JOEL 3:17 - KA BAIBL

¹⁷ “Kumta phin ïoh tip ba nga long U Trai U Blei jong phi, uba shong sah ha Seïon u lum bakyntang jong nga: ynda kumta, ka Jerusalem kan long ka bakyntang, bad yn ym don ki nongwei ki ban ïaid ïa ka shuh.

Khasi CL Bible (BSI)

¹⁷ “Te ko Israel, phan sa tip ba nga long U Trai U Blei jong pha. Nga shong ha Seïon, u lum bakyntang jong nga. Ka Jerusalem kan long ka nongbah bakyntang; ki nongwei kin ym lah ban jop shuh ïa ka lano lano ruh.

JOEL 3:17 Mawu Ofanana

Ka Kitab U Job 15:19

kiba tang ha ki hi la ai ïa ka khyndew, bad u nongwei um shym ïoh wan hapdeng jong ki):

SALM 76:2

Ha Salem ruh ka don Ka Tabernakl jong u, bad ka jaka shong jong u ha Seïon.

SALM 9:11

To rwai ki jingïaroh ïa U Trai, uba shong ha ka Seïon: to pynbna hapdeng u paidbah ïa ki jingleh jong u.

EKSODOS 16:12

“Nga la ïohsngew ïa ki jingkhñium ki khun Israel: to kren ha ki, da kaba ong, ‘Ynda la janmiet phin ïoh bam ïa ka doh, bad mynstep ruh yn pynkdang ïa phi da u kpu; bad phin ïoh tip ba nga long ma nga U Trai U Blei jong phi.’ ”

ISAÏAH 11:9

Kin ym pynmynsaw lymne pynjot ha u lum bakyntang jong nga baroh: namar ka pyrthei kan dap da ka jingtip ïa U Trai, kumba ki um ki tap lin ïa ka duriaw.

ISAÏAH 12:6

To risa jam bad to kynhui, pha kaba shong ha Seïon: namar u bakhraw hapdeng jong pha long uta U Bakhuid jong ki Israel.”

ISAÏAH 35:8

Te ka lynti bah kan long hangta, bad ka lynti, yn khot ïa ka ruh “Ka lynti ka jingkhuid;” kiba tngit kin ym ïaid halor jong ka; hynrei, kan long ïa kito: ki nongleit jingleit, shisha keiñ ki babieit, kin ym bakla ha ka.

ISAÏAH 4:3

Te uta ïa uba la iehnoh ha ka Seïon, bad uta uba ïaisah ha Jerusalem, yn khot “u bakhuid” ïa u, ïa uwei uwei baroh keiñ ba la thoh hapdeng ki ba-im ha Jerusalem:

ISAÏAH 46:13

nga pynjan la ka hok, kan ym long kaba jngai, ka jingpynim jong nga ruh kan ym tud; te ngan buh ïa ka jingpynim ha Seïon ïa u Israel ka burom jong nga.”

ISAÏAH 52:1

To khie, to khie, to kup ïa la ka bor, ko Seïon, to kup ïa la ki jaiñkup ba-itynnad, ko Jerusalem, ka shnong ka bakhuid: naduh mynta u bym shym la otsher bad u basang kin ym wan shuh ha pha.

ISAÏAH 56:7

ïa ki ngan wallam keiñ sha u lum bakyntang jong nga, bad ngan pynkmen ïa ki ha ka ïing jingduwai jong nga; ïa ki jingainguh thang jong ki bad ïa ki jingkñia jong ki yn pdiang hun ha ka duwan jong nga: namar ïa ka ïing jong nga yn khot ‘ka ïing jingduwai ïa ki kynja bynriew baroh.’ ”

JEREMAÏAH 31:23

Kumne u ong U Trai ki paid, U Blei ki Israel: “Te kin dang kren pat ïa kane ka ktien ha ka ri Judah, bad ha ki shnong jong ka, haba ngan pynphai pat ïa ka jinglongmraw jong ki: “ ‘U Trai un kyrkhu ïa me, A ka jaka shong jong ka hok, A u lum bah ka jingkhuid.’

JEREMAÏAH 31:40

Bad ki ri them ki metïap baroh, bad ka jong ka dpei, bad ki lyngkha baroh haduh ka wah duid Kidron, haduh ka dong ka Khyrdop Kulai shaphang mihngi, kan long ka bakyntang ha U Trai; yn ym rat shuh, lymne pynkyllon ïa ka shuh ha la ka rta.”

