MARKOS 13:9 - KA BAIBL

⁹ “Hynrei, to sumar ïa lade; naba kin ai noh ïa phi ha ki jingbishar, bad ha ki synagog yn sympat ïa phi, bad yn pynïeng ïa phi ha khmat ki lyngskor bad ki syiem na ka bynta ka kyrteng jong nga, ïa ka ban long ka jingphla ïa ki.

Khasi CL Bible (BSI)

⁹ “Ma phi ïa lade hi phi dei ban long kiba sumar bha. Phin shah kem bad shah ïalam sha ka ïingbishar. Ïa phi yn sa shoh ha ki synagog; phin sa ïeng ha khmat ki nongsynshar bad ki syiem na ka bynta jong nga ban ïathuh ha ki ïa ka Khubor Babha.

MARKOS 13:9 Mawu Ofanana

MATHAÏOS 5:22

hynrei, nga ong ha phi, ba uno uno ruh uba da sngewbitar ïa u paralok jong u khlem nia, kan dei ïa u ban hap ha ka jingbishar: uno uno ruh de u ban khot ïa u paralok jong u, ‘Raka’, kan dei ïa u ban hap ha ka jingbishar bah; uno uno ruh de u ban khot ïa u, ‘Me uba mutlop runar’, kan dei ïa u ban hap ha ka dujok ding.

MARKOS 1:44

bad U la ong ha u, “Sumar men ym ïathuh ei ei hano hano; hynrei, khie leit noh, pyni ïa lade ha u lyngdoh, bad to ainguh na ka bynta ka jingkhuid jong me ïa kiei kiei ruh kiba u Moses u la hukum, ïa ka ban long ka jingphla ïa ki.”

MARKOS 13:5

Bad U Jisu u la sdang ban ong ha ki, “To sumar ïoh ba uno uno ruh un shukor ïa phi:

MARKOS 13:8

Naba ka kynja bynriew kan ïeng ïaleh bad ka kynja bynriew, ka hima ruh bad ka hima; bad ki jingkhynñiuh jumai kin long ha bun ki jaka, bad kin long ki 'nemsniew: kine ki jingsdang ki jingjynjar.

MARKOS 6:11

te ha kano kano ruh ka jaka ka ban ym pdiang ïa phi, bad kim sngew ïa phi, haba phi mih noh nangta, to kynther noh ïa ka 'dewmet na ki poh'jat jong phi, ïa ka ban long ka jingphla ïa ki. Shisha nga ong ha phi, ba kan long kham jem ïa ka Sodom bad ïa ka Gomorra ha ka sngi bishar, ban ïa kaba ïa kata ka shnong.”

LOUKAS 9:5

te kino kino ruh ki ban ym pdiang ïa phi, haba phi mih noh na kata ka shnong, to kynther noh ïa ka 'dewmet na ki kjat jong phi, ïa ka ban long ka sakhi pyrshah ïa ki.”

ÏOANNIS 15:20

To kynmaw ïa kata ka ktien kaba nga la ong ma nga ha phi, ‘U shakri um long uba kham khraw ïa u kynrad jong u.’ Lada ki la lehbeiñ ïa nga, kin lehbeiñ ruh ïa phi; lada ki la sumar ïa ka ktien jong nga, kin sumar ïa ka jong phi ruh.

ÏOANNIS 16:2

Kin kyntait noh ïa phi na ki synagog; shisha ka por ka jia, ba uno uno ruh uba pynïap noh ïa phi, un mut ba u ainguh ha U Blei.

KI KAM 21:11

Te ynda u la wan ha ngi, bad ba u la shim ïa ka panpoh jong u Paul, u la khum ïa la ki jong ki kti bad kjat, bad u la ong, “Kumne u ong U Mynsiem Bakhuid: ‘Ïa uta u briew uba dei trai kane ka panpoh, kita ki Jiw kin ïakhum kumne ha Jerusalem, bad kin ïa-ai noh ha ki kti ki Jentil.’ ”

KI KAM 7:54

Te haba ki la ïohsngew ïa kine kiei kiei ruh, ki la otshla ha ki dohnud, bad ki la kyr-iat bniat ïa u.

KI KAM 9:16

namar ngan pyni ha u kaba katno bun kiei kiei ba u dei ban shah na ka bynta ka kyrteng jong nga.”

PHILIPPI 1:29

Naba ha phi, la ai na ka bynta U Khrist, ym tang ban ngeit ha u, hynrei, ban shah shitom ruh na ka bynta jong u;

2 THESSALONI 1:5

kaba long ka dak shynna ïa ka jingbishar bahok U Blei; khnang ïa ka ban ñiew ïa phi, kiba bit ïa ka hima U Blei, na ka bynta kaba phi shah ruh;

2 ÏOANNIS 1:8

To phin ïasumar ïa lade hi, khnang ba phin ym duh noh ïa kita kiei kiei ruh ïa kiba ngi la lah leh minot, hynrei, ba phin pdiang ïa ka nong babiang.

JINGPYNPAW 1:9

Ma nga u Ïoannis, uba u parabangeit jong phi, bad u nongïaïoh bynta lem ha ka jingjynjar, bad ha ka hima bad ka jingïaishah U Jisu Khrist, nga la don ha kata ka 'dewlynnong ïa kaba la khot “Patmos”, na ka bynta ka ktien U Blei bad na ka bynta ka jingphla ïa U Jisu Khrist.

JINGPYNPAW 2:10

To wat sheptieng ïa kita kiei kiei ruh kiba phan sa shah: ha khmih, uta u Soitan un sa bred ïa kiba na phi ha ka ïing byndi, ba yn ïoh tynjuh ïa phi; te phin ïoh ïa ka jingshahshitom shiphew sngi. To long pha kaba ïaineh haduh ka jingïap, bad ngan ai ha pha ïa kata ka pansngiat jong ka jingim.

JINGPYNPAW 2:13

“ ‘Nga ithuh hangno pha shong, wat ha kaba don keiñ ka khet u Soitan: bad pha bat skhem ïa ka kyrteng jong nga, bad pham shym la len noh ïa kata ka jingngeit ha nga, wat shisha ha kita ki sngi ha kiba u Antipas u la long u nongphla uba ïaineh jong nga, ïa uba la pynïap noh hapdeng jong phi, ha kaba u Soitan u shong.