LEBITIKOS 1:3 - KA BAIBL

³ “Lada ka jingkñia jong u kan long ka jingkñia ainguh thang da u masi dab, to ai ba un kñia ainguh da u shynrang bajanai: bad to ai ba un wallam ïa u da la ka mon sngewbha hi sha ka jingkhang Ka Tabernakl ka jingïaseng ha khmat U Trai;

Khasi CL Bible (BSI)

³ Lada u ainguh da uwei na ki masi kum ka jingainguh thang, u dei ban wallam da u shynrang uba khlem don kano kano ka jingduna. U dei ban wan ai ïa u ha ka jingkhang jong ka Ïingjaiñ ka Jingdon Ryngkat U Trai khnang ba U Trai un pdiang ïa u.

LEBITIKOS 1:3 Mawu Ofanana

JENESIS 22:13

Bad u Abraham u la khmied ïa la ki khmat, bad u la khmih shaiñ, bad ha khmih u langbrot na shadien ba la suhsat na ki reng jong u ha ka bniap: te u Abraham u la leit bad u la shim ïa uta u langbrot, bad u la kñia ainguh ïa u kum ka jingkñia ainguh thang ha ka jaka u khun jong u.

JENESIS 22:2

Bad U Blei u la ong, “To shim mynta ïa la u khun, u khun marwei jong me keiñ, u Isaak, ïa uba me ieit eh, to khie leit ruh sha ka ri Moraïah, bad to da kñia ïa u hangta kum ka jingainguh thang halor uwei na kita ki lum ïa uba ngan ïathuh ha me.”

JENESIS 22:8

Bad u Abraham u la ïathuh, “Ko khun, U Blei un pynïoh lypa hi ïa lade ïa u khun langbrot ïa ka jingkñia ainguh thang”: kumta, ki la nang ïaleit baroh ar ngut ryngkat.

JENESIS 8:20

Bad u Noah u la tei ïa ka duwan ha U Trai; bad u la shim na ki mrad bakhuid baroh, bad na ki kynja sim bakhuid baroh, bad u la ainguh da ki jingainguh thang halor kata ka duwan.

2 KHRONIKL 29:32

Te ka jingkheiñ ïa ki jingainguh thang, kiba la wallam u paidlang, ka la long hynñiewphew tylli ki masi dab, shispah tylli ki langbrot shynrang, bad arspah tylli ki khun langbrot: kine baroh ki la long na ka bynta ka jingainguh thang ha U Trai.

2 KHRONIKL 35:12

Bad ki la pynkynriah ïa ki jingainguh thang, ba kin ïoh ai noh ïa ki, katba kum ki bynta ki ïing ki kpa ki khun u paidbah, ban ainguh ha U Trai, kumba la thoh ha Ka Kitab u Moses. Bad kumba ki la leh bad kita ki masi dab.

SALM 110:3

Ki briew jong me ki aiti sngewbha ïa lade ha ka sngi ka bor jong me; ha ki jingitynnad ka jingkhuid, na ka kpoh ka step phyrngab, me don ka umjer la ka jinglong samla.

SALM 40:8

Nga sngewbha ban leh ïa ka mon jong me, A U Blei jong nga; bad ka hukum jong me ka don ha ka dohnud jong nga.”

EKSODOS 12:5

Uta u khun langbrot jong phi un long uba janai, u shynrang uba shi snem: phin sa shim ïa u na ki jong ki langbrot, lane na ki jong ki blang;

EKSODOS 24:5

Te u la phah ïa ki samla na ki khun Israel, kiba la kñia ïa ki jingainguh thang, bad ki la kñia da ki masi lyngraw ïa ka jingkñia bapynïasuk ha U Trai.

EKSODOS 29:18

Men thang ruh ïa uta u langbrot baroh halor kata ka duwan: ka long ka jingainguh thang ïa U Trai: ka long ka jingiw baiwbih, ka jingainguh keiñ kaba da ka ding ha U Trai.

EKSODOS 29:4

To ïalam ruh ïa u Aaron bad ïa ki khun shynrang jong u ha ka jingkhang Ka Tabernakl ka jingïaseng, bad to men sait ïa ki da ka um.

EKSODOS 29:42

Kane kan long ka jingainguh thang ha la ka sngi ha ki pateng la pateng bynriew jong phi baroh hajan ka jingkhang Ka Tabernakl ka jingïaseng ha khmat U Trai: ha kaba ngan ïashem bad phi, ïa ka ban kren hangta ha me.

