MATHAÏOS 10:15 - KA BAIBL

¹⁵ Shisha nga ong ha phi, ba kan long kham jem ïa ka ri Sodom bad Gomorra ha ka sngi bishar ban ïa kaba kan long ïa kata ka shnong.

Khasi CL Bible (BSI)

¹⁵ Nga pynthikna ïa phi ba ha ka Sngi ka Jingbishar, U Blei un pyn-i kham bun ka jingisynei ïa ki briew ka Sodom bad Gomorrah ban ïa ki briew jong kata ka nongbah!

MATHAÏOS 10:15 Mawu Ofanana

MATHAÏOS 12:36

Hynrei, nga ong ha phi, ba ïa ka ktien thala baroh ïa kaba ki briew kin kren, kin ïa-ai jingkheiñ shaphang kata ha ka sngi bishar.

MATHAÏOS 5:18

Naba shisha nga ong ha phi: Ha ban da leit noh ka bneng bad ka khyndew, kat iwei i dak rit lane iwei iba khun khyndiat eh na Ka Hukum in ym leit noh, tad ynda yn pyndep baroh.

MATHAÏOS 7:22

Shibun kin ïa-ong ha nga ha kata ka sngi, ‘A Trai, A Trai, ngi ngim shym la ïalap ha ka kyrteng jong me? Ngi ngim shym la beh noh ïa ki ksuid ha ka kyrteng jong me? Ngi ngim shym la leh shibun ki kambah ruh ha ka kyrteng jong me?’

MARKOS 6:11

te ha kano kano ruh ka jaka ka ban ym pdiang ïa phi, bad kim sngew ïa phi, haba phi mih noh nangta, to kynther noh ïa ka 'dewmet na ki poh'jat jong phi, ïa ka ban long ka jingphla ïa ki. Shisha nga ong ha phi, ba kan long kham jem ïa ka Sodom bad ïa ka Gomorra ha ka sngi bishar, ban ïa kaba ïa kata ka shnong.”

ÏOANNIS 12:48

Uta uba kyntait noh ïa nga, bad u bympdiang ïa ki ktien jong nga, u don kaba pynrem ïa u: kata ka ktien ïa kaba nga la kren, kata keiñ, kan pynrem ïa u ha ka sngi khatduh.

ÏOANNIS 6:39

Kane te ka long kata ka mon jong U Kpa uba la phah ïa nga, ba baroh ïa kaba u la ai ha nga, ngan ym ai ban duh noh ei ei ruh na ka, hynrei, ba ngan ïoh pynmih pat ïa ka ha ka sngi ka bakhatduh.

ÏOANNIS 6:40

Namar kane ka long ka mon U Kpa jong nga, ba u briew baroh uba ïohi ïa U Khun bad uba ngeit ha U, un ïoh ka jingim bymjukut, bad ba ngan pynmih pat ïa u ha ka sngi ka bakhatduh.”

KI KAM 17:31

naba u la buh ka sngi ha kaba un sa bishar ïa ka pyrthei ha ka hok da uta u briew ïa uba u la thung; shaphang kata, u la ai ka jingpynskhem ha ki briew baroh, da kaba u la pynmih pat ïa u na ki baïap.”

1 KORINTH 3:13

yn pynpaw ïa ka jingtrei jong uwei pa uwei: namar kata ka sngi kan pyni shynna ïa ka, naba yn pynpaw noh ïa ka da ka ding; te kata ka ding kan tynjuh ïa ka jingtrei jong uwei pa uwei kaba kumno ka long.

1 THESSALONI 5:4

Hynrei, ma phi, ko parabangeit, phim long ha ka jingdum, ba kata ka sngi kan lap ïa phi kum u nongtuh:

HEBRU 10:25

khlem da iehnoh ïa ka jingïaseng lang jong ngi hi, kumba long ka rukom kiwei, hynrei, da ïakyntu paralok hi; bad kata kham tam, katba phi ïohi ïa kata ka sngi ba ka nang jan.

2 PETROS 2:6

bad haba la pynlong dpei ïa ki nongbah ka Sodom bad Gomorra, u la pynrem ïa ki da ka jingpynkyllon khram, u da buh ïa ki ban long ka rukom maham ïa kita ki ban im bymriewblei;

2 PETROS 2:9

U Trai u nang ban knieh kynthet noh ïa kiba riewblei na ka jingpynshoi, bad ban rakhe ïa ki bymhok ïa ka sngi ka jingbishar ban pynshitom ïa ki.

2 PETROS 3:7

Hynrei, kita ki bneng bad kata ka khyndew kiba mynta, ki long ba la rakhe ïa ki da kata kajuh ka ktien, ïa kiba la ri noh sha ka ding ïa ka sngi ka jingbishar bad ka jingpynjot noh ïa kita ki briew ki bymriewblei.

1 ÏOANNIS 4:17

Da kane la pynjanai noh ha ngi ïa kata ka jingieit, ba ngin ïoh ka jingsngewshaniah ha kata ka sngi ka jingbishar; naba kat kumba u long ma u, kumta ma ngi ruh, ngi long ha kane ka pyrthei.

JUDAH 1:6

Ki angel ruh ki bym shym la ri ïa kata ka burom tynrai jong ki hi, hynrei, ki la iehnoh noh ïa ka jaka shong sah la ka jong hi, u la ri noh ïa ki ha ki kynjri bymjukut hapoh kaba dum tliw tliw, ïa ka jingbishar ka sngi bakhraw.

JUDAH 1:7

Kumba ïa ka Sodom bad Gomorra, bad kita ki nongbah kiba sawdong ïa ki, haba ki ïashait ïaleh nuti, bad ki da leit bud ïa ka doh kawei pat, ha ka rukom kaba kum ïa kine, la buh ïa ki ha khmat kum ka rukom maham keiñ, da kaba ki shah ïa ka jingpynshitom hok ka ding bymjukut.