LOUKAS 14:13 - KA BAIBL

¹³ Hynrei, haba me khreh ïa ka jingkhawai, khot ïa ki baduk, ïa ki bakynriang, ïa ki ba-dkoh, ïa ki bamatlah:

Khasi CL Bible (BSI)

¹³ Haba me khreh ka jingkhawai, khot sngewbha ïa kiba duk, kiba khrew, kiba dkoh, bad kiba matlah;

LOUKAS 14:13 Mawu Ofanana

2 SAMUEL 6:19

Bad u la sam ha kita ki briew baroh, kata ha u paidlang ki Israel baroh, ha ki shynrang bad ha ki kynthei ruh, ha uwei pa uwei baroh, uwei u kpu, bad shi tukra ka doh, bad iwei i kpu da u soh Khajur. Kumta uta u paidbah baroh ki la leit wan noh uwei pa uwei baroh ha la ka jong ka ïing.

2 KHRONIKL 30:24

Naba u Hesekaïah u syiem ka Judah u la lah ai ha ka jingïaseng ban long ki jingainguh, shi hajar ki masi dab bad hynñiew hajar ki langbrot; bad ki rangbah ki la ai ha ka jingïaseng, shi hajar ki masi dab bad shiphew hajar ki langbrot: bad shibun bah ki lyngdoh ki la pynkyntang ïa lade.

NEHEMAÏAH 8:10

Ynda kumta, u la ong ha ki, “Khie leit, to bam ïa kaba khleiñ, bad dih ïa kaba thiang, bad phah ïa ki bynta ha uta ha uba ym shym la khreh ei ei: namar kane ka sngi, ka long ka bakyntang ha U Trai jong ngi: lymne wat sngewsih; namar ka jingkmen U Trai ka long ka bor jong phi.”

NEHEMAÏAH 8:12

Bad u paidbah baroh u la leit noh ban bam, bad ban dih, bad ban phah ki bynta, bad ban leh kmen eh, namar ba ki la lah sngewthuh ïa kita ki ktien kiba la pynbna ha ki.

Ka Kitab U Job 29:13

Ka jingkyrkhu jong uta uba sa ba un ïap ka la wan ha nga: bad nga la pynshadkmen ïa ka dohnud jong ka riewkynthei.

PROBERB 14:31

Uta uba banbeiñ ïa u baduk u pynlehrain ïa la U Nongthaw: hynrei, uba isynei ïa u bakyrduh u pyndonburom ïa U.

PROBERB 22:9

Uba don ka khmat kaba kylluid yn kyrkhu ïa u; naba u ïa-ai na la u kpu ha u baduk.

ISAÏAH 58:10

bad lada men ai ïa u kpu jong me ha ki bathngan, bad pynkdang ïa ka mynsiem bashitom; ynda kumta, ka jingshai jong me kan mih ha ka jingdum, bad ka jingdum jong me kan long kum kaba shiteng sngi:

ISAÏAH 58:7

Hato kam long kaba sam ïa u kpu jong me ha ki bathngan, bad ba men wallam sha la ïing ïa ki baduk ba la kyntait noh? Haba me ïohi ïa u balyngkhuit, ba men pynkup ïa u; bad ba mem buhrieh ïa lade na la ka doh ka snam?

MATHAÏOS 15:30

Ki paidbah babun te ki la wan ha u, ki da don lem bad ki, ki ba-dkoh, ki bamatlah, ki bymnangkren, ki bakynriang, bad shibun kiwei kiwei ruh; bad ki la buh ïa ki hajan ki kjat U Jisu, te u la pynkhiah ïa ki.

MATHAÏOS 22:10

Kumta, kita ki shakri haba ki la leit sha kita ki lynti, ki la ïalum ïa baroh kat kiba ki la shem, ïa ki bymman bad ïa ki babha ruh: te ki la pyndap ïa kata ka jingkhawai shongkurim da kiba ïashong bam.

LOUKAS 11:41

Te hynrei, to ai kum ka jingai isynei na kiei kiei kiba shapoh; te ha khmih, kiei kiei baroh ki long khuid ïa phi.

LOUKAS 14:12

Te U la ong ruh ha uta uba la khot ïa U, “Haba me khreh ïa ka jingkhawai mynsngi ne mynmiet, wat khot ïa ki lok jong me, lymne ïa ki hynmen hynbew jong me lymne ïa ki kur jong me, lymne ïa ki paramarjan bariewspah jong me, ïoh lehse ki ruh kin khot kylliang ïa me, bad kumta kan long noh ka jingsiew kylliang ïa me.

LOUKAS 14:14

kumta men long uba suk; namar kim don ei ei ruh ban siew kylliang ïa me; naba yn siew kylliang ïa me ha ka jingmihpat jong ki bahok.”

LOUKAS 14:21

Te uta u shakri u la wan bad u la ïathuh ha u kynrad jong u ïa kine kiei kiei ruh. Ynda kumta, uta u trai ïing ba u da sngewbitar, u la ong ha la u shakri, ‘Khie leit kumne kumne ruh sha ki lynti bah bad ki lynti rit ka shnong, bad wallam shapoh shane ïa ki baduk, ki bakynriang, ki bamatlah, bad ïa ki ba-dkoh.’

KI KAM 9:39

Te u Petros u la ïeng joit, bad u la leit lem bad ki. Bad ynda u la poi, ki la ïalam ïa u sha kata ka kamra kaba haneng; ki riewkynthei baroh te ki la ïaïeng hajan jong u, ki da ïaïam, bad ki da ïa-pyni ïa ki sopti, bad ïa ki jaiñkup, kiba ka Dorkas ka la thaw, mynba ka dang don bad ki.

DEUTERONOMI 14:29

bad u Lebi ruh, namar ba um don ka bynta, lane ka jingïoh pateng lem bad me, bad u nongwei, bad ki khunswet, bad ka riewkynthei, kiba hapoh ki khyrdop jong me, kin ïawan, kin ïabam ruh bad kin kdang; ba U Trai uba U Blei jong me un kyrkhu ïa me ha ki jingleh ka kti jong me baroh ïa kiba me leh.

DEUTERONOMI 16:11

To men ïalehkmen ruh ha khmat U Trai uba U Blei jong me, ma me, bad u khun jong me, bad ka khun jong me, bad u shakri jong me, bad ka shakri jong me, bad u Lebi ruh uba hapoh ki khyrdop jong me, bad u nongwei, bad ki khunswet, bad ki riewkynthei de, kiba hapdeng jong phi, ha kata ka jaka ïa kaba U Trai uba U Blei jong me u la jied ban buh ïa la ka kyrteng ha ka.

DEUTERONOMI 16:14

To men ïalehkmen ha la Ka Jingkhawai Niam, ma me, bad u khun jong me, bad ka khun jong me, bad u shakri jong me, bad ka shakri jong me, bad u Lebi, bad u nongwei, bad ki khunswet, bad ki riewkynthei ruh, kiba hapoh ki khyrdop jong me.

1 TIMOTHI 3:2

Namar kata, ka dei ïa u nongsharai ban long uba khlem shah kynnoh pop, u tnga jong kawei ka tnga, uba leh adkar, uba shida jingmut, uba ïaid beit, uba khot ieit basa, uba nang hikai;

1 TIMOTHI 5:10

ïa kaba la phla babha shaphang ki jingleh babha; lada ka la ri khun, lada ka la khot basa ïa ki nongwei, lada ka la sait ïa ki kjat ki riewkhuid, lada ka la ïarap ïa kiba shipa, lada ka la ïaibeh biang ïa ka jingleh babha baroh.

TITOS 1:8

hynrei, uba khot ieit basa, uba ieit ïa ka babha, uba khan adkar, u bahok, u bakhuid, uba don bor halor lade;

PHILEMON 1:7

Namar nga la don ka jingkmen bad ka jingpyntngen shibun ha ka jingieit jong me, naba la pynpyngngad ïa ka dohnud kita ki riewkhuid da me, ko para.

HEBRU 13:2

Wat klet ban pyni ka jingieit ïa ki nongwei: namar da kata la don kiba la pdiang sngewbha ïa ki angel khlem tip.