MARKOS 1:5 - KA BAIBL

⁵ Hangta te kiba na ka ri Judia, bad ki Jerusalem baroh ki la leit ha u, bad la pynbaptis ïa ki da u ha ka wah Jordan, ki da ïaphla noh ïa ki pop jong ki.

Khasi CL Bible (BSI)

⁵ Bun ki briew na ka probins jong ka Judia bad ka nongbah Jerusalem ki la leit ban ïohsngew ïa u Ïoannis. Ki la phla ïa la ki pop, bad u la pynbaptis ïa ki ha ka wah Jordan.

MARKOS 1:5 Mawu Ofanana

SALM 32:5

Nga la phla ïa la ka pop ha me, bad ïa la ka jingbymhok ngam shym buhrieh: nga la ong, “Ngan phla ïa la ki jingpalat ha U Trai;” te me la map ïa ka jingbymhok ka pop jong nga. Selah.

PROBERB 28:13

Uta uba tap ïa la ki jingpalat un ym man bha: hynrei, jar uba phla bad ba iehnoh noh ïa ki un ïoh ka jingisynei.

MATHAÏOS 4:25

Ki la ïabud ruh ïa u ki paidbah byllien kiba na Galilaïa bad na Dekapolis bad na Jerusalem bad na Judia bad na sha shiliang ka Jordan ruh de.

MARKOS 1:4

U Ïoannis u la pynbaptis ha ka ri khlaw, bad u la ïalap ïa ka jingbaptis ka jingkylla-ka-bamut ïa ka ban map ki pop.

MARKOS 1:6

Te u Ïoannis u la kup da ka jaiñ shñiuh ut, bad ka jingpanpoh snieh ha ka syngkai jong u, bad u la bam da ki puit bad ka ngap khlaw.

ÏOANNIS 1:28

Ïa kine kiei kiei ruh la leh ha Bethania sha shiliang ka Jordan, ha kaba u Ïoannis u pynbaptis.

ÏOANNIS 3:23

Te u Ïoannis ruh u dang pynbaptis ha Ainon, hajan ka Salim, naba la don hangta bun ki um: te ki la ïawan, bad la pynbaptis ïa ki;

ÏOANNIS 5:35

Uta u la long ka sharak ba la thang bad batyngshaiñ; phi te phi la ïasngewbha ban ïashadkmen tang shibit ar bit ha ka jingshai jong u.

KI KAM 19:18

Shibun te na kita kiba la lah ngeit ki la ïawan, ki da ïaphla bad ki da ïathuh ïa la ki jingleh.

KI KAM 2:38

Te u Petros u la ïathuh ha ki, “To phin kylla-ka-bamut, bad yn pynbaptis ïa phi uwei pa uwei ha ka kyrteng U Jisu Khrist, ïa ka ban ïohmap ki pop; bad phin ïoh diang ïa ka jingai U Mynsiem Bakhuid.

JAKOB 5:16

To ïaphla noh paralok hi ïa la ki jingpalat, bad to ïaduwai na ka bynta paralok hi, ba yn dup pynkhiah ïa phi; ka jingkyrpad minot u bahok ka lah shibun.

JOSHUA 7:19

Te u Joshua u la ong ha u Akhan, “Ko khun, to ai burom, nga kyrpad ïa me, ha U Trai, U Blei ki Israel, bad to phla ha u; bad ïathuh ha nga mynta ïa kaei me la leh; wat buhrieh na nga.”