MARKOS 10:1 - KA BAIBL

¹ Haba u la mih nangta, u la wan ha ki phang Judia, sha shiliang ka Jordan: bad ki paidbah ki la ïalum lang pat ha u; te kumba u la ju leh, u la hikai pat ïa ki.

Khasi CL Bible (BSI)

¹ Nangta, U Jisu u la mihnoh na kata ka jaka, u la leit sha ka probins jong ka Judia, bad u la jam sha shiliang ka wah Jordan. Ki paidbah ki la ïalum biang ha u, bad u la hikai ïa ki, kumba u ju leh.

MARKOS 10:1 Mawu Ofanana

EKLESIASTIS 12:9

Bad nalor kane, namar ba u Nongïathuhkhana u la long u bastad, u la ïaihikai ïa ka jingstad ha u paidbah; shisha, u la puson, bad u la wad noh, bad u la buh ryntih bun ki proberb.

JEREMAÏAH 32:33

Te ki la phai ingdong sha nga, te ym ka khmat: bad la nga la hikai ïa ki, nga da khie dang step bad nga hikai ïa ki; pynban, kim shym shahshkor ban pdiang la ka jinghikai.

MATHAÏOS 26:55

Ha kata ka por, U Jisu u la ong ha kita ki paidbah, “Kumba ïa u nongtuh phi la mih bad ki waitlam bad ki diengduh ban kem ïa nga? Ha la ka sngi bad phi nga ju shong hikai ha ka templ, te phim shym la kem ïa nga.

MATHAÏOS 4:23

Bad U Jisu u la leit kylleng ka Galilaïa baroh, u da hikai ha ki synagog jong ki, bad u da ïalap ïa ka gospel ka hima, u da pynkhiah de ïa ki jingpang baroh bad ïa ki jingkhrew baroh ruh ha ki briew.

MARKOS 1:21

Ki la rung ruh sha Kapernam: te kumne kumne ruh, ha ka sngi Sabbaton u la rung sha ka synagog, bad u la hikai.

MARKOS 10:2

Te don na ki Pharisi kiba la wan ha u, bad ki la kylli ïa u, “Ka bit ne em ïa u briew ban pyllait noh ïa la ka tnga?” ba ki ïatynjuh ïa u.

MARKOS 12:35

U Jisu u la ïathuh u la ong ruh, haba u dang hikai ha ka templ, “Kumno ba ki nongthoh ki ong ba U Khrist u long u khun u Dabid?

MARKOS 14:49

Nga la ju don ha la ka sngi bad phi ha ka templ, nga da hikai, te phim shym la kem ïa nga. Hynrei, ïa Ki Jingthoh, donkam ba yn pyndep.”

MARKOS 2:13

U la leit noh pat ruh harud ka duriaw: te u paidbah baroh u la wan ha U, bad U la hikai ïa ki.

MARKOS 4:2

Te U la hikai ïa ki, bun kiei kiei ruh ha ki pharshi, bad U la ong ha ki ha ka jinghikai jong U,

MARKOS 6:2

Te haba la poi ka Sabbaton, u la sdang ban hikai ha ka synagog: te bun haba ki ïohsngew ki la sngewkyndit, ki da ong, “Nangno une u la ïoh ïa kine kiei kiei ruh?” bad “Kaba kumno kane ka jingstad kaba la ai ha une u briew, bad ki kambah kat kine ba la leh da ki kti jong u?

MARKOS 6:34

Haba U Jisu te u la mih noh, u la ïohi ïa u paidbah babun, bad u la sngewsynei ïa ki, naba ki long kum ki langbrot khlem u nongsharai; te u la sdang ban hikai bun kiei kiei ruh ïa ki.

MARKOS 6:6

U la sngewkyndit te namar ka jingbymngeit jong ki. Bad u la ïaid kylleng sawdong ïa ki nongrit, u da hikai.

ÏOANNIS 10:40

U la leit noh pat sha shiliang ka Jordan, sha kata ka jaka ha kaba u Ïoannis mynnyngkong u la ju pynbaptis; te hangta u la sah.

ÏOANNIS 11:7

Hadien kata te, U ong ha ki synran, “Ïa ngin ïaleit pat sha Judia.”

ÏOANNIS 18:20

U Jisu u la ïathuh ha u, “Nga, nga la kren ha kaba paw shynna ha ka pyrthei; nga, nga la hikai ha la ka sngi ha ka synagog bad ha ka templ, ha kaba ki Jiw baroh ki ju ïaseng; bad ha kaba rieh ngam shym kren ei ei ruh em.