LEBITIKOS 2:3 - KA BAIBL

³ Te kaba dang sah na kata ka jingainguh bam kan long ka jong u Aaron bad ka jong ki khun shynrang jong u: ka long kaba la kyntang tam eh na ki jingainguh jong U Trai kaba da ka ding.

Khasi CL Bible (BSI)

³ Kaba sah na kata ka jingainguh bam ka long ka jong ki lyngdoh; ka long kaba khuid bha, namar la shim ïa ka na ka jingbam ba la ainguh sha U Trai.

LEBITIKOS 2:3 Mawu Ofanana

ESRA 2:63

Te u Tirshatha u la ong ha ki, ba kin ym bam na kita kiei kiei ki bakyntang tam ha ban da mih u lyngdoh uba don bad ki Urim bad ki Thummim.

EKSODOS 29:37

Hynñiew sngi men pynlong ïa ka kuna na ka bynta kata ka duwan, bad men pynkyntang ïa ka: te kan long ka duwan ba la kyntang tam eh: kaei kaei baroh ba pyndei ïa kata ka duwan kan long bakyntang.

ESEKIEL 44:29

Kin bam ïa ka jingainguh bam, bad ïa ka jingkñia namar ka pop, bad ïa ka jingkñia namar ka jingpalat, bad kata baroh ïa kaba la pynkyntang ha Israel kan long ka jong ki.

ESEKIEL 46:20

Te u la ong ha nga, “Kane ka long ka jaka ha kaba ki lyngdoh kin shet ïa ka jingkñia namar ka jingpalat bad ïa ka jingkñia namar ka pop, ha kaba kin syang ïa ka jingainguh bam, khnang ba kin ym wallam shabar ïa ki ha ka phyllaw kaba shabar, ïa ka ban pynkyntang ïa u paidbah.”

LEBITIKOS 10:15

Ïa ka kti kyntiew bad ïa ka shadem ba yn kaweh, kin ïawallam lem bad ïa ka jingkñia da ka ding na ka khleiñ, ïa ka ban pynkaweh ïa ka jingainguh kaweh ha khmat U Trai: bad kan long ka bynta jong me, bad ka jong ki khun shynrang jong me ruh de, da ka hukum ba-neh junom; kumba la hukum U Trai.”

LEBITIKOS 14:13

ynda kumta, un pynïap ïa uta u khun langbrot ha ka jaka ba ju pynïap ïa ka jingkñia namar ka pop bad ïa ka jingkñia ainguh thang, ha ka jaka kyntang: naba ka jingkñia namar ka jingpalat ka long ka jong u lyngdoh, kumjuh kumba ka jingkñia namar ka pop: ka long ka bakyntang tam.

LEBITIKOS 2:10

Te kata kaba dang sah na ka jingainguh bam, kan long ïa u Aaron bad ïa ki khun shynrang jong u: ka long kaba la kyntang tam eh jong ki jingainguh ïa U Trai da ka ding.

LEBITIKOS 21:22

Un ïoh bam ïa ka jingbam ka jong U Blei jong u, na kita ki jong ki bakyntang tam, bad na ki jong ki bakyntang.

LEBITIKOS 5:13

Bad uta u lyngdoh un pynlong ka jingpynïasuk na ka bynta jong u, namar kata ka pop jong u ba u la leh ha kawei na kine, ynda kumta, yn map noh ïa u: te kaba sah noh kan long ka jong u lyngdoh, kum ka jingkñia ainguh bam.’ ”

LEBITIKOS 6:26

Uta u lyngdoh uba kñia ïa ka namar ka pop uta hi un bam ïa ka: ha ka jaka kyntang yn bam ïa ka, hapoh ka phyllaw Ka Tabernakl ka jingïaseng.

LEBITIKOS 6:9

“To hukum ïa u Aaron bad ïa ki khun shynrang jong u, da ong, ‘Kane ka long ka niam ka rukom ka jingkñia ainguh thang: ka jingkñia ainguh thang kan long halor ki diengïap halor ka duwan baroh shi miet haduh ban da shai; bad ka ding jong kata ka duwan kan ïai-meh ha ka.

LEBITIKOS 7:7

Kumba long ka jingkñia sait pop, kumta long kata ka jingkñia namar ka jingpalat: don tang kawei ka hukum ïa ki: kan dei ka jong uta u lyngdoh uba pynlong ïa ka jingpynïasuk da kata.

LEBITIKOS 7:9

Bad ïa ka jingkñia ainguh bam baroh ba la shet ha ka lawar, bad baroh ïa kaba la sdieh ha ka karai, bad ha ka pliang, kan long ka jong uta u lyngdoh uba kñia ïa ka.

JINGKHEIÑ 18:9

Kane, kan long ka jong me, na kita kiei kiei ki bakhuid tam kiba la lait na ka ding: ki jingainguh jong ki baroh, ki jingainguh bam jong ki baroh, bad ki jingkñia sait pop jong ki baroh, bad ki jingkñia namar ki jingpalat jong ki baroh, ïa kiba dei ba kin ai ha nga, kin long ki bakyntang tam eh ha me, bad ha ki khun shynrang jong me.

1 SAMUEL 2:28

Nga ngam shym la jied ïa u ruh na ki jaid Israel baroh ban long u lyngdoh jong nga, ban leit kiew ha ka duwan jong nga, ban thang ka jingiwbih, bad ban phong ïa ka ephod ha khmat jong nga? ngam shym la aiti ruh ha ka ïing u kpa jong me ïa ki jingainguh baroh kiba da ka ding ki jong ki khun Israel?