MARKOS 13:5 - KA BAIBL

⁵ Bad U Jisu u la sdang ban ong ha ki, “To sumar ïoh ba uno uno ruh un shukor ïa phi:

Khasi CL Bible (BSI)

⁵ U Jisu u la ong ïa ki, “Sumar bha, bad wat ai ïano ïano ban shukor ïa phi.

MARKOS 13:5 Mawu Ofanana

KOLOSSAI 2:8

To sumar phi, ïoh ban don uno uno uba rong lute ïa phi da la ka jingstad pyrthei bad da ka jingshukor bathala, katba kum ka rukom pateng jong ki briew, katba kum ki jinghikai jong ka pyrthei, te ym katba kum U Khrist.

EPHESOS 5:6

Wat ai ïano ïano ban shukor ïa phi da ka ktien thala: namar na ka bynta kine kiei kiei, ka jingbitar U Blei ka wan ha ki khun ka jingbymkohnguh.

JEREMAÏAH 29:8

Naba kumne u ong U Trai ki paid, U Blei ki Israel: “Wat shah ïa ki nongïathuhlypa jong phi kiba hapdeng jong phi, bad ki nongkhan jong phi, ba kin shukor ïa phi, lymne wat sngap ïa ki jingphohsniew ïa kiba phi phohsniew.

1 ÏOANNIS 4:1

Ko hep ba-ieit, wat ngeit ïa ki mynsiem baroh, hynrei, to phin tynjuh ïit ïa kita ki mynsiem, la ki long ne em na U Blei: naba shibun ki nongïathuhlypa balamler ki la leit mih noh sha ka pyrthei.

2 THESSALONI 2:3

Wat ai ba uno uno ruh un shukor ïa phi da kaba kumno kumno ruh: naba kata kan ym wan, lymda jia shuwa kata ka jingphaidien, bad ba yn ïoh pynpaw noh ïa uta u briew jong ka pop, u khun jong ka jingjot;

1 KORINTH 15:33

To wat shah ban shukor noh ïa phi; “ki jingïasyllok basniew ki ïa-pynpyut plak keiñ ïa ki akor babha”.

LOUKAS 21:8

U la ïathuh te, “To sumar ba yn ym shukor ïa phi; naba bun kin wan ha ka kyrteng jong nga ki da ong, ‘Ma nga U Khrist’, bad ‘kata ka aïom ka la jan’: wat leit bud nadien jong ki.

MARKOS 13:4

“To ïathuh ha ngi, lano kine kiei kiei ruh kin long? bad ka dak kaba kumno ha ban sa pyndep ïa kine kiei kiei baroh?”

MARKOS 13:6

naba bun kin wan ha ka kyrteng jong nga, ki da ong, ‘Ma nga U Khrist’, bad kin shukor ïa shibun.