EKSODOS 32:6

Te la dang step ki la ïakhie, bad ki la kñia ïa ki jingkñia thang, bad ki la ïawallam ïa ki jingkñia bapynïasuk; ynda kumta, kita ki paidlang ki la ïashong ban bam bad ban dih, bad ki la ïaïeng joit ban ïalehkai.

EKSODOS 35:21

Ki la ïawan te, uwei uwei baroh kat uba ka dohnud jong u ka la kyntu eh ïa u, bad uwei uwei baroh kat kiba la ïamon na la ka mynsiem, ki la ïawallam ruh ïa ka jingainguh ïa U Trai, na ka bynta kata ka kam Ka Tabernakl ka jingïaseng, bad na ka bynta ka jingshakri jong ka baroh, bad na ka bynta kita ki jaiñkup bakyntang.

EKSODOS 35:29

Ki khun Israel ki la ïawallam ïa ka jingainguh da la ka mon sngewbha hi ha U Trai; ki shynrang bad ki kynthei baroh, kiba la sngewmon hi, ki la ïawallam na ka bynta kita ki kam baroh, ïa kiba U Trai u la lah hukum ban leh da ka kti u Moses.

EKSODOS 35:5

To phin shim napdeng jong phi ïa ka jingainguh ha U Trai: jar uba la sngewkloi ha la ka dohnud, to ai un wallam ïa ka, ban long ka jingainguh ha U Trai; ïa ka ksiar, bad ïa ka rupa, bad ïa ka tama;

EKSODOS 36:3

bad ki la shim na u Moses ïa kita ki jingainguh baroh, ïa kiba la lah wallam ki khun Israel ïa ka ban trei ïa ka kam ka jaka kyntang, ban thaw ïa ka. Ki la ïa nang wallam shuh ha u ïa ki jingainguh basngewmon bha hi man ka step,

EKSODOS 38:1

Bad u la thaw ïa ka duwan ka jingainguh thang da u dieng Shittim: ka lynter jong ka, san pruh; bad ka pyngkiang jong ka, san pruh; kaba sawdong keiñ; bad ka jingjrong jong ka, lai pruh.

ISAÏAH 1:11

“Ïa ka ban lei kine kiba bun ki jingkñia jong phi ïa nga?” ong U Trai: “nga la ngiah da ka jingainguh thang ki langbrot shynrang, bad ka khleiñ ki jingri basngaid; bad ngam sngewbha ha ka snam ki masi dab, lane ki khun langbrot, lane ki 'lang sohmoh.

ESEKIEL 20:40

“Naba ha u lum bakhuid jong nga, ha u lum ka jingjrong u Israel,” ong U Trai U Blei, “hangta ka ïing Israel baroh, baroh keiñ, kin ïashakri ïa nga ha ka ri: hangta ngan pdiang ïa ki, bad hangta ngan pan ïa ki jingainguh jong phi, bad ïa ki soh nyngkong na ki jingainguh jong phi, lem bad kiei kiei ki bakhuid jong phi.

ESEKIEL 40:39

Bad ha ka batsha jong ka khyrdop la don ar tylli ki miej ha kane ka liang, bad ar tylli ki miej ha katai ka liang, ban pynïap halor jong ki, ïa ka jingainguh thang bad ïa ka jingkñia namar ka pop bad ïa ka jingkñia namar ka jingpalat.

LEBITIKOS 1:10

“Te lada ka jingkñia ainguh thang jong u kan long na ki kynhun, na ki langbrot, lane na ki blang; to un ainguh ïa ka da u shynrang uba janai bha;

LEBITIKOS 14:10

“Ha ka baphra sngi un shim ar tylli ki khun langbrot shynrang ba-tlem bha, bad ïa iwei i khun langbrot kynthei ba shi snem ba-tlem bha, bad lai bynta na kaba shiphew bynta u 'purew bani: ïa ka ban long ka jingainguh bam, ba la khleh da ka umphniang bad shi log ka umphniang ruh de.

LEBITIKOS 16:7

Bad un shim ïa kita ki 'lang sohmoh baroh ar, bad un buh ïa ki ha khmat U Trai hajan ka jingkhang Ka Tabernakl ka jingïaseng.

