MATHAÏOS 1:25 - KA BAIBL

²⁵ hynrei, um pat shym la ithuh ïa ka, tad ynda ka la kha ïa u khun nyngkong jong ka: u la khot ruh ïa ka kyrteng jong u, “U Jisu”.

Khasi CL Bible (BSI)

²⁵ Hynrei um shym la ïathiah shongkha bad ka ha shuwa ban kan kha ïa u khun jong ka. Bad u Joseph u la khot kyrteng ïa u, U Jisu.

MATHAÏOS 1:25 Mawu Ofanana

2 SAMUEL 6:23

Te ka Mikhal ka khun u Saul kam shym la ïoh khun haduh ka sngi ka jingïap jong ka.

1 SYIEM 1:4

Kata ka samla te ka la bhabriew eh; bad ka la sumar ïa u syiem, bad ka la shakri ïa u; hynrei, u syiem um shym la ithuh ïa ka.

EKSODOS 13:2

“To pynkyntang ha nga ïa uba la kha nyngkong baroh, ïa kaei kaei baroh keiñ ïa kaba la kha nyngkong hapdeng ki khun Israel, na u briew bad na u mrad de: u long u jong nga.”

EKSODOS 22:29

“Men ym pyntud ban ainguh ïa u banyngkong na ki soh ba-ih jong me, bad na ki umsoh jong me. Men ai ha nga ïa u banyngkong na ki khun shynrang jong me.

MATHAÏOS 1:21

kan kha ruh ïa u khun; men khot ruh ïa ka kyrteng jong u, ‘U Jisu’: naba un pynim ïa la ki briew na ki pop jong ki.”

MATHAÏOS 1:24

Te haba u Joseph u la khie na kaba thiah, u la leh kumba la hukum u angel U Trai ïa u, bad u la shim ha u ïa ka tnga jong u:

LOUKAS 1:31

te ha khmih, phan sa punkhun ha la ka kpoh, bad phan kha ïa u khun, bad phan khot ïa ka kyrteng jong u, ‘U Jisu’:

LOUKAS 2:21

Te ynda la dap ka phra sngi ïa ka ban otsher ïa u, la kyrteng ïa u, “U Jisu”, ka kyrteng ïa kaba la lah ai da uta u angel shuwa ban pun ïa U ha ka kpoh.

LOUKAS 2:7

Te ka la kha ïa u khun u banyngkong jong ka, bad ka la sop ïa u da ki jaiñsop, bad ka la pynthiah ïa u ha ka shyngoid; naba ym don jaka ïa ki ha ka ïingbasa.

Ka Shithi U Paul Sha Ki Nong Rom 8:29

Namar ïa kiba u la ithuh lypa, u la thmu lypa ruh ban long kiba shidur keiñ bad ka dur ka jong U Khun jong u, ba un ïoh long uba la kha nyngkong hapdeng kiba bun ki para.