JOEL 3:21 - KA BAIBL

²¹ Bad ngan sait ïa kata ka snam jong ki kaba ngam pat la sait: naba U Trai u shong sah ha ka Seïon.”

JOEL 3:21 Mawu Ofanana

ISAÏAH 4:4

haba U Trai u la sait noh ïa ka jingtngit ki khun kynthei ka Seïon, bad ba la pynkhuid noh ïa ka snam ka Jerusalem napdeng jong ka, da ka mynsiem ka jingbishar, bad da ka mynsiem ka jinging.

ESEKIEL 36:25

Bad ngan synreit ïa phi da ka um khuid, te phin long khuid: na ka jakhlia jong phi baroh, bad na ki bleithaw jong phi baroh, ngan pynkhuid ïa phi.

ESEKIEL 36:29

Bad ngan pynim ïa phi na ki jingbymkhuid jong phi baroh: bad ngan pynphah ïa u Kew, bad ngan pynroi ruh ïa u, bad ngan ym buh 'nemsniew halor jong phi.

ESEKIEL 48:35

Kan long khatphra hajar dieng baroh sawdong: bad ka kyrteng ka nongbah naduh kata ka sngi kan long, “U Trai u don hangta.”

JOEL 2:27

Te phin ïoh tip ba nga long hapdeng ki Israel, bad ba nga long U Trai U Blei jong phi, bad ym don uwei pat: bad yn ym pynlehrain ïa u paidbah jong nga lano lano ruh.

JOEL 3:17

“Kumta phin ïoh tip ba nga long U Trai U Blei jong phi, uba shong sah ha Seïon u lum bakyntang jong nga: ynda kumta, ka Jerusalem kan long ka bakyntang, bad yn ym don ki nongwei ki ban ïaid ïa ka shuh.

MATHAÏOS 27:25

Ki briew baroh ki da ïathuh ki la ong ruh, “To ka snam jong U kan long halor jong ngi, bad halor ki khun jong ngi.”

JINGPYNPAW 21:3

Bad nga la ïohsngew ka ktien bajam na kata ka khet, ka da ong, “Ha khmih, Ka Tabernakl U Blei ryngkat bad ki briew, bad un shong lem bad ki, te ma ki kin ïalong ki paidlang jong u, bad U Blei hi un long lem bad ki, bad un long U Blei jong ki: