LOUKAS 2:9 - KA BAIBL

⁹ Ha khmih ruh, u angel U Trai u la wan shisyndon ha ki, bad ka burom U Trai ka la tyngshaiñ baroh sawdong ïa ki: te ki la sheptieng shikatdei eh.

Khasi CL Bible (BSI)

⁹ U angel jong U Trai u la mihpaw ha ki, bad ka burom jong U Trai ka la tyngshaiñ halor jong ki. Ki la sngewsheptieng shikatdei eh,

LOUKAS 2:9 Mawu Ofanana

1 SYIEM 8:11

katba ki lyngdoh kim lah ïeng shuh ban trei, namar uta u lyoh: naba ka burom U Trai ka la pyndap ïa kata ka ïing U Trai.

EKSODOS 16:10

Ka la jia te, mynba u Aaron u dang kren ha uta u paidbah ki khun Israel, ba ki la ïakhmih shaphang kata ka ri khlaw, ha khmih ruh, ka burom U Trai ka la mihpaw ha uta u lyoh.

EKSODOS 16:7

Bad ha kaba mynstep, phin ïohi ïa ka burom U Trai; naba u la ïohsngew ïa ka jingkhñium jong phi ïa U Trai: ma ngi te ngi long aïu, ba phin da khñium ïa ngi?”

ISAÏAH 35:2

Kan phuh kyrhai, bad kan shadkmen da ka jingkmen bad ka jingrwai keiñ; ïa ka burom u Lebanon yn ai ha ka, ïa ka jingbha tam u Karmel bad ka Sharon: kin ïohi ïa ka burom U Trai, ka jingbha tam U Blei jong ngi.

ISAÏAH 40:5

bad ïa ka burom U Trai yn sa pynpaw, bad ka doh baroh kan ïohi lang ïa ka: naba ka shyntur U Trai ka la kren ïa ka.”

ISAÏAH 60:1

To ïeng, to tyngshaiñ; namar ka jingshai jong pha ka la wan, bad ka burom U Trai ka la mih ha pha.

ESEKIEL 3:23

Ynda kumta, nga la ïeng, bad nga la leit noh sha kata ka them: te ha khmih, ka burom U Trai ka la ïeng hangta, kaba kum kata ka burom kaba nga la ïohi harud ka wah Khebar: bad nga la hap dem la ka khmat.

MATHAÏOS 1:20

Hynrei, haba u dang puson ïa kine kiei kiei ruh, ha khmih, u angel U Trai u la paw ha u ha ka jingphohsniew, u da ong, “Ko Joseph, u khun u Dabid, wat sheptieng ban shim ha me ïa ka Mari ka tnga jong me: naba ita iba la pun ha ka, i long na U Mynsiem Bakhuid:

LOUKAS 1:28

Uta u angel te haba u la leit hapoh sha ka, u la ong, “Khublei, pha kaba la ïoh ka jingaiei bakhraw! U Trai u don lem bad pha; la kyrkhu ïa pha hapdeng ki kynthei.”

LOUKAS 2:8

La don te ha kata ka ri, ki nongaplangbrot kiba sah sha lum, bad kiba ïa-ap miet ïa ka kynhun langbrot jong ki.

LOUKAS 24:4

Ka la jia te, haba ki dang ïakhuslai shaphang kane, ha khmih ruh, ar ngut ki rangbah ki la ïeng hajan jong ki ha ki jaiñkup baphyrnai lieh eh.

ÏOANNIS 12:41

Ïa kine kiei kiei ruh, u Isaïah u la ong, mynba u la ïohi ïa ka burom jong U, bad ba u la kren shaphang jong U.

KI KAM 12:7

Te ha khmih, u angel U Trai u la ïeng hajan jong u, bad ka jingshai ka la tyngshaiñ ha kata ka kamra; te u la kyntuit na ka krung jong u Petros, bad u la kyrsiew ïa u, u da ong, “To ïeng kloi kloi!” Te ki kynjri jong u ki la hap noh na ki kti jong u.

KI KAM 27:23

Namar la ïeng hajan jong nga ha kane ka miet u angel U Blei, u jong uba nga long, bad ïa uba nga shakri ruh,

KI KAM 5:19

Hynrei, mynmiet, u angel U Trai u la plie wang ïa ki jingkhang kata ka ïing byndi, bad haba u la ïalam noh ïa ki shabar, u la ong,

2 KORINTH 3:18

Hynrei, ma ngi baroh da ka khmat khlem da kah noh, da kaba ngi khmih shai kumba ha ka ïit ïa ka burom U Trai, la nang pynkylla nang pynkylla dur ïa ngi sha kata kajuh hi ka dur na ka burom sha ka burom, kumba na U Trai uba U Mynsiem.

2 KORINTH 4:6

Naba U Blei uba la hukum ïa ka jingshai ban shai noh na kaba dum, u la pynshai ha ki dohnud jong ngi, khnang ïa ka ban pynshai ïa ka jingtip ka burom U Blei ha ka khmat U Jisu Khrist.

1 TIMOTHI 3:16

Bad khlem ka jingïasaid, kaba khraw ka jingmaïan ka jong ka niam Blei: Uta uba la paw ha ka doh, ba la ksan ha U Mynsiem, ba la ïohi da ki angel, ba la ïalap hapdeng ki Jentil, ba la ngeit ha ka pyrthei, ba la pdiang haneng ha ka burom.

HEBRU 12:21

Te kata ka jingipaw ka la long kaba itieng katta katta, katba u Moses u la ong, “Nga sheptieng shikatdei eh bad nga khynñiuh:”

JINGPYNPAW 18:1

Te hadien kine kiei kiei ruh, nga la ïohi ïa uwei pat u angel uba wan hiar na bneng, uba don ka bor bakhraw; ba la pynshai ïa ka khyndew da ka burom jong u.

JINGPYNPAW 20:11

Bad nga la ïohi ïa ka khet balieh bakhraw, bad ïa uta uba shong halor jong ka, na khmat jong u, ba ka khyndew bad ka bneng ki la ïaphet noh; te ïa ka jaka ym shym la shem shuh ïa ki.