MARKOS 6:2 - KA BAIBL

² Te haba la poi ka Sabbaton, u la sdang ban hikai ha ka synagog: te bun haba ki ïohsngew ki la sngewkyndit, ki da ong, “Nangno une u la ïoh ïa kine kiei kiei ruh?” bad “Kaba kumno kane ka jingstad kaba la ai ha une u briew, bad ki kambah kat kine ba la leh da ki kti jong u?

Khasi CL Bible (BSI)

² Ha ka sngi Sabbaton u la sdang ban hikai ha ka synagog. Bun ki briew ki la don hangta; bad haba ki la ïohsngew ïa u, baroh ki la sngewlyngngoh. “Nangno u la ïoh ïa kane baroh?” ki la kylli. “Ka jingstad aïu kane ba la ai ha u? Kumno u leh ïa ki kambah?

MARKOS 6:2 Mawu Ofanana

MATHAÏOS 4:23

Bad U Jisu u la leit kylleng ka Galilaïa baroh, u da hikai ha ki synagog jong ki, bad u da ïalap ïa ka gospel ka hima, u da pynkhiah de ïa ki jingpang baroh bad ïa ki jingkhrew baroh ruh ha ki briew.

MATHAÏOS 7:28

Ka la jia ruh, haba U Jisu u la wai noh ïa kine ki ktien, ba kita ki paidbah ki la ïasngewkyndit thred na ka jinghikai jong u:

MARKOS 1:39

U la ïalap te ha ki synagog jong ki kylleng sawdong ka Galilaïa baroh, u la beh noh de ïa ki ksuid.

MARKOS 10:1

Haba u la mih nangta, u la wan ha ki phang Judia, sha shiliang ka Jordan: bad ki paidbah ki la ïalum lang pat ha u; te kumba u la ju leh, u la hikai pat ïa ki.

LOUKAS 2:47

Baroh te kiba la ïohsngew ïa U ki la sngewlyngngoh ïa ka jingshemphang bad ïa ki jubab jong U.

LOUKAS 4:15

Bad u la hikai ha ki synagog jong ki; baroh ruh ki da burom ïa u.

ÏOANNIS 6:42

Ki la ïa-ong te, “Ym long une U Jisu, u khun u Joseph, ïa u kpa bad ïa ka kmie jong u ngi ithuh? hato kumno te ba ong une, ‘Nga la wan hiar na bneng’?”

ÏOANNIS 7:15

Ki Jiw te ki la ïasngewkyndit ki da ong, “Kumno une u la nang ïa ki jingstad, u bym ju la ïoh hikai ruh?”