LEBITIKOS 4:3 - KA BAIBL

³ lada uta u lyngdoh ba la pynsleh un leh pop kat ban pynlong pop ïa u paidbah; te un kñia na ka bynta kata ka pop jong u ba u la leh, da u masi lyngraw bajanai bha, ïa ka ban long ka jingkñia namar ka pop ha U Trai.

Khasi CL Bible (BSI)

³ Lada dei u Rangbah Lyngdoh uba leh pop bad da kumta u wanrah ïa ka jingpynrem ha ki paidbah, un ai ïa u masi lyngraw u bym don kano kano ka jingduna bad un kñia sha U Trai namar ka pop jong u.

LEBITIKOS 4:3 Mawu Ofanana

2 KHRONIKL 29:21

Te ki la wallam hynñiew tylli ki masi dab, bad hynñiew tylli ki langbrot shynrang, bad hynñiew tylli ki khun langbrot, bad hynñiew tylli ki 'lang sohmoh, ïa ka jingainguh pop na ka bynta ka hima bad na ka bynta ka jaka kyntang bad na ka bynta ka Judah. Te u la hukum ïa ki lyngdoh ki khun u Aaron ban ainguh ïa ki halor ka duwan U Trai.

ESRA 8:35

Ki khun ka jingpynwir, kiba la wan noh na ka jingpynwir, ki la ainguh ïa ki jingainguh thang ha U Blei ki Israel, khat-ar tylli, ki masi dab na ka bynta ki Israel baroh; khyndaiphew hynriew, ki langbrot shynrang; hynñiewphew hynñiew, ki khun langbrot; khat-ar, ki 'lang sohmoh ïa ka jingainguh sait pop: kane baroh ka la long ka jingainguh thang ha U Trai.

EKSODOS 29:14

Hynrei, ïa ka doh uta u masi lyngraw, bad ïa ka snieh jong u de, bad ïa ka eit jong u, men thang ha ka ding shabar ka dara: ka long ka jingkñia namar ka pop.

EKSODOS 29:21

Bad men shim na kata ka snam kaba halor kata ka duwan, bad na kata ka umphniang bapynsleh, bad to synreit halor u Aaron, bad halor ki jaiñkup jong u, bad halor ki khun shynrang jong u, bad halor ki jaiñkup ki khun shynrang jong u lem bad u; kumta keiñ, yn pynkyntang khuid ïa u, bad ïa ki jaiñkup jong u, bad ïa ki khun shynrang jong u, bad ïa ki jaiñkup ki khun shynrang jong u lem bad u.

EKSODOS 29:7

Ynda kumta, men shim ïa ka umphniang bapynsleh, bad to theh ïa ka ruh halor ka khlieh jong u, bad pynsleh ïa u.

EKSODOS 30:10

Bad u Aaron un pynlong ïa ka jingkñia bapynïasuk halor ki reng jong ka, shi sien shi snem: da ka snam kata ka jingkñia sait pop bapynïasuk, shi sien shi snem keiñ, un pynlong ïa ka kuna halor jong ka ha ki pateng la pateng bynriew jong phi: ka long ka bakyntang tam ïa U Trai.”

ESEKIEL 40:39

Bad ha ka batsha jong ka khyrdop la don ar tylli ki miej ha kane ka liang, bad ar tylli ki miej ha katai ka liang, ban pynïap halor jong ki, ïa ka jingainguh thang bad ïa ka jingkñia namar ka pop bad ïa ka jingkñia namar ka jingpalat.

ESEKIEL 43:19

Men ai u masi lyngraw ban long ka jingkñia namar ka pop, ha ki lyngdoh kiba ki Lebi kiba na u symbai u Sadok, kiba long hajan ïa nga, ban shakri ha nga,’ ong U Trai U Blei.

ESEKIEL 44:27

Bad ha ka sngi ba u leit ha ka jaka kyntang, ha ka phyllaw kaba shapoh, ban shakri ha ka jaka kyntang, un ainguh ïa ka jingkñia jong u namar ka pop,” ong U Trai U Blei.

LEBITIKOS 1:10

“Te lada ka jingkñia ainguh thang jong u kan long na ki kynhun, na ki langbrot, lane na ki blang; to un ainguh ïa ka da u shynrang uba janai bha;

LEBITIKOS 1:3

“Lada ka jingkñia jong u kan long ka jingkñia ainguh thang da u masi dab, to ai ba un kñia ainguh da u shynrang bajanai: bad to ai ba un wallam ïa u da la ka mon sngewbha hi sha ka jingkhang Ka Tabernakl ka jingïaseng ha khmat U Trai;

LEBITIKOS 16:11

“Bad u Aaron un wallam ïa uta u masi lyngraw ka jingkñia namar ka pop, uba na ka bynta jong u hi, bad un pynlong ka jingpynïasuk na ka bynta ïa lade, bad na ka bynta ka ïing jong u, bad un pynïap ïa uta u masi lyngraw jong ka jingkñia namar ka pop uba na ka bynta jong u hi.

LEBITIKOS 16:3

Kumne un wan bsut u Aaron shapoh ka jaka kyntang: bad u masi lyngraw keiñ na ka bynta ka pop, bad u langbrot kum ka jingkñia ainguh thang.

LEBITIKOS 16:5

Bad un shim na u paidlang ki khun Israel ar tylli ki khun blang shynrang ïa ka ban long ka jingkñia namar ka pop, bad uwei u langbrot ïa ka ban long ka jingkñia ainguh thang.

LEBITIKOS 16:6

“Bad u Aaron un kñia ïa u masi lyngraw jong u namar ka pop, uba na ka bynta ïa lade, bad un pynlong ka jingpynïasuk na ka bynta ïa lade, bad na ka bynta ka ïing jong u.

LEBITIKOS 4:14

haba la tip ïa kata ka pop, ha kaba ki la leh pop, ynda kumta, uta u paidbah un kñia ainguh da u masi lyngraw na ka bynta kata ka pop, bad kin ïawallam ïa u ha khmat Ka Tabernakl ka jingïaseng.

LEBITIKOS 4:23

lada u la ïoh tip ïa la ka jingleh ïa kaba u la leh, un wan ai la ka jingkñia, da u 'lang shynrang uba janai bha;

LEBITIKOS 4:28

lada u la ïoh tip ïa la ka pop ïa kaba u la leh, hadien kata, un wan ai ïa la ka jingkñia da ka blang ka bajanai bha, na ka bynta kata ka pop ïa kaba u la leh.

LEBITIKOS 4:5

Bad uta u lyngdoh ba la pynsleh, un shim na ka snam jong uta u masi lyngraw, bad un wallam ïa ka ha Ka Tabernakl ka jingïaseng;

LEBITIKOS 5:6

bad un wan ai ha U Trai ïa la ka jingkñia namar ka jingpalat na ka bynta la ka pop ba u la leh, da i khun langbrot kynthei lane i khun blang kynthei na ka kynhun, ïa ka ban long ka jingkñia namar ka pop; bad u lyngdoh un pynlong ka jingpynïasuk na ka bynta jong u namar kata ka pop jong u.

LEBITIKOS 6:18

Ki shynrang baroh na ki khun u Aaron kin ïabam ïa kine, kan long ka hukum ba-neh junom ha ki ïing jong phi pateng la pateng, shaphang ki jingkñia da ka ding ïa U Trai: jar uba ktah ïa ki, un long u bakyntang.’ ”

LEBITIKOS 8:12

Te u la theh ïa ka umphniang ka jingpynsleh halor ka khlieh u Aaron, bad u la pynsleh ïa u, ïa ka ban pynkyntang ïa u.

LEBITIKOS 9:2

te u la ong ha u Aaron, “To shim ha me da u khun masi, ïa ka ban long ka jingkñia namar ka pop, bad ïa u langbrot, ïa ka ban long ka jingkñia ainguh thang ka ba-tlem bha baroh ar, bad to wallam ïa ki ha khmat U Trai.

LEBITIKOS 9:3

Te men kren ha ki khun Israel, da ong, ‘To shim da i khun blang ïa ka ban long ka jingkñia namar ka pop; bad ïa u khun masi bad ïa u khun langbrot, kiba shi snem baroh ar bad ki ba-tlem bha, ïa ka ban long ka jingkñia ainguh thang;

JINGKHEIÑ 16:22

Te ki la hap dem la ki khmat, bad ki la ong, “A Blei, uba U Blei jong ki mynsiem ki doh baroh, tang uwei u briew uba la leh pop, te men bitar lep ïa u paidlang baroh?”

JINGKHEIÑ 8:8

Ynda kumta, kin shim ïa u masi lyngraw, lem bad ka jingainguh bam jong u, kaba na u 'purew bani ba la khleh da ka umphniang, bad men shim ïa uwei pat u masi lyngraw ïa ka ban long ka jingkñia sait pop.

Ka Shithi U Paul Sha Ki Nong Rom 8:3

Namar ïa kata kaba ka hukum kam shym lah ban leh, naba ka la tlot na kata ka doh, U Blei, da kaba u la phah ïa U Khun jong u hi ha ka dur ka doh pop, bad ban long ka jingkñia namar ka pop, u la pynrem ïa ka pop ha kata ka doh;

2 KORINTH 5:21

Namar ïa uta u bym shym la tip ïa ka pop, u la pynlong ka pop na ka bynta jong ngi, khnang ba yn pynlong ïa ngi ka hok U Blei ha u.

HEBRU 5:3

Te namar kane, ka la dei ïa u, kumba na ka bynta u paidlang, kumta ruh na ka bynta ïa lade, ban ainguh namar ki pop.

HEBRU 9:12

lymne da ka snam ki blang bad ki khun masi, hynrei, da ka snam jong u hi, u leit rung tang shi sien sha kata ka Jaka kyntang, haba u la ïoh ïa ka jingsiewspah bymjukut.