ESEKIEL 20:40

“Naba ha u lum bakhuid jong nga, ha u lum ka jingjrong u Israel,” ong U Trai U Blei, “hangta ka ïing Israel baroh, baroh keiñ, kin ïashakri ïa nga ha ka ri: hangta ngan pdiang ïa ki, bad hangta ngan pan ïa ki jingainguh jong phi, bad ïa ki soh nyngkong na ki jingainguh jong phi, lem bad kiei kiei ki bakhuid jong phi.

ESEKIEL 37:6

Bad ngan buh ki thied ha phi, bad ngan pynmih ïa ka doh ha phi, bad ngan tap ïa phi da ka snieh, bad ngan tian mynsiem ha phi, te phin sa im; bad phin ïoh tip ba nga long U Trai.’ ”

ESEKIEL 43:12

Kane ka long ka aiñ jong ka ïing: ha ka kliar u lum bah ka pud jong u baroh sawdong kan long ka bakhuid tam. Ha khmih, kane ka long ka aiñ jong ka ïing.”

ESEKIEL 44:9

“Kumne u ong U Trai U Blei: Ym don u sohshnong, uba khlem otsher ha ka dohnud bad uba khlem otsher ha ka doh, u ban rung ha ka jaka kyntang jong nga, na kino kino ki sohshnong kiba hapdeng ki khun Israel.

ESEKIEL 48:35

Kan long khatphra hajar dieng baroh sawdong: bad ka kyrteng ka nongbah naduh kata ka sngi kan long, “U Trai u don hangta.”

DANIEL 11:45

Bad un sher ïa ki dara ka ïing jong u hapdeng ka duriaw bad uta u lum bakyntang ba-donburom; pynban, un poi sha ka bakut jong u, bad yn ym don ban ïarap ïa u.

DANIEL 9:16

A Trai, nga kyrpad ïa me, katba kum ka jinglehhok jong me baroh, to ka jingbitar jong me bad ka jingotshla jong me kin phai noh na ka nongbah jong me ka Jerusalem, u lum u bakyntang jong me: namar na ka bynta ki pop jong ngi, bad na ka bynta ki jingleh bymhok ki kpa jong ngi, ka Jerusalem bad ki briew jong me ki la long ka jingibeiñ ha baroh kiba kylleng sawdong ïa ngi.

JOEL 2:27

Te phin ïoh tip ba nga long hapdeng ki Israel, bad ba nga long U Trai U Blei jong phi, bad ym don uwei pat: bad yn ym pynlehrain ïa u paidbah jong nga lano lano ruh.

JOEL 3:21

Bad ngan sait ïa kata ka snam jong ki kaba ngam pat la sait: naba U Trai u shong sah ha ka Seïon.”

MIKAH 4:7

te ngan pynlong ka bynta ba sah ïa kata kaba la dkoh, bad ka jaid bynriew bakhlaiñ ïa kata kaba la bred noh sha jngai: bad U Trai un synshar halor jong ki ha u lum Seïon naduh mynta junom.”

NAHUM 1:15

Ha khmih halor ki lum ïa ki kjat jong uta uba wallam ki jingïathuhkhana babha, uba pynbna ïa ka jingsuk! To rakhe ïa la Ki Jingkhawai Niam, ko Judah, to pyndep ïa la ki jingkular: naba uta u bymman un ym ïaid shuh lyngba ïa me; la pynduh noh khoit ïa u.

SEKHARAÏAH 8:3

Kumne u ong U Trai: “Nga la wan phai sha ka Seïon, bad ngan shong sah hapdeng ka Jerusalem: bad ïa ka Jerusalem yn khot ‘Ka nongbah ka jingshisha’; bad ïa u lum U Trai ki paid, ‘U lum u bakhuid.’ ”

JINGPYNPAW 21:27

Bad da lei lei kan ym ïoh leit bsut sha ka kaei kaei ruh ka bymkhuid, lane uta uba leh ïa ka jingijli bad ka jinglamler: hynrei, tang kita keiñ ïa kiba la thoh ha kata ka kitab ka jingim jong uta U Khun langbrot.