LEBITIKOS 17:4

khlem da wallam ïa u sha ka jingkhang Ka Tabernakl ka jingïaseng, ïa ka ban kñia ka jingkñia ainguh ha U Trai ha khmat Ka Tabernakl U Trai: yn sa kheiñ ïa kata ka snam halor uta u briew; u la pynmih snam; bad yn ot noh ïa uta u briew napdeng u paidlang jong u:

LEBITIKOS 17:8

“Bad to ong ha ki, Uno uno ruh uba na ka ïing Israel, lane na ki nongwei ba wanhap hapdeng jong phi, ba kñia ïa ka jingkñia ainguh thang, lane ïa ka jingkñia kaba kumno kumno ruh,

LEBITIKOS 17:9

khlem da wallam ïa ka ha ka jingkhang Ka Tabernakl ka jingïaseng, ïa ka ban kñia ainguh ïa ka ha U Trai; yn ot noh ïa uta u briew na u paidlang jong u.

LEBITIKOS 23:12

Te ha kata ka sngi ba yn kaweh ïa kata ka song, phin kñia ainguh da u khun langbrot ba shi snem ba-tlem bha ïa ka ban long ka jingkñia ainguh thang ha U Trai.

LEBITIKOS 23:18

Bad to kñia lem bad uta u kpu, hynñiew tylli ki khun langbrot ba shi snem ki ba-tlem bha, bad uwei u masi lyngraw, bad ar tylli ki langbrot shynrang: kine kin long ka jingkñia ainguh thang ha U Trai, lem bad ka jingainguh bam jong ki, bad ka jingainguh dih jong ki, kata ka long ka jingkñia da ka ding ka jong ka jingiw baiwbih ïa U Trai.

LEBITIKOS 3:1

“Bad lada ka jingkñia ainguh jong u kan long ka jingkñia bapynïasuk; te lada un kñia ainguh na ki masi, to un kñia ainguh ïa ka da ka bajanai bha ha khmat U Trai, la ka long da u shynrang lane da ka kynthei.

LEBITIKOS 4:15

Bad ki tymmen ki san jong uta u paidbah, kin buh ïa la ki kti halor ka khlieh jong uta u masi lyngraw ha khmat U Trai: bad kin pynïap ïa uta u masi lyngraw ha khmat U Trai.

LEBITIKOS 4:23

lada u la ïoh tip ïa la ka jingleh ïa kaba u la leh, un wan ai la ka jingkñia, da u 'lang shynrang uba janai bha;

LEBITIKOS 4:3

lada uta u lyngdoh ba la pynsleh un leh pop kat ban pynlong pop ïa u paidbah; te un kñia na ka bynta kata ka pop jong u ba u la leh, da u masi lyngraw bajanai bha, ïa ka ban long ka jingkñia namar ka pop ha U Trai.

LEBITIKOS 4:32

“ ‘Te lada u wan ai ïa la ka jingkñia namar ka pop da i khun langbrot, ka dei ba un wan ai da i kynthei i bajanai bha.

LEBITIKOS 5:15

“Lada uno uno ruh u leh palat, bad u da leh pop da kaba khlem pyrkhat, shaphang kita kiei kiei ruh ba la pynkyntang ha U Trai; te ka dei ba un wallam ha U Trai namar la ka jingpalat, da u langbrot bajanai bha na ki kynhun, lem bad ka jingkheiñ dor jong me ha ki shekel rupa, kumba ka shong ka shekel ka jaka kyntang, ïa ka ban long ka jingkñia namar ka jingpalat.

LEBITIKOS 5:18

Bad ka dei ïa u ban wallam ha u lyngdoh da u langbrot bajanai bha na ki kynhun, lem bad ka jingkheiñ dor jong me, ban long ka jingkñia namar ka jingpalat: bad uta u lyngdoh un pynlong ka jingpynïasuk na ka bynta jong u, namar kata ka jingleh khlem pyrkhat jong u ha kaba u la leh let, bad um tip; ynda kumta, yn map noh ïa u.

LEBITIKOS 6:2

“Lada uno uno ruh u leh pop, da kaba leh palat pyrshah ïa U Trai, bad u lamler ha la u paramarjan shaphang kaei kaei ba la ai sumar ha u, lane haba ïaleh lem kaei kaei, lane shaphang kaei kaei ruh ba u la knieh da ka bor, lane haba u la shukor ïa la u paramarjan;

LEBITIKOS 6:8

Bad U Trai u la kren ha u Moses, u da ong,

LEBITIKOS 7:16

Hynrei, lada ka jingkñia ka jingainguh jong u ka long ka kular, lane ka jingainguh sngewbha, ka dei ban bam ïa ka ha kata ka sngi ba u ainguh ïa la ka jingkñia: bad ha kaba lashai ruh yn bam ïa kaba sah tam na ka,

LEBITIKOS 8:18

Bad u la wallam ïa u langbrot ka jingkñia ainguh thang: bad u Aaron bad ki khun shynrang jong u, ki la ïabuh ïa la ki kti halor ka khlieh uta u langbrot.

