JOSHUA 9:14 - KA BAIBL

¹⁴ Te kita ki rangbah ki la shim na ka jingbam jong ki, bad kim shym la ïakylli na ka shyntur U Trai.

Khasi CL Bible (BSI)

¹⁴ Ki Israel ki la pdiang katto katne ka jingbam na ki, hynrei kim shym kynjoh ktien na U Trai shaphang kata.

JOSHUA 9:14 Mawu Ofanana

2 SAMUEL 2:1

Hadien kane te, u Dabid u la kylli na U Trai, u da ong, “Ngan leit kiew ne em sha kano kano na ki nongbah Judah?” Bad U Trai u la ïathuh ha u, “To leit kiew.” Te u Dabid u la kylli, “Shano ngan leit kiew?” U te U la ïathuh, “Sha Hebron.”

2 SAMUEL 5:19

Te u Dabid u la kylli na U Trai, u da ong, “Ngan leit kiew ne em ban ïaleh ïa ki Philistia? Men ai noh ne em ïa ki ha ka kti jong nga?” Bad U Trai u la ïathuh ha u Dabid, “Khie leit kiew; naba ngan ai noh shisha ïa kine ki Philistia ha ka kti jong me.”

ESRA 8:21

Ynda kumta, nga la pynbna ïa ka jingshah jingit hangta, harud kata ka wah Ahaba, ba ngin pynrit ïa lade ha khmat U Blei jong ngi, ban wad na u ïa ka lynti ba-beit, ïa lade, bad ïa ki khun jong ngi, bad ïa ka spah jong ngi baroh.

EKSODOS 28:30

Men buh ruh ha kata ka jingdeng shadem ka jingbishar, ïa kita ki Urim bad ïa kita ki Thummim; bad kin ïalong halor ka shyllipnud u Aaron, haba u leit bsut shapoh ha khmat U Trai; bad u Aaron un bah ïa ka jingbishar ki khun Israel halor la ka shyllipnud ha khmat U Trai ha la ka sngi.

JINGKHEIÑ 27:21

Te un ïeng ha khmat u Eleasar lyngdoh, u ban ïakylli na ka bynta jong u, katba kum ka jingbishar ki Urim ha khmat U Trai: da ka ktien jong u, kin ïamih noh shabar, bad da ka ktien jong u, kin ïawan shapoh, ma u, bad ki khun Israel baroh ryngkat bad u, bad u paidlang baroh ruh de.”

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.

JOSHUA 9:13

Kine ruh ki lywa snieh Waiñ ba ngi la pyndap haba ki dang thymmai; ha khmih ruh, ki la pdang: ki jaiñ jong ngi ruh bad ki juti jong ngi ki la man rim namar ba jngai eh ka lynti.”

NONGBISHAR 1:1

Te hadien ka jingïap u Joshua, ki Israel ki la ïakylli ïa U Trai, ki da ong, “Uei un leit kiew nyngkong na ka bynta jong ngi pyrshah ïa ki Kanaan, ban ïaleh ïa ki?”

NONGBISHAR 20:18

Te ki khun Israel ki la ïaïeng, bad ki la ïaleit kiew sha Bethel, bad ki la ïakylli na U Blei; ki la ong ruh, “Uno u ban leit kiew nyngkong na ka bynta jong ngi ban ïaleh thma ïa ki khun u Benjamin?” U Trai te u la ong, “U Judah un leit kiew nyngkong.”

NONGBISHAR 20:28

bad u Phinehas, u khun u Eleasar, u khun u Aaron, u la ïeng ha khmat jong ka ha kita ki sngi,) ki da ong, “Ngan dang leit shuh sha ka thma ïa ki khun u Benjamin u para jong nga, ne ngan keiñ noh?” Te U Trai u la ong, “Khie leit; namar lashai ngan ai noh ïa u ha ka kti jong me.”

1 SAMUEL 22:10

Bad u la ïakylli na U Trai na ka bynta jong u, bad u la ai jingbam ïa u, bad u la ai ha u ïa kata ka waitlam u Goliath u nong Philistia.”