MARKOS 4:16 - KA BAIBL

¹⁶ kumjuh ruh kine ki long kita kiba la bet halor ka jaka maw, kiba, haba ki la ïohsngew ïa kata ka ktien, kumne kumne ruh ki pdiang ïa ka da kaba kmen;

Khasi CL Bible (BSI)

¹⁶ Kiwei pat ki briew ki long kum ki symbai kiba hap ha ka khyndew ba long maw. Ki tang shu ïohsngew ïa ka khubor, ki pdiang ïa ka da kaba kmen.

MARKOS 4:16 Mawu Ofanana

MATHAÏOS 13:5

Kiwei pat de ki la hap halor ki jaka maw ha ka bymdon bun khyndew; kumne kumne ruh ki la mih, naba kam long jylliew ka khyndew:

MARKOS 4:15

Kine te long kita kiba harud lynti, ha kaba la bet ïa ka ktien; hynrei, haba ki la ïohsngew, kumne kumne ruh u Soitan u wan, bad u rong noh ïa kata ka ktien ba la bet ha ki dohnud jong ki:

MARKOS 4:17

hynrei, ba kim don thied ha lade, ki long tang shibit; hadien te, haba ka jia kaba jynjar ne kaba lehbeiñ na ka bynta kata ka ktien, kumne kumne ruh, ki la thut:

MARKOS 6:20

Naba u Herod u la ju sheptieng ïa u Ïoannis, ba u da tip ba u long u briew bahok bad bakhuid, u la ju da te ïa u; bad haba u la ïohsngew ïa u, u la ju leh shibun kiei kiei ruh, bad u la ju shahshkor sngewbha ïa u.

LOUKAS 8:13

Kita te kiba halor u mawsiang, ki long kita kiba ynda ki la ïohsngew, ki pdiang ïa kata ka ktien da kaba kmen; bad kine kim don thied, kiba shu ngeit shi por, bad ha ka por ka jingtynjuh, ki phai dien noh.

ÏOANNIS 5:35

Uta u la long ka sharak ba la thang bad batyngshaiñ; phi te phi la ïasngewbha ban ïashadkmen tang shibit ar bit ha ka jingshai jong u.

KI KAM 26:28

Ynda kumta, u Agrippa u la ong ha u Paul, “Sa khyndiat men ngeit ba me la pynkohnguh ïa nga ban long Khristan.”

KI KAM 8:13

Te u Simon hi ruh u la ngeit, bad haba la pynbaptis ïa u, u la sah lem bad u Philip, bad u la sngewlyngngoh haba u la khmih ïa ki dak khyllah, bad ki kambah bakhraw ïa kiba la leh.