LOUKAS 1:51 - KA BAIBL

⁵¹ U pyni ïa ka borbah da ka ksangkti jong U; U pynsakma ïa kiba sarong ha ka jingmut ka dohnud jong ki:

Khasi CL Bible (BSI)

⁵¹ U la kner ïa ka ksang'ti badonbor jong u bad u la pynsakma ïa kiba sarong lem bad ki jingthmu jong ki.

LOUKAS 1:51 Mawu Ofanana

JENESIS 11:8

Kumta, U Trai u la pynsakma ïa ki kylleng nangta ha khmat ka pyrthei baroh; te ki la ïapep noh na ka ban ïatei ïa kata ka nongbah.

JENESIS 6:5

Te U Trai u la ïohi ba ka jingleh bymman jong u briew ka la khraw eh ha ka pyrthei, bad ba ka jingthmu baroh ki jingpyrkhat ka dohnud jong u ki la long bymman ha la ka sngi.

JENESIS 8:21

Te U Trai u la iw ïa ka jingiw baiwbih; bad U Trai u la ong ha la ka dohnud, “Ngan ym tim shuh ïa ka khyndew pat na ka bynta u briew; la ka jingpyrkhat ka dohnud u briew ka basniew naduh myndanglong samla jong u; bad ngan ym shoh ïap pat shuh ïa ki kynja ba-im baroh, kumba nga la leh.

SALM 118:15

Ka jingsawa ka jingshadkmen bad ka jingpynim ka don ha ka ïingjaiñ jong ki bahok: “Ka kti kamon U Trai ka trei don bor.

SALM 33:10

U Trai u pynduh ïa ki jingpyrkhat ki jaid bynriew: u pynlehnohei ïa ki jingmut jong ki kynja bynriew.

SALM 52:9

Ngan ainguh ha la ka rta, namar ba me la leh ïa kane: bad ngan ap ïa ka kyrteng jong me, namar ka long ka babha, ha khmat ki riewkhuid jong me.

SALM 63:5

Ïa ka mynsiem jong nga yn pynkdang kum da ka khleiñ shyieng bad ka khleiñ; bad ka shyntur jong nga kan ïaroh ïa me da ki rmiang shyntur kiba kmen;

SALM 89:10

Me la pynkheiñ lyngkhot lyngkhai ïa u Rahab, kum ïa uba la pynïap; me la pynsaphred ïa la ki nongshun da ka ksang'ti ka bor jong me.

SALM 89:13

Me don ka ksang'ti badonbor: kaba khlaiñ ka kti jong me, bad kaba jrong ka kti kamon jong me.

SALM 98:1

To rwai ha U Trai ïa ka jingrwai bathymmai; naba u la leh ïa kiei kiei ki baphylla: ka kti kamon jong u, bad ka ksang'ti bakhuid jong u, ka la pynlong ka jingpynim ïa u.

EKSODOS 18:11

Mynta nga tip keiñ, ba U Trai u long uba kham khraw ïa ki blei baroh: wat ha kata hi keiñ, ha kaba ki la ïaleh sarong eh halor jong ki.”

ISAÏAH 40:10

Ha khmih, U Trai U Blei un wan kum u badonbor, bad ka ksang'ti jong u kan synshar na ka bynta jong u: ha khmih, ka bainong jong u ka don bad u, bad ka nong jong u ha khmat jong u.

ISAÏAH 51:9

To khie, to khie, to kup ïa ka bor, ko ksang'ti U Trai: to khie, kumba ha ki sngi mynhyndai, ha ki pateng bynriew mynbarim. Ym long ma pha ba la pom noh ïa u Rahab, bad ba la dung ngak ïa u ïakjakor?

ISAÏAH 52:10

U Trai u la loit lyngkhuit ïa la ka ksang'ti bakhuid ha khmat ki jaid bynriew baroh; te ki bakut ka khyndew baroh kin ïohi ïa ka jingpynim U Blei jong nga.

ISAÏAH 63:12

Hangno uta uba la pynïaid ïa ka ksang'ti kaba donburom jong u ha ka kti kamon jong u Moses? uba la pynkhlad ar liang ïa ki um ha khmat jong ki, ban pynlong ïa lade ka nam ba ha la ka rta?

JEREMAÏAH 49:15

Naba ha khmih, nga la pynlong ka barit ïa pha hapdeng ki jaid bynriew, bad ïa kaba la ibeiñ hapdeng ki briew.

DANIEL 4:37

Mynta, nga, u Nebukhadnessar, nga ïaroh bad kyntiew nam bad pyndonburom ïa uta u syiem jong ka bneng; namar ki kam jong u baroh, ki long ka jingshisha, bad ki lynti jong u, ka jingbishar: bad ïa kiba ïaid ha ka jingsarong, u lah ban pynpoh.”

Ka Shithi U Paul Sha Ki Nong Rom 1:21

Namar haba ki la tip ïa U Blei, kim shym la pyndonburom ïa u kum U Blei, lymne kim shym la ainguh: hynrei, ki la man thala noh ha ki jingpyrkhat jong ki, kumta la pynsynñia tiaw ïa ka dohnud bieit jong ki.

2 KORINTH 10:5

da kaba pynkyllon noh keiñ ïa ki jingmut thala, bad ïa ka jingleh khraw baroh kaba kyntiew ïa lade ïa ka ban ïaleh ïa kata ka jingtip shaphang U Blei, bad da kaba pyndem ïa ka jingpyrkhat baroh ha ka jingkohnguh ïa U Khrist,

DEUTERONOMI 4:34

Lane U Blei u la pyni da kaba leit shim ha lade ïa ka jaid bynriew napdeng kawei pat ka jaid bynriew, da ki jingtynjuh, da ki dak khyllah, bad da ki jingphylla, bad da ka thma, bad da ka kti badonbor ruh, bad da ka ksang'ti ba la kner, bad da ki jingsheptieng bakhraw ruh, kat kumba baroh ïa kaba U Trai uba U Blei jong phi u la leh na ka bynta jong phi ha ka ri Ijipt ha khmat jong phi?

1 PETROS 5:5

Kumjuh, phi ki samla, to kohnguh ha kiba kham tymmen. Hynrei, baroh to phin ïakup ïa ka jingsngewrit ïa ka ban shakri paralok hi: naba “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”

JINGPYNPAW 18:8

Namar kane, kita ki jingïapthem jong ka kin ïawan ha kawei ka sngi, ka jingïap, bad ka jingsngewsih, bad ka 'nemsniew: bad yn thang duh ïa ka da ka ding; naba u bakhrawbor long U Trai uba U Blei uba bishar ïa ka.”