MATHAÏOS 1:21 - KA BAIBL

²¹ kan kha ruh ïa u khun; men khot ruh ïa ka kyrteng jong u, ‘U Jisu’: naba un pynim ïa la ki briew na ki pop jong ki.”

Khasi CL Bible (BSI)

²¹ Kan kha i khun shynrang, bad men khot kyrteng ïa u, U Jisu — namar un pyllait im ïa ki briew jong u na ki pop jong ki.”

MATHAÏOS 1:21 Mawu Ofanana

JENESIS 17:19

Bad U Blei u la ong, “Shisha keiñ ka Sara ka tnga jong me kan kha ïa u khun ïa me; bad men khot kyrteng ‘u Isaak’ ïa u: bad nga ngan pynskhem ïa ka jutang jong nga bad u, ïa ka ban long ka jutang ka baïaineh junom, bad u symbai jong u hadien jong u.

JENESIS 17:21

Hynrei, ïa la ka jutang ngan pynskhem bad u Isaak, ïa uba ka Sara kan sa kha ïa me kum ha kane ka Ïa hi ha ka snem ka ban sa mih.”

JENESIS 18:10

Bad uwei u la ong, “Shisha ngan wan phai pat sha me hamar kaba ka aïom ka jingim keiñ; bad ha khmih, ka Sara ka tnga jong me kan ïoh khun.” Bad ka Sara ka la ïohsngew ha ka jingkhang ka ïingtrep, kaba long na shadien jong u.

JEREMAÏAH 23:6

Ha ki sngi jong u, ïa u Judah yn pynim, bad u Israel un shong ha kaba suk: bad kane ka long ka kyrteng jong u da kaba yn khot ïa u, ‘U Trai u long ka hok jong ngi.’

JEREMAÏAH 33:16

Ha kita ki sngi, yn sa pynim ïa ka Judah, bad ka Jerusalem kan sa shongsuk: bad kane ka long ka kyrteng da kaba yn khot ïa ka, “U Trai u long ka hok jong ngi.” ’

DANIEL 9:24

“Hynñiewphew taïew la pynkut halor ki briew jong me bad halor kata ka nongbah bakhuid jong me, ïa ka ban pyndep ïa ka jingpalat, bad ban pynwai noh ïa ki pop, bad ban pynlong ka jingpynïasuk na ka bynta ka jingbymhok, bad ban wallam noh ïa ka hok bymjukut, bad ïa ka ban pyndait laha ïa ka jingithuhpaw bad ïa ka jingïathuhlypa, bad ban pynsleh ïa U Bakhuid Tam Eh.

SEKHARAÏAH 9:9

“To leh kmen shikatdei, ko ka khun Seïon; to risa, ko ka khun Jerusalem: ha khmih, u syiem jong pha u wan ha pha: u long u bahok, bad uba don ka jingpynim; uba leh rit, bad uba shong halor u kadda, halor u khun kadda jong ka kadda keiñ.

MATHAÏOS 1:25

hynrei, um pat shym la ithuh ïa ka, tad ynda ka la kha ïa u khun nyngkong jong ka: u la khot ruh ïa ka kyrteng jong u, “U Jisu”.

LOUKAS 1:13

Hynrei, uta u angel u la ong ha u, “Wat sheptieng, ko Sakharaïa: naba la shahshkor ïa ka jingduwai jong me; te ka tnga jong me ka Elisabet kan kha khun shynrang ïa me, bad men khot ïa ka kyrteng jong u, ‘u Ïoannis’:

LOUKAS 1:31

te ha khmih, phan sa punkhun ha la ka kpoh, bad phan kha ïa u khun, bad phan khot ïa ka kyrteng jong u, ‘U Jisu’:

LOUKAS 2:11

naba ha kane ka sngi la kha ïa phi, ha ka shnong u Dabid, ïa U Nongpynim, uba long U Khrist uba U Trai:

LOUKAS 2:21

Te ynda la dap ka phra sngi ïa ka ban otsher ïa u, la kyrteng ïa u, “U Jisu”, ka kyrteng ïa kaba la lah ai da uta u angel shuwa ban pun ïa U ha ka kpoh.

ÏOANNIS 1:29

Ha kaba lashai, u Ïoannis u ïohi ïa U Jisu ba U wan ha u, bad u ong, “Ha khmih, U Khun langbrot jong U Blei, uba kit noh ïa ka pop ka jong ka pyrthei!

ÏOANNIS 4:42

ha kata ka briew te ki la ïa-ong, “Mynta ngi ngeit, ym namar kata ka jingong jong pha shuh; naba ngi la ïohsngew ma ngi hi ïa u, bad ngi ïatip ba une u long shisha U Khrist, U Nongpynim jong ka pyrthei.”

KI KAM 13:23

Na u symbai jong une u briew, U Blei, katba kum ka jingkular, u la pynmih ha ki Israel ïa U Nongpynim, U Jisu keiñ,

KI KAM 3:26

Ha phi nyngkong, U Blei u la pynmih ïa la U Khun, bad U la phah ïa u, ban kyrkhu ïa phi, da kaba pynphai noh ïa uwei pa uwei na phi na ki jingbymhok jong phi.”

KI KAM 4:12

Bad ym don ka jingpynim hano hano ha uwei pat: naba ym don kawei pat ka kyrteng hapoh ka bneng, ïa kaba la ai hapdeng ki briew, da kaba ka dei ba yn pynim ïa ngi.”

KI KAM 5:31

Ïa une, U Blei u la kyntiew sha ka kti kamon jong u, ban long U Syiem bad U Nongpynim, ïa ka ban ai ka jingkylla-ka-bamut ha u Israel, bad ka jingmap ki pop.

TITOS 2:14

uba la aiti noh ïa lade na ka bynta jong ngi, ba un ïoh siewspah noh ïa ngi na ka jingbymhok baroh, bad ba un pynkhuid ha lade hi ïa u paidlang ban long ka bynta kynti jong u hi, uba shitrhem ïa ki jingleh babha.

HEBRU 7:25

Namar kata, u lah ruh ban pynim janai ïa kita kiba wan ha U Blei da u, haba u im ha la ka rta ïa ka ban ïasaid na ka bynta jong ki.

1 ÏOANNIS 1:7

hynrei, lada ngi ïaid ha kata ka jingshai kumba u long ma u ha kata ka jingshai, ngi don ka jingïasyllok lem paralok hi, bad ka snam U Jisu U Khun jong u ka pynkhuid ïa ngi na ka pop baroh.

1 ÏOANNIS 3:5

Bad phi tip ba la pynpaw ïa u khnang ba un da ïoh kit noh ïa ki pop jong ngi; bad ka pop kam don ha u.

JINGPYNPAW 7:14

Te nga la ïathuh ha u, “Ko Kynrad, me tip ma me.” Te u la ong ha nga, “Kine ki long kita keiñ kiba wan na kata ka jingjynjar bakhraw, bad ki la sait ïa kita ki jaiñkup jong ki, bad ki la pynkhuid lieh ïa ki ha ka snam jong uta U Khun langbrot.

NONGBISHAR 13:3

U angel U Trai te u la paw ha kata ka kynthei, bad u la ong ha ka, “Ha khmih te, pha kaba lyngki, bad ka bymkha: hynrei, phan sa punkhun, phan kha ruh ïa u khun shynrang.

1 SAMUEL 1:20

Te ynda ka Hannah ka la punkhun, haba ka la dap bnai, ka la kha khun shynrang; bad ka la kyrteng ïa u, “u Samuel”, ka da ong, “Naba na U Trai nga la pan ïa u.”