LOUKAS 18:9 - KA BAIBL

⁹ Te U la kren ïa kane ka pharshi ruh ha kita kiba la shaniah skhem ha lade ba ki long ki bahok, bad kiba ibeiñ ïa kiwei.

Khasi CL Bible (BSI)

⁹ U Jisu u la ïathuh ruh ïa kane ka pharshi ha ki briew kiba la sngewthikna ïa la ka jingbha jong ki hi bad kiba ñiewbeiñ ïa baroh kiwei pat.

LOUKAS 18:9 Mawu Ofanana

PROBERB 30:12

Don ka pateng bynriew ka bakhuid ha la ka jong ka jingñiew, te pynban ym shym la sait ïa ki na ka jingtngit jong ki.

ISAÏAH 65:5

uba ong, “To ïeng kyrpang, wat wan hajan jong nga, namar nga kham khuid ban ïa me:” kine ki long ka tdem ha ka khmut jong nga, ka ding kaba meh baroh shi sngi.

ISAÏAH 66:5

To sngap ïa ka ktien U Trai, phi kiba khynñiuh ha ka ktien jong u: “Ki para jong phi kiba shun ïa phi, kiba la shop noh shabar ïa phi na ka bynta ka kyrteng jong nga, ki la ong, ‘Ai ba yn pyndonburom ïa U Trai, ba ngin ïohi ïa ka jingkmen jong phi;’ ki, hynrei, kin sngewlehrain.

LEBITIKOS 13:32

bad u lyngdoh un khmih-ïit ïa ka jingpang sniew ha ka bahynñiew sngi: bad ha khmih ruh, lada kata ka jingpang 'ñiangthohlieh kam shym la nang ïar, bad lada ym don u shñiuh bastem ha ka, bad kata ka jingpang 'thohlieh kam i long kham jylliew ïa ka snieh,

LOUKAS 10:29

U te, ba u kwah ban pynksan ïa lade, u la ong ha U Jisu, “Uno te uba long u paramarjan jong nga?”

LOUKAS 15:2

Hynrei, ki Pharisi bad ki nongthoh ki la ïakhñium eh, ki da ong, “Pleng une u briew u pdiang sngewbha ïa ki bapop, bad u bam lem bad ki.”

LOUKAS 16:15

Te u la ong ïa ki, “Phi long kita kiba pynksan ïa lade ha khmat ki briew, hynrei, U Blei u ithuh ïa ki dohnud jong phi, naba kata ïa kaba la ñiewkor ha ki briew, ka long kaba ijli ha khmat U Blei.

LOUKAS 18:11

Uta u Pharisi, haba u la ïeng, u la duwai ha lade kumne: ‘A U Blei, nga nguh ïa me ba ngam long kum kiwei ki briew, kiba shim da ka bor, ki bymhok, ki baklim, lane kum une u nongkhrong ruh.

LOUKAS 19:7

Haba ki la ïohi ïa kata, te, ki la ïakren khñium baroh, ki da ong, “U la leit hapoh ïing ban thiah basa bad u briew u bapop.”

LOUKAS 7:39

Te haba uta u Pharisi uba la khot ïa U, u la ïohi, u la kren ha lade, u da ong, “Lada une u long u nongïathuhlypa, un da la ithuh kaei bad kaba kumno kane ka briew kaba ktah ïa u, ba ka long ka bapop.”

ÏOANNIS 8:48

Ynda kumta, kita ki Jiw ki la ïathuh bad ki la ïa-ong ha u, “Ngi ngim ïa-ong kaba dei ba me long u kynja Samaria, bad me don u ksuid?”

ÏOANNIS 9:28

Ynda kumta, ki la ïakrenbeiñ ïa u, bad ki la ïa-ong, “Me, me long u synran jong uta; hynrei, ngi, ngi long ki synran jong u Moses.

ÏOANNIS 9:34

Ki la ïathuh bad ki la ïa-ong ha u, “La kha ïa me ha ki pop suda, te me hikai ma me ïa ngi!” Bad ki la ïashop noh ïa u shabar.

KI KAM 22:21

U la ong te ha nga, ‘To khie leit noh; naba nga ngan phah noh ïa me jngai nangne sha ki Jentil.’ ”

Ka Shithi U Paul Sha Ki Nong Rom 10:3

Namar haba ki long ki bymtip ïa ka hok U Blei, bad haba ki pyrshang ban pynneh ïa ka hok la ka jong hi, kim shym la pynkohnguh ïa lade ha kata ka hok U Blei.

Ka Shithi U Paul Sha Ki Nong Rom 14:10

Hynrei, me balei me bishar ïa la u parabangeit? lane balei ruh me ñiewbeiñ ma me ïa la u parabangeit? namar ngi baroh ngin ïeng ha khmat ka khet bishar ka jong U Blei.

Ka Shithi U Paul Sha Ki Nong Rom 14:3

Me uba bam, wat ñiewbeiñ noh ïa uta u bym bam; lymne me u bym bam, wat pynrem ïa uta uwei uba bam; namar U Blei u la pdiang ïa u.

Ka Shithi U Paul Sha Ki Nong Rom 7:9

Namar, nga, mynno mynno, nga la long uba im khlem ka hukum; hynrei, ynda kata ka adong ka la wan, kata ka pop ka la khih im shait, nga te nga la ïap noh keiñ.