LEBITIKOS 3:3 - KA BAIBL

³ Bad ïa ka jingkñia bapynïasuk, to ai ba un kñia ainguh ïa ka jingkñia da ka ding ha U Trai; ïa ka 'leiñ ïarong, bad ïa ka khleiñ baroh kaba halor ki snier,

Khasi CL Bible (BSI)

³ Ki lyngdoh na ka ïing u Aaron kin synreit ïa ka snam sawdong ka duwan, bad kin ai ïa kine ki dkhot met jong uta u mrad kum ka jingainguh bam sha U Trai:

LEBITIKOS 3:3 Mawu Ofanana

SALM 119:70

Ka dohnud jong ki ka sngaid kum ka khleiñ; hynrei, nga, nga sngewbha ha ka aiñ jong me.

EKSODOS 29:13

Bad men shim ïa ka khleiñ baroh de kaba tap ïa ki snier, bad ïa ka sbiar kaba haneng u dohnud, bad ïa ki khyllai baroh ar, bad ïa ka khleiñ kaba halor jong ki, bad to thang ïa ki halor kata ka duwan.

EKSODOS 29:22

“Bad na uta u langbrot ruh men shim ïa ka khleiñ, bad ïa ka dongnai, bad ïa ka khleiñ kaba tap ïa ki snier ruh, bad ïa ka sbiar kaba haneng u dohnud, bad ïa ki khyllai baroh ar, bad ïa ka khleiñ ruh kaba halor jong ki, bad ïa ka kti kamon de; namar u long u langbrot ka jingpynkyntang keiñ,

PROBERB 23:26

Ko khun, to ai ha nga ïa ka dohnud jong me, bad to ai ba ki khmat jong me kin sngewbha ha ki lynti jong nga.

ISAÏAH 6:10

Pynkhleiñ ïa ka dohnud une u paidlang, bad to pynkhia ïa ki shkor jong ki, bad to pynkhapbrip ïa ki khmat jong ki; ïoh kin ïohi da la ki khmat, bad ïohsngew da la ki shkor, bad sngewthuh da la ka dohnud, bad kin phai pat, bad yn pynkhiah ïa ki.”

ESEKIEL 36:26

Ngan ai ruh ka dohnud thymmai ha phi, bad ka mynsiem thymmai de ngan buh hapoh jong phi: bad ngan khlaw ïa ka dohnud maw na ka doh jong phi, bad ngan ai ka dohnud doh ha phi.

ESEKIEL 44:15

“Hynrei, ki lyngdoh kiba ki Lebi, ki khun u Sadok, kiba la sumar ïa ka kam ka jaka kyntang jong nga mynba ki khun Israel ki la leit sakma na nga, kin wan hajan ïa nga ban shakri ïa nga; bad kin ïeng ha khmat jong nga ban ainguh ha nga ïa ka khleiñ bad ka snam,” ong U Trai U Blei:

LEBITIKOS 1:12

Bad un ot ïa u ha la ki dkhot ki dkhot, ïa ka khlieh ruh bad ka khleiñ jong u: bad u lyngdoh un buh ryntih ïa ki halor ki dieng kiba halor ka ding kaba halor ka duwan;

LEBITIKOS 1:8

bad kita ki lyngdoh, ki khun shynrang u Aaron, kin buh ryntih ïa ki dkhot, ïa ka khlieh, bad ïa ka khleiñ, halor kita ki dieng kiba halor ka ding kaba halor ka duwan;

LEBITIKOS 16:25

Ïa ka khleiñ jong ka jingkñia namar ka pop ruh un thang halor ka duwan.

LEBITIKOS 3:16

Bad u lyngdoh un thang noh ïa ki halor ka duwan: ka long ka jingbam ïa ka jingkñia ainguh kaba da ka ding, ka jingiw baiwbih keiñ. Ka khleiñ baroh ka long ka jong U Trai.

LEBITIKOS 3:2

Bad un buh ïa la ka kti halor ka khlieh kata ka jingkñia ainguh jong u, bad un pynïap ïa ka hajan ka jingkhang Ka Tabernakl ka jingïaseng: te ki lyngdoh kiba ki khun shynrang u Aaron kin ïasynreit ïa ka snam ha ka duwan baroh sawdong.

LEBITIKOS 3:4

bad ïa ki khyllai baroh ar, bad ïa ka khleiñ kaba don halor jong ki, haduh ki krung, bad ïa ka kyrdan snam kaba halor u dohnud, lem bad ki khyllai, un shim noh.

LEBITIKOS 4:10

kumjuh kumba u la shim noh na uta u masi lyngraw ka jingkñia bapynïasuk: bad un thang noh u lyngdoh ïa ki halor ka duwan ka jingkñia ainguh thang.

LEBITIKOS 7:30

Ki kti jong u hi kin ïawallam ïa ki jingkñia ainguh ki jong U Trai ba la thaw da ka ding; ïa ka khleiñ lem bad ka shadem un wallam, ïa ka shadem ïa ka ban kaweh ïa ka, kum ka jingainguh kaweh ha khmat U Trai.

LEBITIKOS 7:5

te uta u lyngdoh un thang ïa ki halor ka duwan ïa ka ban long ka jingkñia ainguh thang ha U Trai: Ka long ka jingkñia namar ka jingpalat.

LEBITIKOS 9:10

hynrei, u la thang halor kata ka duwan ïa ka khleiñ, bad ïa ki khyllai, bad ïa ka sbiar kaba halor u dohnud kiba na ka jingkñia namar ka pop; kumba u la lah hukum U Trai ïa u Moses.

MATHAÏOS 13:16

“Hynrei, suk ki khmat jong phi, ba ki ïohi, bad ki shkor jong phi ba ki ïohsngew!

MATHAÏOS 15:8

“ ‘Kine ki briew ki wan hajan jong nga da ka shyntur jong ki, bad ki burom ïa nga da ki rmiang shyntur jong ki, hynrei, ka dohnud jong ki ka jngai noh na nga:

Ka Shithi U Paul Sha Ki Nong Rom 5:5

bad kata ka jingkyrmen kam ju pynrain buhkhoh keiñ; naba ïa ka jingieit U Blei la theh ïar noh buk buk ha ki dohnud jong ngi da U Mynsiem Bakhuid, ïa uba la ai noh ha ngi.

Ka Shithi U Paul Sha Ki Nong Rom 6:6

ba ngi da tip ïa kane, ba la sahnarphna lem bad u, ïa u briew batymmen jong ngi, ba yn da ïoh pynjot noh ïa ka met ka jong ka pop, khnang ba ngin ym long mraw shuh ha kata ka pop.

DEUTERONOMI 30:6

Bad U Trai uba U Blei jong me un otsher ïa ka dohnud jong me, bad ïa ka dohnud u symbai jong me, ïa ka ban ieit ïa U Trai uba U Blei jong me da la ka dohnud baroh, bad da la ka mynsiem baroh, khnang ba men ïoh im.

1 SAMUEL 2:15

Bad haba ym pat thang ïa ka khleiñ ruh, u shakri u lyngdoh u ju wan, u da ong ruh ha u briew uba kñia, “To ai doh ban syang ïa u lyngdoh; naba un ym shim ïa ka doh kaba la shet, hynrei, kaba im.”