MARKOS 7:7 - KA BAIBL

⁷ hynrei, ki mane thala ïa nga, haba ki hikai kum ki jinghikai ïa ki hukum jong ki briew’:

Khasi CL Bible (BSI)

⁷ Ka long ka bymmyntoi ïa ki ban mane ïa nga, namar ki hikai ïa ki aiñ ba la thaw da ki briew kumba ki dei ki aiñ U Blei!’

MARKOS 7:7 Mawu Ofanana

ISAÏAH 29:13

Te U Trai u la ong, “Namar kat kumba une u paidlang u wan hajan jong nga, bad da la ka shyntur bad da la ki rmiang shyntur ki burom ïa nga, hynrei, ki la pynjngai noh ïa ka dohnud jong ki na nga, bad ka jingsheptieng jong ki ïa nga ka long ka hukum briew ba la hikai ïa ki:

MALAKHI 3:14

Phi la ong, ‘Ka long kaba thala kaba shakri ïa U Blei: bad ka myntoi aïu ba ngi la sumar ïa ka hukum jong u, bad ba ngi la ïaid sngewsih ha khmat U Trai ki paid?

MATHAÏOS 15:9

hynrei, ki mane thala ïa nga, haba ki hikai ïa ki hukum jong ki briew kum ka jinghikai.’ ”

MATHAÏOS 6:7

“Bad haba phi duwai, wat bun ktien bieit kum ki Jentil: naba ki ïamut ba yn sngew ïa ki namar kaba bun ktien jong ki.

1 KORINTH 15:14

hynrei, lada ïa U Khrist ym shym la pynmih pat, te kumta ka jingïalap jong ngi ka long kaba lehnohei, bad ka jingngeit jong phi ruh kaba lehnohei.

1 KORINTH 15:58

Naba kumta, ko parabangeit ba-ieit jong nga, to long phi kiba ïaineh skhem, bad ki bymkynriah noh, bad kiba man kyrhai man la ka sngi ha ka kam U Trai, haba phi tip skhem ba kata ka jingtrei minot jong phi kam ju long kaba lehnohei ha U Trai.

DEUTERONOMI 12:32

“Ïa ka ktien baroh ba nga hukum ïa phi, to sumar ban leh ïa ka: men ym pyntam ha ka, lymne pynduna na ka.

KOLOSSAI 2:22

kiba kum kita, kin jot noh ha kaba pyndonkam), katba kum ki adong bad ki jinghikai ki briew?

TITOS 3:9

Hynrei, to kiar noh na ki jingïasaid babieit, bad na ki jingkheiñ jinghiar pateng, bad na ki jingïamai, bad na ki jingïania shaphang ka hukum; namar ki long ki bymmyntoi bad kiba thala.

JAKOB 1:26

Lada uno uno ruh hapdeng jong phi u mut ba u long uba riewblei, haba um synshar ïa la u thylliej, hynrei, u da shukor noh ïa la ka dohnud, kata ka jinglong riewblei une u briew kaba thala thaleiñ.

JAKOB 2:20

Hynrei, me kwah ban tip, A u briew babieit, ba kata ka jingngeit khlem kita ki jingleh ka long ka baïap?

JINGPYNPAW 22:18

Nga phla ha uwei pa uwei baroh uba ïohsngew ïa ki ktien jong ka jingïathuhlypa kane ka kitab: Lada uei uei ruh un da pynlang ha kine, U Blei un pynlang ha uta ïa kita ki jingïapthem ïa kiba la thoh ha kane ka kitab:

1 SAMUEL 12:21

bad wat kiar noh: naba kumta phi la leit bud ïa kiei kiei kiba thala ki bym lah pynmyntoi lymne pyllait, naba ki long kiba thala keiñ.