MATHAÏOS 1:19 - KA BAIBL

¹⁹ Hynrei, u Joseph, u tnga jong ka, ba u da long u bahok, ba um mon ruh ban pynbna ïa ka ha ki briew, u la mut ban pyllait noh jar jar ïa ka.

Khasi CL Bible (BSI)

¹⁹ U Joseph u long u briew uba ju ïai leh borabor ïa kaba dei, hynrei um kwah ban pynjahburom ïa ka Mari ha kaba paw; kumta u la thmu ban pynkut noh ïa ka jingïatehktien ha kaba jar jar.

MATHAÏOS 1:19 Mawu Ofanana

JENESIS 38:24

Bad ka la jia ruh ynda la lai bnai, ba la ïathuh ha u Judah, da kaba ong, “Ka Tamar ka pyrsa kurim jong me ka la kam nuti; bad ha khmih, ka la punkhun ruh da kaba klim.” Ynda kumta, u Judah u la ong, “To pynmih noh ïa ka, bad to ai ba yn thang noh ïa ka.”

JENESIS 6:9

Kine ki long ki jinghiar pateng jong u Noah: u Noah u la long u briew u bahok, uba beit ha ki pateng bynriew jong u, u Noah u la ïaid ryngkat bad U Blei.

LEBITIKOS 19:20

“ ‘Bad haba u briew u da leit thiah bad ka briew kaba long ka mraw, kaba la lah ïatehktien bad u briew, khlem da siewspah ïa ka, lane pyllait ïa ka: ka dei ban sympat ïa ki; yn ym pynïap ïa ki, naba kam shym long kaba laitluid.

LEBITIKOS 20:10

“ ‘Bad u briew uba klim bad ka tnga jong uwei pat, uba klim bad ka tnga u paramarjan, yn pynïap noh shisha ïa uta uba klim bad ïa kata kaba klim bad u.

MARKOS 10:4

Ki te ki la ong, “U Moses u la shah ban thoh ïa ka kot iehnoh, bad ban ïapyllait noh.”

MARKOS 6:20

Naba u Herod u la ju sheptieng ïa u Ïoannis, ba u da tip ba u long u briew bahok bad bakhuid, u la ju da te ïa u; bad haba u la ïohsngew ïa u, u la ju leh shibun kiei kiei ruh, bad u la ju shahshkor sngewbha ïa u.

LOUKAS 2:25

Ha khmih ruh, la don u briew ha Jerusalem, uba kyrteng “u Simeon”; te une u briew u long u bahok bad u bariewblei, uba da ap kyrmen ïa ka jingpyntngen jong u Israel: bad U Mynsiem Bakhuid u la don ha u.

KI KAM 10:22

Te ki la ïathuh, “U Kornilios, u rangbah shispah, u briew u bahok, bad uba sheptieng ïa U Blei, bad uba la ïoh ka jingïaroh na ka jaid Jiw baroh, la sneng ïa u da u angel bakhuid ban phah khot ïa me shapoh ka ïing jong u, bad ban ïohsngew ïa ki ktien na me.”

KI KAM 27:39

Te haba ka lashai, kim shym ithuh ïa kata ka ri; hynrei, ki la ïohi ïa kawei ka kdong um kaba don ka rud duriaw shyiap, bad ki la ïapyrkhat lada ki lah ban pynsah kut noh ïa kata ka lieng hangta.

2 KORINTH 1:15

Te ha kane ka jingshaniah nga la mon ban wan ha phi mynshuwa, khnang ba phin ïoh kmen ar sien;

DEUTERONOMI 22:20

Hynrei, lada kane ka long kaba shisha, bad ba ym shym la shem kita ki dak ka jinglong sotti ha kata ka samla: