JOSHUA 11:16 - KA BAIBL

¹⁶ Kumta, u Joshua u la shim ïa kata ka ri baroh, ïa ka ri lum, bad ka ri shaphang shathie, bad ïa ka ri Goshen baroh, bad ïa ka ri them, bad ïa ka ri madan, bad ïa ka ri lum Israel, bad ïa ka ri them jong u de;

Khasi CL Bible (BSI)

¹⁶ U Joshua u la kurup ïa ka ri baroh — ka ri lum bad ki kjat lum, ïa kaba shatei bad shathie, ka jaka jong ka Goshen baroh, bad ki ri ryngkhiang ha ka phang shathie jong ka, kumjuh ruh ïa ka Them Jordan.

JOSHUA 11:16 Mawu Ofanana

SALM 105:44

Bad u la ai ha ki ïa ki khyndew jong kita ki jaid bynriew; bad ki la shimti ïa ka jingminot jong kita ki kynja bynriew:

SALM 78:55

U la beh noh ïa kita ki jaid bynriew ruh ha khmat jong ki, bad u la sam ïa ki da u dieng thew ban long ka jingïoh kynti, bad u la pynshong ïa ki jait Israel ha ki ïingjaiñ jong ki.

ESEKIEL 17:23

ha u lum ka jingjrong jong u Israel ngan thung ïa i: bad in kha ki tnat, bad in sei soh, bad in long u dieng Kedar uba itynnad: bad hapoh jong u kin ïashong baroh ki sim kiba man ki rukom thapniang; ha ka syrngiew ki tnat jong u kin ïashong.

ESEKIEL 36:8

Hynrei, ma phi, ko ki lum bah ki Israel, phin sei noh ïa ki tnat jong phi, bad phin pynmih ïa ki soh jong phi ha ki briew jong nga ki Israel: naba ki la jan ban wan noh.

DEUTERONOMI 1:7

to phai phi, to nang ïaid ruh, bad to leit sha u lum ki Amor, bad sha ki jaka baroh kiba marjan ïa u, ha kata ka madan, ha kita ki lum, bad ha kata ka them, bad shaphang shathie ruh, bad sharud ka duriaw, sha ka ri ki Kanaan, bad sha u Lebanon, sha kata ka wah ka bakhraw, ka wah Ïuphratis keiñ.

JOSHUA 10:40

Kumta, u Joshua u la jop ïa ka ri baroh, ïa ka ri lum, bad ïa ka shathie, bad ïa ka ri them, bad ïa ki ranab lum, bad ïa ki syiem jong ki baroh; um shym la pynsah uwei ruh: hynrei, u la pynduh khoit ïa baroh kat kiba don mynsiem, kumba U Trai U Blei ki Israel, u la hukum.

JOSHUA 10:41

Bad u Joshua u la pom ïa ki naduh Kadesh-barnea haduh Gasa, ka ri Goshen baroh ruh, haduh Gibeon.

JOSHUA 11:15

Kumba U Trai u la hukum ïa u Moses u shakri jong u, kumta u Moses u la hukum ïa u Joshua; kumta ruh u Joshua u la leh; um shym iehnoh ei ei khlem da leh na kita baroh ba U Trai u la hukum ïa u Moses.

JOSHUA 11:2

bad ha ki syiem kiba shaphang shatei, ha ri lum bad ha ri madan shaphang shathie na Khinneroth, bad ha ka ri them, bad ha ri lum Dor shaphang sepngi,

JOSHUA 11:21

Ha kata ka por ruh u Joshua u la wan, bad u la pynduh ïa ki Anak na ka ri lum, na Hebron, na Debir, na Anab, bad na ka ri lum Judah baroh, bad na ka ri lum Israel baroh: u Joshua u la pynduh khoit ïa ki bad ïa ki shnong jong ki.

JOSHUA 12:8

ha ri lum, bad ha ri them, bad ha ri madan, bad ha ki ranab, bad ha ka ri khlaw, bad ha ka ri shathie; ki Hit, ki Amor, bad ki Kanaan, ki Peris, ki Hib, bad ki Jebus:

JOSHUA 9:1

Ka la jia ruh, haba ki syiem baroh kiba ha kane ka liang ka Jordan, ha ki lum, ha ki them, bad ha ki rud ka duriaw bah marpyrshah u Lebanon, ki Hit keiñ bad ki Amor, ki Kanaan, ki Peris, ki Hib, bad ki Jebus, ki la bna;