LEBITIKOS 8:21

Hynrei, ïa ki snier bad ki kjat u la sait ha um; bad u Moses u la thang ïa u langbrot baroh phar halor ka duwan: ka long ka jingkñia bathang ïa ka ban long ka jingiw baiwbih: ka jingkñia da ka ding keiñ ha U Trai; kumba u la hukum U Trai ïa u Moses.

LEBITIKOS 9:2

te u la ong ha u Aaron, “To shim ha me da u khun masi, ïa ka ban long ka jingkñia namar ka pop, bad ïa u langbrot, ïa ka ban long ka jingkñia ainguh thang ka ba-tlem bha baroh ar, bad to wallam ïa ki ha khmat U Trai.

SEKHARAÏAH 13:7

“To khie, ko waitlam, pyrshah ïa u nongaplangbrot jong nga, bad pyrshah ïa uta u briew uba long u lok u jong nga,” ong U Trai ki paid. “To pom ïa u nongaplangbrot, te yn pynsakma ïa ki langbrot; te ngan pynphai la ka kti ha kiba rit.

MALAKHI 1:14

“Hynrei, to long ba la tim ïa uta u nongleh phon, uba don u shynrang hapdeng ki langbrot jong u, bad u kular skhem, te u kñia ha U Trai da kaba sang: naba nga long u syiem u bakhraw,” ong U Trai ki paid, “bad ka kyrteng jong nga ka long kaba sngewsheptieng hapdeng ki Jentil.”

JINGKHEIÑ 15:3

bad haba phi ai ka jingainguh da ka ding ha U Trai, ka jingainguh thang, lane ka jingkñia ba pyndep ïa ka jingkular skhem, lane ka jingainguh sngewbha, lane ha ki Jingkhawai Niam bakyntang jong phi, ban pynlong ïa ka jingiw baiwbih ha U Trai, na ki masi dab, lane na ki langbrot:

JINGKHEIÑ 15:8

Haba me khreh ïa u masi lyngraw ruh ban long ka jingainguh thang, lane ka jingkñia ba pyndep ïa ka jingkular skhem, lane ban long ka jingkñia bapynïasuk ha U Trai:

JINGKHEIÑ 19:2

“Kane ka long ka rukom jong ka hukum ïa kaba U Trai u la hukum, u da ong, ‘To kren ha ki khun Israel, ba kin wallam ha me ïa ka masi lud basaw ba-tlem, ha kaba ym don ka jingduna, bad ha kaba ym shym la buh ïa ka jwar mynno mynno ruh:

JINGKHEIÑ 23:19

U Blei um long u briew, ba un lamler; lymne u khun u briew, ba un kylla-ka-bamut: ïa kaba U la ong, un ym leh? Lane ïa kaba U la kren, un ym pyndep noh?

JINGKHEIÑ 23:27

Te u Balak u la ong ha u Balaam, “To ale, nga kyrpad ïa me, ngan ïalam ïa me sha kawei pat ka jaka; lehse un ibit U Blei ba men tim noh nangta ïa ki, na ka bynta jong nga.”

JINGKHEIÑ 23:3

Te u Balaam u la ong ha u Balak, “To ïeng ma me hajan ka jingainguh thang jong me, te nga ngan leit noh nangne; lehse U Trai un wan ïashem bad nga: bad ngan ïathuh ha me ïa kata ka ktien ïa kaba un pyni ha nga.” Bad u la leit kyrpang hi.

JINGKHEIÑ 23:30

Bad u Balak u la leh kumba u la ong u Balaam, bad u la ainguh da uwei u masi dab, bad uwei u langbrot ha kawei kawei ka duwan.

JINGKHEIÑ 28:11

“Ha kaba sdang ki bnai jong phi ruh, phin ainguh ïa ka ban long ka jingainguh thang ha U Trai; da ar tylli ki masi lyngraw, bad uwei u langbrot, bad hynñiew tylli ki bajanai bha ki khun langbrot kiba shi snem;

JINGKHEIÑ 28:19

Hynrei, phin ainguh da ka jingkñia kaba da ka ding, ban long ka jingainguh thang ha U Trai; ai ar tylli ki masi lyngraw, bad ïa uwei u langbrot, bad hynñiew tylli ki khun langbrot kiba shi snem: ïa kine phi dei ban ïoh ki bajanai bha:

JINGKHEIÑ 28:31

Nalor kata ka jingainguh thang kaba khlem da pud, bad ka jingainguh bam jong ka, phin ainguh da kine (ai ba phin ïoh da ki bajanai bha keiñ), lem bad ki jingainguh dih jong ki.”

