MARKOS 1:1 - KA BAIBL

¹ Kaba sdang ka gospel U Jisu Khrist, U Khun U Blei.

Khasi CL Bible (BSI)

¹ Kane ka dei ka Khubor Babha shaphang U Jisu Khrist, U Khun U Blei.

MARKOS 1:1 Mawu Ofanana

SALM 2:7

“Ngan pynbna ïa ka hukum:” U Trai u la ong ha nga, “Me, me long u khun jong nga; ha kane ka sngi nga la pynkha ïa me.

MATHAÏOS 14:33

Te kita kiba ha kata ka lieng ki la mane dem ïa u, ki ïa-ong, “Shisha me uba U Khun U Blei.”

MATHAÏOS 17:5

Haba u dang kren, ha khmih, u lyoh batyngshaiñ u la kah ïa ki: ha khmih ruh, ka ktien na uta u lyoh ka la ong, “Une u long U Khun jong nga uba ieit, ha uba nga sngewbha: phin sngew ïa u.”

MATHAÏOS 3:17

Ha khmih ruh ka ktien na ki bneng, ka da ong, “Une u long U Khun jong nga uba ieit, ha uba nga sngewbha eh.”

MATHAÏOS 4:3

Te haba uta u nongpynshoi u la wan ha U, u la ong, “Lada me long U Khun U Blei, to hukum ïa kine ki maw ba kin long ki kpu.”

LOUKAS 1:35

Uta u angel te u da ïathuh u la ong ha ka, “U Mynsiem Bakhuid un wan ha pha, bad ka bor U Bahakhlieh Tam Eh kan kah halor jong pha; namar kata ruh, ïa ita i bakhuid ïa iba yn kha, yn khot ‘U Khun U Blei’;

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 1:34

Te nga la ïohi, bad nga la phla ba une U long U Khun U Blei.”

ÏOANNIS 1:49

U Nathanael u la ïathuh bad u ong ha U, “Ko Rabbi; me, me long U Khun U Blei; me, me long U Syiem jong u Israel!”

ÏOANNIS 20:31

hynrei, la thoh ïa kine kiei kiei ruh, ba phin ïoh ngeit ba U Jisu u long uta U Khrist, U Khun U Blei; bad ba haba da ngeit, phin ïoh ka jingim ha ka kyrteng jong u.

ÏOANNIS 3:16

“Naba U Blei u la ieit katta katta ïa ka pyrthei katba u la aiti noh ïa la U Khun ba la kha marwei, ba uei uei ruh uba ngeit ha u, un ym jot shuh, hynrei, un ïoh ka jingim bymjukut.

ÏOANNIS 6:69

bad ngi la ngeit, bad ngi tip skhem, ba me, me long uta U Khrist U Khun jong U Blei U Ba-im.”

KI KAM 1:22

ba la sdang naduh ka jingbaptis u Ïoannis, haduh kata ka sngi ha kaba la shim noh ïa u sha jrong na ngi, uwei na kita ka dei ban thung kum u nongphla lem bad ngi shaphang ka jingmihpat jong U.”

KI KAM 13:24

mynba u Ïoannis u la ïalap nyngkong ha shuwa kata ka jingwan jong U, ïa ka jingbaptis ka jingkylla-ka-bamut ha u paidbah Israel baroh.

Ka Shithi U Paul Sha Ki Nong Rom 8:3

Namar ïa kata kaba ka hukum kam shym lah ban leh, naba ka la tlot na kata ka doh, U Blei, da kaba u la phah ïa U Khun jong u hi ha ka dur ka doh pop, bad ban long ka jingkñia namar ka pop, u la pynrem ïa ka pop ha kata ka doh;

Ka Shithi U Paul Sha Ki Nong Rom 8:32

Uta u bym shym la bynnud wat ïa la U Khun jong u hi, hynrei, u la aiti noh ïa u na ka bynta jong ngi baroh, kumno te un ym ai ei lem bad u ruh ïa kiei kiei baroh ha ngi?