MARKOS 1:7 - KA BAIBL

⁷ U la ïalap ruh, u da ong, “Don uba wan nadien jong nga uba kham khraw bor ïa nga, kam dei ïa nga ban dem ïa ka ban loit wat tang ïa ki jingteh ki juti jong u:

Khasi CL Bible (BSI)

⁷ U la pynbna ha ki briew, “U briew u ban wan hadien jong nga u long uba kham khraw ban ïa nga. Ngam long uba bit nam wat ban dem bad law ïa ki juti jong u.

MARKOS 1:7 Mawu Ofanana

MATHAÏOS 3:11

“Nga shisha nga pynbaptis ïa phi da ka um ïa ka ban kylla-ka-bamut: hynrei, uta uba wan nadien jong nga u long uba kham khraw bor ïa nga, uba kam dei ïa nga ban rah wat tang ïa ki juti jong u: uta keiñ, un pynbaptis ïa phi da U Mynsiem Bakhuid bad da ka ding:

MATHAÏOS 3:14

Hynrei, u Ïoannis u la khang ïa U, u da ong, “Nga donkam ba yn pynbaptis ïa nga da me, te me wan pynban ha nga?”

MARKOS 1:6

Te u Ïoannis u la kup da ka jaiñ shñiuh ut, bad ka jingpanpoh snieh ha ka syngkai jong u, bad u la bam da ki puit bad ka ngap khlaw.

MARKOS 1:8

nga shisha nga la pynbaptis ïa phi da ka um; hynrei, uta un pynbaptis ïa phi da U Mynsiem Bakhuid.”

LOUKAS 3:16

u Ïoannis u la ïathuh ha ki baroh, u da ong, “Nga shisha nga pynbaptis ïa phi da ka um; hynrei, un sa wan uba kham khraw ïa nga, uba kam dei ïa nga ban loit noh wat ïa ka jingteh ki juti jong u; uta keiñ un pynbaptis ïa phi da U Mynsiem Bakhuid bad da ka ding:

ÏOANNIS 1:27

uta uba wan nadien jong nga, uba la jia long shuwa jong nga, uba nga ngam long uba bit ba ngan ïoh loit noh wat ïa ka jingteh ka juti jong u.”

KI KAM 13:25

Te katba u Ïoannis u dang pyndep ïa la ka jingphet, u la ong, ‘Phi tharai ba nga long uei? Ngam long uta; hynrei, ha khmih, don uba wan nadien jong nga, wat ïa ki juti ki kjat jong U ngam long uba bit nam ïa ka ban loit noh.’

KI KAM 19:4

Te u Paul u la ong, “U Ïoannis u la pynbaptis da ka jingbaptis ka jingkylla-ka-bamut, u da ong ha u paidbah ba ki dei ban ngeit ha uta u ban sa wan hadien jong u, kata, ha U Jisu.”

1 SAMUEL 25:41

Te ka la ïeng, bad ka la dem ngon haduh khyndew, bad ka la ong, “Ha khmih, ka shakri jong me kan long ka shakri ïa ka ban sait ïa ki sla'jat ki shakri u kynrad jong nga.”