MARKOS 7:2 - KA BAIBL

² Haba ki la ïohi te ïa kiba na ki synran jong u, ba ki bam ja da ki kti bymkhuid (kata, khlem da thet satia), ki la pynrem.

Khasi CL Bible (BSI)

² Ki la ïohi ba katto katne ngut ki synran jong u ki dang ïabam ïa la ki jingbam da ki kti ki bym khuid kat kum ka jinglehniam — kata, kim pat sait ha kata ka rukom kaba ki Pharisi ki ong ba ki briew ki dei ban leh.

MARKOS 7:2 Mawu Ofanana

MATHAÏOS 15:2

“Balei ba ki synran jong me ki ryngkang ïa ka rukom pateng la pateng ki tymmen basan? naba kim da thet ïa ki kti jong ki haba kin sa bam jingbam.”

MARKOS 7:5

Namar kata, kita ki Pharisi bad kita ki nongthoh ki la kylli ïa u, “Balei ba ki synran jong me kim ïaid kat kum ka rukom pateng la pateng ki tymmen basan, hynrei, ki bam ja da ki kti kiba khlem thet?”

LOUKAS 11:38

Hynrei, haba uta u Pharisi u ïohi ïa kata, u la sngewphylla ba um shym thet shuwa, haba un sa bam ja.

KI KAM 10:28

U la ong te ha ki, “Phi hi phi tip kumno ba ka long kaba sang ïa u briew uba long u Jiw ban ïalok lane ban ïajan bad uba na kawei pat ka jaid bynriew; pynban, U Blei u la pyni ha nga ba ngan ym ñiew uba sang lane u bymkhuid ïa uno uno u briew;

KI KAM 11:8

Hynrei, nga la ong, ‘Ym kumta A Trai; namar kaei kaei ruh kaba sang lane ka bymkhuid kam ju rung mynno mynno ruh shapoh ka shyntur jong nga.’

Ka Shithi U Paul Sha Ki Nong Rom 14:14

Nga tip biang, bad nga sngewskhem da U Jisu uba U Trai, ba ym don kaei kaei ruh ka basang na lade hi; tang ïa uta uba ñiew sang ïa kaei kaei ruh, ïa uta keiñ ka sang.

HEBRU 10:29

ka jingpynshitom ba kham jur katno, phi tharai, kan dei ïa uta uba la ïuh hapoh ki kjat ïa U Khun U Blei, bad ba la ñiew bymkhuid ïa ka snam ka jutang, da kaba la pynkhuid ïa u, bad ba la lehbeiñ ïa U Mynsiem ka jingaiei?

JINGPYNPAW 21:27

Bad da lei lei kan ym ïoh leit bsut sha ka kaei kaei ruh ka bymkhuid, lane uta uba leh ïa ka jingijli bad ka jinglamler: hynrei, tang kita keiñ ïa kiba la thoh ha kata ka kitab ka jingim jong uta U Khun langbrot.