JOEL 3:18 - KA BAIBL

¹⁸ “Te kan jia ha kata ka sngi, ba ki lum kin pynjaw ïa ka Waiñ thiang, bad ki lum rit kin tuid da ka dud, bad ki wah duid ka Judah baroh kin tuid da ki um; bad ka umpohliew kan mih noh na ka ïing U Trai, bad kan ai um ïa Ka Them Shittim.

Khasi CL Bible (BSI)

¹⁸ “Ha kata ka por ïa ki lumbah yn tap da ki bri sohwaiñ, bad ïa ki masi yn shem ha uwei pa uwei u lum; yn don kyrhai ka um na ka bynta ki wahduid baroh ha Judah. Ka wahduid kan tuid na ka Templ jong U Trai, bad kan ai um ïa ka Them Akasia.

JOEL 3:18 Mawu Ofanana

Ka Kitab U Job 29:6

mynba la ju sait ïa ki jingjam jong nga da ka makhon, bad u mawsiang u la theh noh ïa ki wah da ka umphniang ha nga;

SALM 46:4

Ka don ka wah, ki umtuid jong ka ki pynkmen ïa ka nongbah U Blei, ka jaka kyntang ki tabernakl U Bahakhlieh Tam.

EKSODOS 3:8

bad nga la wan hiar ma nga ban pyllait noh ïa ki na ka kti ki Ijipt, bad ban ïalam noh ïa ki na kata ka ri sha ka ri babha bad bakhraw, sha ka ri keiñ kaba tuid da ka dud bad ka ngap; sha ka jaka ki Kanaan, bad ki Hit, bad ki Amor, bad ki Peris, bad ki Hib, bad ki Jebus de.

ISAÏAH 30:25

Te halor u lum bah ba san baroh, bad halor u lum bajrong baroh, yn long ki wah bad ki wah duid ki um, ha kata ka sngi ka jingpynïap bakhraw, ynda ki jingtei kut ki kyllon.

ISAÏAH 35:6

Ynda kumta, u briew u ba-dkoh un rynsied kum u 'keirang, bad u thylliej u bymnangkren un rwai: namar ha ka ri khlaw ki um kin kyrsoi, bad ki wah duid ha ka ri shyiap.

ISAÏAH 44:3

Naba ngan theh um ha uta u basliang, bad ki wah duid ha ka khyndew barkhiang: ngan theh ïa la U Mynsiem halor u symbai jong me, bad ïa la ka jingkyrkhu halor ki khun ki ksiew jong me:

ISAÏAH 45:8

“To pynjaw, phi ki bneng, na jrong, bad to ki suiñbneng kin theh noh ïa ka hok: to ka khyndew kan ang, ba kin ïa-pynmih ïa ka jingpynim, bad to kan pynmih noh lang ïa ka hok; nga U Trai nga la thaw ïa ka.

ISAÏAH 55:1

“Kaw, jar uba sliang, to wan sha ki um; bad uta u bymdon sbai, wan, to thied bad bam; wan keiñ, to thied ka Waiñ bad ka dud khlem sbai bad khlem dor.

ISAÏAH 66:11

ba phin ïoh buiñ bad phin sngewkdang da ki jymbuiñ ki jingpyntngen jong ka; ba phin ïoh pynmih buiñ, bad ba yn pynsngewbha ïa phi da ka jingdap kyrhai ka burom jong ka.”

JEREMAÏAH 31:12

Bad kin sa ïawan rwai ha u lum Seïon, bad kin sa ïatuid lang sha ka jingbha jong U Trai, sha u Kew, bad sha ka Waiñ, bad sha ka umphniang, bad sha ki khun blang bad ki khun masi: bad ka mynsiem jong ki kan long kum ka kper ba la ai um, bad kin ym ïasngewsih shuh lano lano ruh.

MIKAH 6:5

A phi ki briew jong nga, to kynmaw te ïa kaba u Balak u syiem ka Moab u la thmu, bad kumno u Balaam u khun u Beor u la phai ktien ha u; to kynmaw naduh Shittim haduh Gilgal, ba phin tip ïa ki jinglehhok jong U Trai.”

SEKHARAÏAH 14:8

“Bad ha kata ka sngi, ki um kiba im kin mih noh na Jerusalem; shiteng jong ki shaphang ka duriaw mihngi, bad shiteng shaphang ka duriaw sepngi: mynlyiur bad myntlang ruh kan long.”

JINGKHEIÑ 25:1

Bad ki Israel ki la ïashong sah ha Shittim, bad ki briew ki la sdang ban klim bad ki khun kynthei ki Moab: