ong, ‘Kaei ba ngin bam?’ lane, ‘Kaei ba ngin dih?’ lane, ‘Kaei ba ngin kup?’

MATHAÏOS 6:34

“Namar kata, wat khuslai na ka bynta kaba lashai, naba kata kaba lashai kan khuslai na ka bynta la ka jong. Ïa ka sngi ka biang la ka jong ka basniew.”

LOUKAS 12:11

Te ynda kin ïalam ïa phi ha khmat ki synagog bad ki nongbishar bad ki nongsynshar, wat sngewkhuslai phi, kumno lane kaei ba phin ïasaid-da, lane kaei ba phin ong:

LOUKAS 12:12

naba U Mynsiem Bakhuid un hikai ïa phi ha kata ka por, ïa kaei ba phi dei ban ong.”

KI KAM 6:10

hynrei, kim ju lah ban ïaleh ïa ka jingstad bad ïa U Mynsiem, da kiba u la kren.

PHILIPPI 4:6

Wat khuslai ïa kaei kaei ruh; hynrei, ha kaei kaei baroh da ka jingduwai bad ka jingkyrpad lem bad ka jingainguh, to phin pyntip ïa ki jingpan jong phi sha U Blei.

2 TIMOTHI 4:17

Hynrei, U Trai u la ïeng hajan jong nga, bad u la ai bor ha nga; khang ba da nga yn ïoh pyndep biang ïa kata ka jingïalap, bad ba ki Jentil baroh kin ïohsngew: te la pyllait ïa nga na ka shyntur u sing.

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.