MARKOS 7:9 - KA BAIBL

⁹ U la ong ruh ha ki, “Phi kyntait la biang keiñ ïa ka hukum U Blei, ba phin ïoh sumar ïa ka rukom pateng la pateng jong phi;

Khasi CL Bible (BSI)

⁹ Bad U Jisu u la bteng da kaba ong, “Phi don ka rukom basian jong ka jingkyntait ïa ka hukum U Blei ban pynneh ïa la ka jong ka jinghikai hi.

MARKOS 7:9 Mawu Ofanana

SALM 119:126

Ka la dei ka por ïa U Trai ban trei; naba ki la pyndam noh ïa ka aiñ jong me.

ISAÏAH 24:5

Ïa ka khyndew ruh la pyntngit hapoh kiba shong ha ka: namar ki la ryngkang ïa ki hukum, ki la pynkylla ïa ka rukom, ki la pynkheiñ ïa ka jutang bymjukut.

ISAÏAH 29:13

Te U Trai u la ong, “Namar kat kumba une u paidlang u wan hajan jong nga, bad da la ka shyntur bad da la ki rmiang shyntur ki burom ïa nga, hynrei, ki la pynjngai noh ïa ka dohnud jong ki na nga, bad ka jingsheptieng jong ki ïa nga ka long ka hukum briew ba la hikai ïa ki:

DANIEL 11:36

“Bad uta u syiem un leh katba u mon; bad un pynkyntiew ïa lade, bad pynkhraw ïa lade halor ki blei baroh, bad un kren ïa kiei kiei ruh ki baphylla pyrshah ïa U Blei ki blei: bad un man bha haduh ba la pyndep ïa kata ka jingbitar; namar ïa kata kaba la thmu, yn pyndep keiñ.

DANIEL 7:25

Bad un kren ki ktien kiba pyrshah ïa U Bahakhlieh Tam Eh, bad un pynduh noh ïa ki riewkhuid jong U Bahakhlieh Tam Eh: bad un thmu ban pynkylla ïa ki por bad ïa ka hukum; bad yn ai noh ïa ki ha ka kti jong u haduh ka por bad ki por bad ka shiteng por.

MARKOS 7:13

phi da pynduh ïa ka ktien U Blei da ka rukom pateng la pateng jong phi, ïa kaba phi hikai: bad shibun kiei kiei ruh kum kine phi leh.”

MARKOS 7:3

(Naba ki Pharisi bad ki Jiw baroh, lymda ki ïoh thet bha ïa la ki kti, kim bam satia, ki da bat skhem ïa ka rukom pateng la pateng ki tymmen basan.

MARKOS 7:5

Namar kata, kita ki Pharisi bad kita ki nongthoh ki la kylli ïa u, “Balei ba ki synran jong me kim ïaid kat kum ka rukom pateng la pateng ki tymmen basan, hynrei, ki bam ja da ki kti kiba khlem thet?”

Ka Shithi U Paul Sha Ki Nong Rom 3:31

Te ngi ïa-pyndam noh ïa ka hukum da kane ka jingngeit? Ym kumta, em! hynrei, shisha ngi ïa-pynskhem ïa ka hukum.

2 KORINTH 11:4

Namar lada shisha uta uba wan ha phi u ïalap ïa uwei pat U Jisu, ïa uba ngi ngim shym la ïalap, lane lada phi pdiang ïa uwei pat u mynsiem, ïa uba phi, phim shym la pdiang, lane ïa kawei pat ka gospel ïa kaba phi, phim shym la pdiang, phi leh bha ban ïaishah ïa u?

GALATIA 1:14

bad nga la nang stad nang stad ha ka niam ki Jiw nalor bun ki para baïaryngkat ka rta bad nga hapdeng ki para jaid jong nga, ba nga da long uba shitrhem shikatdei eh shaphang ki rukom pateng la pateng jong ki kpa tymmen jong nga.

GALATIA 2:21

Ngam pynlehnohei ïa ka jingaiei U Blei; namar lada ka hok ka long da ka hukum, te kumta, U Khrist u la ïap lehnohei.

2 THESSALONI 2:4

uta uba ïaleh pyrshah bad uba pynsarong ïa lade pyrshah ïa baroh ba la khot “Blei” lane ba ju mane; kat haduh ba u shong ha ka templ U Blei, u da leh Blei ïa lade.