LOUKAS 1:50 - KA BAIBL

⁵⁰ bad ka jingisynei jong U pateng la pateng bynriew ha kita kiba sheptieng ïa U;

Khasi CL Bible (BSI)

⁵⁰ na kawei ka pateng bynriew sha kawei pat u pyn-i ka jingisynei ha kito kiba pyndonburom ïa u.

LOUKAS 1:50 Mawu Ofanana

JENESIS 17:7

Bad ngan pynskhem ïa la ka jutang hapdeng jong nga bad me bad u symbai jong me hadien jong me ruh, ha ki pateng la pateng bynriew jong ki, ban long ka jutang ka baïaineh junom, ban long U Blei ïa me, bad ïa u symbai jong me hadien jong me.

2 SYIEM 17:39

hynrei, ïa U Trai uba U Blei jong phi keiñ, phin sheptieng; te un pyllait ïa phi na ka kti ki nongshun jong phi baroh.”

SALM 103:11

Naba katba ka bneng ka jrong ha khlieh ïa ka khyndew, kaba khraw katta keiñ ka jingisynei jong u ka long ïa kita kiba sheptieng ïa u.

SALM 115:13

Un kyrkhu ïa kiba sheptieng ïa U Trai, kiba rit ruh bad kiba khraw de.

SALM 118:4

Kita kiba sheptieng ïa U Trai to kin ong mynta, ba ka jingisynei jong u ka neh junom.

SALM 145:19

Un pyndap ïa ka jingkwah jong kiba sheptieng ïa u; un sngew ïa ka jinglynñiar jong ki ruh, bad un pynim ïa ki.

SALM 147:11

U Trai u sngewbha ha kita kiba sheptieng ïa u, ha kita kiba kyrmen ha ka jingisynei jong u.

SALM 31:19

A katno kaba khraw ka jingbha jong me, kaba me la buh tyngkai ïa kita kiba sheptieng ïa me; kaba me la leh ha kita kiba shaniah ha me, ha khmat ki khun shynrang ki briew!

SALM 85:9

Da shisha ka jingpynim jong u ka long hajan kita kiba sheptieng ïa u; ba kan ïoh sah ka burom ha ka ri jong ngi.

EKSODOS 20:6

bad uba leh isynei ïa ki hajar, kiba ieit ïa nga bad kiba sumar ruh ïa ki hukum jong nga.

LOUKAS 1:49

Namar uta U Badonbor U la leh ki jingphylla ïa nga; bad ka bakhuid ka kyrteng jong U,

JINGPYNPAW 19:5

Bad ka ktien sawa ka la wan mih noh na kata ka khet, ka da ong, “To ïaroh ïa U Blei jong ngi, phi baroh ki shakri jong u, bad phi kiba sheptieng ïa u, ki barit baraiñ ruh bad ki bakhraw batri.”