JONAH 1:2 - KA BAIBL

² “To ïeng, to leit sha Ninebeh, kata ka nongbah kaba khraw, bad to pyrta pyrshah ïa ka; naba ka jingleh bymman jong ki ka la wan kiew ha khmat jong nga.”

Khasi CL Bible (BSI)

² U ong, “Khie leit sha Ninebeh, kata ka nongbah kaba khraw, bad to kren pyrshah ïa ka; nga tip haduh katno kiba bymman ki briew jong ka ki long.”

JONAH 1:2 Mawu Ofanana

JENESIS 10:11

Na kata ka ri u la leit mih noh sha ka Asshur, bad u la tei ïa ka Ninebeh, bad ïa ka nongbah Rehoboth, bad ïa ka Kalah,

2 SYIEM 19:36

Kumta u Sennakherib u syiem ka Assyria u la leit noh, bad ynda u la leit phai pat, u la shong ha Ninebeh.

2 KHRONIKL 28:9

Hynrei, u nongïathuhlypa jong U Trai u la don hangta, uba ka kyrteng jong u ka long “u Oded”: bad u la leit tan ïa u paidïapom uba la wan sha Samaria, bad u la ong ha ki, “Ha khmih, namar ba U Trai, U Blei ki kpa jong phi, u la bitar ïa ki Judah, u la ai noh ïa ki ha ka kti jong phi, bad phi la pynïap ïa ki ha ka jingbitar kaba la poi tiap haduh bneng.

ESRA 9:6

bad nga la ong, “A U Blei jong nga, nga sngewlehrain bad nga saw kyr-ang ban khmied la ka khmat sha me, U Blei jong nga: namar ki jingleh bymman jong ngi ki la man bun shaneng ka khlieh jong ngi, bad ka jingtei pop jong ngi ka la san haduh ki bneng.

ISAÏAH 37:37

Kumta u Sennakherib u syiem ka Assyria u la leit noh, u la leit phai, bad u la shong ha Ninebeh.

ISAÏAH 58:1

“To pyrta jam la ka ryndang, wat tyngkai, pynjam ïa la ka ktien kum ka ronsing, to pynbna ruh ha u paidlang jong nga ïa ka ryngkang jong ki, bad ha ka ïing u Jakob ruh ïa ki pop jong ki.

JEREMAÏAH 20:9

Bad lada nga ong, “Ngan ym kren shuh shaphang jong u, ngan ym kren shuh ha ka kyrteng jong u,” hangta te don ha ka dohnud jong nga kum ka ding kaba meh ba la set khop hapoh ki shyieng jong nga, nga la thait ban kan, bad ngam lah shuh.

ESEKIEL 2:7

Hynrei, to men kren ïa ki ktien jong nga ha ki, lada kin sngap, lane lada kin ym sngap: namar ki long kiba ïaleh pyrshah eh.

HOSIA 7:2

Kim pyrkhat ruh ha la ki dohnud ba nga kynmaw ïa ka jingbymman jong ki baroh: mynta, ki jingleh jong ki hi ki la ker kut ïa ki; ki don ha khmat jong nga.

JONAH 3:2

“To ïeng, to leit sha Ninebeh, kata ka nongbah kaba khraw, bad to ïathuhkhana ha ka, ïa ka jingïathuhkhana kaba ngan ong ma nga ha me.”

JONAH 3:3

Kumta, u Jonah u la ïeng, bad u la leit sha Ninebeh katba kum ka ktien U Trai. Te ka Ninebeh ka la long ka nongbah bakhraw shibun eh, ka balai sngi lynti.

JONAH 4:11

nga te ngam dei ban isynei ïa ka Ninebeh, kata ka nongbah kaba khraw; ha kaba don tam shispah arphew hajar ngut ki briew ki bymithuh ïa la ka kti kamon na la ka kti kadiang; bad shibun ki jingri ruh?”

MIKAH 3:8

Hynrei, ma nga shisha da U Mynsiem U Trai nga dap ka bor, bad ka jingbishar, bad ka jingkhlaiñ, ïa ka ban ïathuh ha u Jakob ïa ka jingpalat jong u, bad ha u Israel ïa ka pop jong u.

NAHUM 1:1

Ka jingkit ka Ninebeh. Ka kitab ka jingithuhpaw u Nahum u nong Elkosh.

NAHUM 3:19

Ym don ka jingpynjem ïa ka jingmynsaw jong me; ka jingmong jong me ka jur: baroh kat kiba ïohsngew shaphang jong me kin thab kti halor jong me; naba halor jongno ba ka jingleh bymman jong me kam ju ïaid ha la ka sngi?

MATHAÏOS 10:18

yn ïalam ruh ïa phi ha khmat ki lyngskor bad ki syiem na ka bynta jong nga, ïa ka ban long ka jingphla ha ki bad ha ki Jentil.

MATHAÏOS 12:41

Ki nong Ninebeh kin ïaïeng lem bad kane ka pateng bynriew ha ka jingbishar, bad kin ïa-pynrem ïa ka: naba ki la ïakylla-ka-bamut da ka jingïalap u Jonah: ha khmih te, hangne uba kham khraw ïa u Jonah.

JAKOB 5:4

Ha khmih, kata ka bainong jong kita ki nongtrei kiba la ot ïa ki lyngkha jong phi, ïa kaba la bat klop noh ma phi, ka kyang kyrpad; te kita ki jingkyang jong kita kiba la ot ki la leit bsut sha ki shkor U Trai ki Paid.

JINGPYNPAW 18:5

Naba kita ki pop jong ka ki la ïakot haduh ka bneng, bad U Blei u la kynmaw ïa kita ki jingleh bymman jong ka.