MARKOS 7:5 - KA BAIBL

⁵ Namar kata, kita ki Pharisi bad kita ki nongthoh ki la kylli ïa u, “Balei ba ki synran jong me kim ïaid kat kum ka rukom pateng la pateng ki tymmen basan, hynrei, ki bam ja da ki kti kiba khlem thet?”

Khasi CL Bible (BSI)

⁵ Kumta ki Pharisi bad ki nonghikai ka Hukum ki la kylli ïa U Jisu, “Balei ba ki synran jong me kim bud ïa ka jinghikai ba la ai pateng da ki kpa tymmen jong ngi, hynrei pynban ki bam da ki kti bym khuid kat kum ka jinglehniam?”

MARKOS 7:5 Mawu Ofanana

MATHAÏOS 15:2

“Balei ba ki synran jong me ki ryngkang ïa ka rukom pateng la pateng ki tymmen basan? naba kim da thet ïa ki kti jong ki haba kin sa bam jingbam.”

MARKOS 7:13

phi da pynduh ïa ka ktien U Blei da ka rukom pateng la pateng jong phi, ïa kaba phi hikai: bad shibun kiei kiei ruh kum kine phi leh.”

MARKOS 7:8

“Naba haba phi iehnoh ïa ka hukum U Blei, phi bat skhem ïa ka rukom pateng la pateng ki briew, kum ki jingsait ki luta bad ki khuri: bad ïa bun kiei kiei ruh kiwei pat kum kine phi leh.”

MARKOS 7:9

U la ong ruh ha ki, “Phi kyntait la biang keiñ ïa ka hukum U Blei, ba phin ïoh sumar ïa ka rukom pateng la pateng jong phi;

KI KAM 21:21

Bad la pynbna ha ki shaphang jong me, ba me hikai ïa ki Jiw baroh kiba hapdeng ki Jentil, ïa ka ban lyndet ïa u Moses; me da hukum ïa ki, ban ym otsher ïa la ki khun, lymne ban ïaid katba kum ki niam ki rukom.

KI KAM 21:24

shim ïa kine, bad pynkhuid ïa lade lem bad ki, bad men siew ruh na ka bynta jong ki, ba kin ïoh khi ïa la ki khlieh; kumta baroh kin ïoh tip, ba kim long ei ei ruh em kita kiei kiei kiba ki la ïabna shaphang jong me, hynrei, ba me hi ruh me ïaid beit, da kaba sumar ïa ka hukum.

Ka Shithi U Paul Sha Ki Nong Rom 4:12

bad u kpa ka jingotsher ruh ha kita keiñ ki bymlong shu tang na ka jingotsher hi, hynrei, kiba da ïaid beit ruh ha ki jingjam kata ka jingngeit ka jong u Abraham uba u kpa jong ngi, kaba u la don keiñ ha ka bym-otsher.

GALATIA 1:14

bad nga la nang stad nang stad ha ka niam ki Jiw nalor bun ki para baïaryngkat ka rta bad nga hapdeng ki para jaid jong nga, ba nga da long uba shitrhem shikatdei eh shaphang ki rukom pateng la pateng jong ki kpa tymmen jong nga.

2 THESSALONI 3:11

Namar ngi ïohsngew ba don hapdeng jong phi kiba ïaid kynriang, ki bym ju trei satia, hynrei, kiba leh lorni.

2 THESSALONI 3:6

Te ngi hukum ïa phi, ko parabangeit, ha ka kyrteng U Jisu Khrist uba U Trai jong ngi, ba phin kynriah noh na u parabangeit baroh uba ïaid kynriang, bad ym katba kum kata ka jinghikai ïa kaba ki la pdiang na ngi.