KOLOSSAI 3:2 - KA BAIBL

² To phin mut brai ïa kita kiei kiei ruh kiba haneng, ym ïa kita kiei kiei ruh kiba ha ka khyndew.

Khasi CL Bible (BSI)

² To pynneh ïa ki jingmut jong phi ha kiei kiei kiba hangta, ym ha kiei kiei kiba hangne ha khyndew.

KOLOSSAI 3:2 Mawu Ofanana

1 KHRONIKL 22:19

Mynta te, to thew ha la ka dohnud bad la ka mynsiem ban wad ïa U Trai U Blei jong phi; to ïeng namar kata, bad to phin ïatei ïa ka jaka kyntang jong U Trai U Blei, ban wallam ïa ka synduk ka jutang U Trai, bad ïa ki pliang bakhuid U Blei, hapoh ka ïing ka ban sa thaw ha ka kyrteng U Trai.”

KOLOSSAI 3:1

Namar kata, lada la pynmih lem ïa phi bad U Khrist, to wad ïa kiei kiei ruh kiba haneng, ha kaba U Khrist u don, uba shong sha ka kti kamon U Blei.

MATHAÏOS 16:23

Haba U la phai te U la ong ha u Petros, “Khie leit shadien jong nga, me u Soitan! Me long u mawjynthut ïa nga! naba mem ñiew ïa kiei kiei ki jong U Blei, hynrei, ïa kiei kiei ki jong ki briew.”

MATHAÏOS 6:19

“Wat kynshew ki spah ïa lade ha ka khyndew, ha kaba bam ka khñiang bad ka sarang, bad sha kaba ki nongtuh ki pynpei, ki tuh ruh:

KOLOSSAI 3:5

Namar kata, to phin pynïap troiñ ïa ki dkhot jong phi kiba ha ka khyndew; kaba klim, ka jingbymkhuid, ka jingïaid shikar, ka jingkwah basniew, bad ka jingkwah lalot, kaba long ka jingmane bleithaw;

LOUKAS 12:15

U la ong ruh ha ki, “To sumar, to kiar ruh na ka jingkwah lalot baroh: namar ka jingim u briew kam shong satia ha ka jingdap kyrhai jong kiei kiei kiba u don.”

SALM 62:10

Wat shaniah ha ka jingbanbeiñ, bad wat man thala ha ka jingknieh bor: lada roi ki spah, wat buh la ka dohnud ha ki.

SALM 91:14

Namar ba u la buh ïa la ka jingieit ha nga, namar kata, ngan pynim ïa u: ngan kyntiew sha jrong ïa u, namar ba u la ithuh ïa ka kyrteng jong nga.

LOUKAS 16:11

Namar kata, lada phim shym la long kiba lah ban shaniah shaphang ka spah bymhok, uei u ban shaniah ha phi ïa ka spah kaba shisha?

PHILIPPI 1:23

Hynrei, nga sngewlyngngoh ha kine baroh ar, haba nga don ka jingkwah ïa ka ban ïoh leit noh bad ban long lem bad U Khrist; naba ka long kham bha shikatdei eh:

PROBERB 23:5

Hato men buh ïa la ki khmat ha kata ka bymlong? Naba shisha ka spah ka pynlong thapniang ïa lade, kum ka pukni kaba her sha bneng.

EKLESIASTIS 7:14

Ha ka por ba man bha, leh kmen; ha ka por bajynjar, to pyrkhat: U Blei u la pynlong ïa kawei ban ïaryngkat bad ïa kata kawei pat, khnang ba u briew un ym shem ïa kaei kaei ka ban sa long hadien jong u.

1 KHRONIKL 29:3

Nalor kata ruh, namar ba nga la buh la ka jingieit sha ka ïing U Blei jong nga, haba nga don ka jingkynshew la ka jong, ka ksiar bad ka rupa, nga ai ïa ka ha ka ïing U Blei jong nga, nalor baroh ba nga la taïar na ka bynta ka ïing bakhuid;