JINGKHEIÑ 29:13

te phin ainguh da ka jingainguh thang, ka jingkñia kaba da ka ding, ban long ka jingiw baiwbih ha U Trai; khatlai tylli ki masi lyngraw, ar tylli ki 'lang shynrang, khatsaw tylli ki khun langbrot kiba shi snem; ai kin long ki bajanai bha keiñ:

JINGKHEIÑ 29:2

Te phin ainguh da ka jingainguh thang, ban long ka jingiw baiwbih ha U Trai; ïa uwei u masi lyngraw, ïa uwei u langbrot, bad ïa hynñiew tylli ki khun langbrot kiba shi snem ki bajanai bha:

LOUKAS 1:35

Uta u angel te u da ïathuh u la ong ha ka, “U Mynsiem Bakhuid un wan ha pha, bad ka bor U Bahakhlieh Tam Eh kan kah halor jong pha; namar kata ruh, ïa ita i bakhuid ïa iba yn kha, yn khot ‘U Khun U Blei’;

ÏOANNIS 1:36

te haba u la khmih shaiñ ha U Jisu katba U ïaid, u ong, “Ha khmih, U Khun langbrot jong U Blei!”

ÏOANNIS 10:7

Namar kata, U Jisu u la ong pat ha ki, “Shisha, shisha nga ong ha phi, ba nga, nga long u jingkhang jong ki langbrot.

ÏOANNIS 10:9

Nga, nga long uta u jingkhang; lada uno uno ruh un bsut hapoh da nga, un ïohlait im, bad un ïoh leit hapoh, un ïoh mih noh ruh, bad un shem ïa ka jaka phlang babha.

2 KORINTH 8:12

Namar lada don lypa kata ka jingsngew-la-kloi, la pdiang sngewbha ïa ka kat kum kaba u briew u don, ym kat kum kaba um don.

2 KORINTH 9:7

Uwei pa uwei na phi katba u thmu ha la ka dohnud, kumta un ai: ym na kaba sngewsih lane na kaba pynbor, namar U Blei u ieit ïa uba ai da kaba kmen keiñ.

EPHESOS 2:18

Naba da u keiñ, ngi baroh ar ngi don ka jingïoh wan da uwei U Mynsiem sha U Kpa.

EPHESOS 5:27

ba un da ïoh pynïeng ïa ka ha khmat ha lade hi, ka balang kaba donburom, ka bymdon kaba thohbria lane kaba sti lane kaei kaei kaba kum kita, hynrei, ba kan ïoh long ka bakhuid bad kaba khlem jingduna.

DEUTERONOMI 12:27

Bad men ai ïa la ki jingkñia ainguh thang, ïa ka doh bad ïa ka snam, halor ka duwan U Trai uba U Blei jong me: bad ïa kata ka snam jong ki jingkñia jong me yn theh noh halor ka duwan U Trai uba U Blei jong me, ïa ka doh te men ïoh bam.

DEUTERONOMI 15:21

Lada don ha u kano kano ruh ka jingduna sniew, kum ka ba-dkoh, lane bamatlah, kaei kaei ruh ka jingduna basniew, wat kñia ainguh ïa u ha U Trai uba U Blei jong me.

DEUTERONOMI 17:1

“Men ym kñia ainguh ha U Trai uba U Blei jong me da u masi, lane da ka langbrot, ha kiba don ka bathoh, lane kaei kaei ruh ka basniew: namar kata ka long kaba ijli ha khmat U Trai uba U Blei jong me.

HEBRU 7:26

Namar U Rangbah lyngdoh uba kum uta u la bit ïa ngi, u bakhuid, uba lui lui, u bym da bit-tngit, uba la kyrpang na ki bapop, bad ïa uba la pynlong kham ha khlieh ïa ki bneng;

HEBRU 9:14

da katno tam ka snam U Khrist, uba da U Mynsiem bymjukut u la ainguh ïa lade ba khlem jingduna ha U Blei, kan pynkhuid ïa ka jingïatiplem jong phi na ki jingleh baïap, ïa ka ban shakri ïa U Blei ba-im?