MARKOS 9:1 - KA BAIBL

¹ Te u la ong ha ki, “Shisha nga ong ha phi, ba don kiba na kine kiba ïeng hangne, ki ban ym mad ïa ka jingïap, tad ynda ki la ïohi ïa ka hima U Blei ba ka la wan da ka bor.”

Khasi CL Bible (BSI)

¹ Bad u la ong shuh shuh, “Nga ong ïa phi, ki don katto katne ngut hangne ki ban ym ïap haduh ba kin da ïohi ïa ka Hima U Blei ba ka wan ha ka bor.”

MARKOS 9:1 Mawu Ofanana

MATHAÏOS 16:28

Shisha nga ong ha phi, don kiba ïeng hangne ki ban ym mad ïa ka jingïap, tad ynda ki la ïohi ïa U Khun u briew ba u wan ha ka hima jong u.”

MATHAÏOS 24:30

Ynda kumta te, ka dak U Khun u briew kan paw ha bneng; te hangta ki jaid bynriew baroh ka pyrthei kin ïalynñiar lympat, haba kin ïohi ba u wan U Khun u briew ha ki lyoh bneng da ka bor bad ka burom bakhraw.

MATHAÏOS 25:31

“Ynda U Khun u briew un wan te ha ka burom jong u, bad ki angel bakhuid baroh lem bad u, ynda kumta, un shong halor ka khet ka burom jong u,

MARKOS 13:26

Ynda kumta, kin ïohi ïa U Khun u briew ba u da wan ha ki lyoh, bad ka borbah bad ka burom ruh.

MARKOS 13:30

Shisha nga ong ha phi, ba kane ka pateng bynriew kan ym leit noh, tad ynda la leh ïa kine kiei kiei baroh.

LOUKAS 2:26

La pynpaw te ha u da U Mynsiem Bakhuid, ba un ym ïohi ïa ka jingïap, katba um pat ïohi ïa U Khrist u jong U Trai.

LOUKAS 22:18

naba nga ong ha phi, ba ngan ym dih shuh na u soh u dieng Waiñ, tad ynda kata ka hima jong U Blei kan da wan.”

LOUKAS 22:30

ba phin ïoh bam bad ïoh dih ha ka miej jong nga ha kata ka hima jong nga, bad halor ki khet phin ïoh shong bishar ïa ki khat-ar ki jaid Israel.”

LOUKAS 9:27

hynrei, nga ong ha phi ïa kaba shisha, Don kiba na kine kiba ïeng hangne, ki ban ym mad ïa ka jingïap, tad ynda ki ïohi ïa ka hima U Blei.”

ÏOANNIS 21:23

Namar kata, la phriang kane ka jingong hapdeng ki parabangeit, ba uta u synran un ym ïap: hynrei, U Jisu um shym la ong ha u ba un ym ïap, hynrei, “Lada nga mon ba un sah tad ynda nga wan, ka pher aïu ïa me?”

HEBRU 2:9

hynrei, ngi ïohi ïa U Jisu ïa uba la pynlong kham poh khyndiat ban ïa ki angel, na ka bynta kata ka jingshahïap jong u, ba la pynphong pansngiat ïa u da ka burom bad da ka jingpyndonburom; ba da ka jingaiei U Blei, un mad ïa ka jingïap na ka bynta baroh.